ಸ್ಟೇಟ್ ಕೌನ್ಸಿಲರ್ ಮತ್ತು ಚೀನಾದ ರಕ್ಷಣಾ ಸಚಿವ ಜನರಲ್ ವೆಯಿ ಫೆಂಘೆ ಅವರು ಪ್ರಧಾನಮಂತ್ರಿ ಶ್ರೀ ನರೇಂದ್ರ ಮೋದಿ ಅವರನ್ನು ಭೇಟಿಯಾದರು.
ರಕ್ಷಣಾ ಮತ್ತು ಸೇನಾ ವಿನಿಮಯ ಸೇರಿದಂತೆ ಭಾರತ-ಚೀನಾ ನಡುವಣ ಎಲ್ಲ ವಲಯಗಳಲ್ಲಿ ಉನ್ನತ-ಹಂತದ ಸಂಪರ್ಕಗಳ ಗತಿ ವೃದ್ಧಿಗೊಳ್ಳುತ್ತಿರುವ ಬಗ್ಗೆ ಪ್ರಧಾನಮಂತ್ರಿ ಶ್ರೀ ಮೋದಿ ಅವರು ಪ್ರಶಂಸಿಸಿದರು. ಭಾರತ ಮತ್ತು ಚೀನಾ ತಮ್ಮ ನಡುವಣ ವಿರೋಧಗಳನ್ನು ನಿಭಾಯಿಸುತ್ತಾ, ಕಲಹಗಳಿಗೆ ಆಸ್ಪದಮಾಡಿಕೊಡದೆ, ಗಡಿಪ್ರದೇಶದಲ್ಲಿ ನೆಮ್ಮದಿ ಮತ್ತು ಶಾಂತಿಯನ್ನು ಕಾಪಾಡಿಕೊಂಡಿರುವುದು ಸಂವೇದನಶೀಲತೆ ಮತ್ತು ಪ್ರಭುದ್ಧತೆಯ ಸೂಚಕವಾಗಿದೆ ಮತ್ತು ಭಾರತ-ಚೀನಾ ಬಾಂಧವ್ಯ ವಿಶ್ವದಲ್ಲಿ ಸ್ಥಿರತೆಯ ವಿಷಯವಾಗಿದೆ ಎಂದು ಪ್ರಧಾನಮಂತ್ರಿ ಹೇಳಿದರು
ಇತ್ತೀಚೆಗೆ ವುಹಾನ್ , ಕ್ವಿಂಗ್ಡಾವ್ ಮತ್ತು ಜೋಹನ್ನೆಸ್ಬರ್ಗ್ ಗಳಲ್ಲಿ ಅಧ್ಯಕ್ಷ ಕ್ಸಿ ಜಿನ್ ಪಿಂಗ್ ಅವರನ್ನು ಭೇಟಿಯಾಗಿರುವುದನ್ನು ಪ್ರಧಾನಮಂತ್ರಿ ಮೋದಿ ಅವರು ಸಂತಸದಿಂದ ನೆನಪಿಸಿಕೊಂಡರು.
