દાદા વાસવાણીએ વડાપ્રધાનનો આભાર વ્યક્ત કર્યો અને તેમને વિશ્વભરમાં હાલના સૌથી મહાન નેતા ગણાવ્યા. તેમણે કહ્યું કે વડાપ્રધાન દ્વારા શરુ કરવામાં આવેલી પહેલ જેવીકે જન ધન યોજના, મેઇક ઇન ઇન્ડિયા, સ્વચ્છ ભારત અભિયાન વગેરેની દેખીતી અસર થઇ છે. તેમણે કહ્યું કે ભારત છેલ્લા ત્રણ વર્ષમાં ઘણું બદલાઈ ચૂક્યું છે. તેમણે એમ પણ કહ્યું કે માત્ર રાજકારણ જ નહીં પરંતુ યોગ્ય શિક્ષણ યોગ્ય સમયે મળે તે પણ રાષ્ટ્રનિર્માણ માટે અત્યંત આવશ્યક છે. તેમણે કહ્યું કે આપણે બધાંયે એક એવા રાષ્ટ્રના નિર્માણની ઈચ્છા રાખવી જોઈએ જેના માટે તમામ ભારતીયો ગર્વ અનુભવે.
દાદા વાસવાણી એ કહ્યું, “આપણે નસીબદાર છીએ કે વડાપ્રધાન તરીકે આપણને શ્રી નરેન્દ્ર મોદી જેવા નેતા મળ્યા. છેલ્લા ત્રણ વર્ષમાં ભારત ઘણું આગળ વધી ચૂક્યું છે. તમારી પહેલ જેવીકે જન ધન યોજના, સ્વચ્છ ભારત, મેઇક ઇન ઇન્ડિયા દેશને બદલી રહી છે અને હું ભારતના લોકો વતી વડાપ્રધાનને અભિનંદન આપું છું.”
