"After the British, India should shun nepotism, power-pride, scams, inflation, old mind sets, mistrust: Narendra Modi"
"As we breathe in the air of freedom we remember those who who devoted their lives for our Freedom: Narendra Modi""Great men and women spent their youth in the prisons and went to the gallows: Shri Modi""We may have attained freedom but not escaped mental slavery. Status quo-ist mindset must go to grow: Shri Modi""Hoped as a common man that PM’s speech would give a new message, but was disappointed: Narendra Modi""Should'nt we remember Sardar Patel & Shastriji too, instead of just one family from RedFort: CM ""PM raised same issues like Nehruji did 60 years ago while unfurling the Tricolour: Narendra Modi""UPA's Food Security Bill is like serving salt & acid on plates of poor instead of food: CM"કચ્છ જિલ્લો, કચ્છા ભૂજઃ ધ્વજવંદન સમારોહ
ભારતમાતાની આન-બાન-શાન સાથે રાષ્ટ્ર ધ્વજને સલામી આપતા મુખ્યમંત્રીશ્રી
એક ભારત-શ્રેષ્ઠો ભારત નો મંત્ર સાકાર કરીએ
કચ્છની લાલન કોલેજની ભૂમિ ઉપરથી રાજ્યકક્ષાના
સ્વાતંત્ર્ય પર્વની ઉજવણીમાં મુખ્ય્મંત્રીશ્રીનું પ્રેરણાદાયી સંબોધન
દેશના શાસકો ઉપરથી જનતાનો વિશ્વાવસ ઉઠી ગયો છે
ગુલામીની માનસિકતા, સ્થગિત શાસન, ભ્રષ્ટાચારમાંથી આઝાદી એ જ જનતાનો ફેંસલો છે
મુખ્યમંત્રીશ્રીએ જણાવ્યું કે આંતરરાષ્ટ્રીય- પડોશી દેશો સાથેના સંબધોના સંદર્ભમાં પણ પ્રધાનમંત્રીશ્રીએ દેશની સેનાના મનોબળને શકિત મળે તે માટે હોસલો વધારવાની જરૂર હતી. રાષ્ટ્રપતિશ્રીએ એમ પણ કહ્યું કે, આપણી સહનશકિતની સીમા હોવી જોઇએ પણ આ સહનશીલતાની સીમાની વ્યાખ્યા પણ નિશ્ચિત કરવી શાસકપક્ષની ફરજ છે.
આજે દેશની સુરક્ષા ઉપર સંકટ શા માટે છે? તેવો પ્રશ્ન ઉઠાવતા શ્રી નરેન્દ્રભાઇ મોદીએ જણાવ્યું હતું કે, ભારતના રાષ્ટ્રપતિશ્રીની ચિન્તા અને ભાવનાનો આદર કરવાનું પ્રથમ કર્તવ્ય વડાપ્રધાનશ્રીનું છે. રાજનૈતિક ભાષા નહીં પણ દેશના મૂળભૂત પ્રશ્ન દેશની સુરક્ષા, ભ્રષ્ટાચાર અંગે વડાપ્રધાનશ્રીએ દેશને વિશ્વાસ આપવો જોઇએ. ભાઇ-ભતીજાવાદ, સાસુ-બહુ ઔર દામાદ તક ભ્રષ્ટાચાર પહોંચી ગયો છે. ભ્રષ્ટાચારથી દેશ તબાહ થઇ રહ્યો છે. શાસનકર્તા પક્ષ એમાં લીપ્ત, ડૂબી ગયો છે. ભ્રષ્ટાચાર રોકવાની શરૂઆત ટોચકક્ષાથી શરૂ થવી જોઇએ.
વડાપ્રધાનશ્રીના લાલકિલ્લા પરના સ્વાતંત્ર્ય પર્વના સંદેશાનું વિશ્લેષણ કરતા શ્રી નરેન્દ્રભાઇ મોદીએ જણાવ્યું કે, આ પ્રવચનથી આખું હિન્દુસ્તાન નિરાશ થયું છે. આ પ્રવચનમાં સરદાર પટેલ અને લાલ બહાદુર શાસ્ત્રીનો કયાંય ઉલ્લેખ કેમ નથી. શું પંડિત નહેરૂ, ઇન્દિરા ગાંધી, રાજીવ ગાંધીનું જ વડાપ્રધાન તરીકે યોગદાન હતું? આ દેશના વિકાસમાં પરિવારવાદ અને રાજનીતિ શા માટે આડે આવે? ગઇકાલે નૌસેનાની સબમરીનના સેનાના જવાનોના મૃત્યુ અંગે આખો દેશ દુઃખ અનુભવે છે. ઉતરાખંડ માટે સેના સહિત હિન્દુસ્તાનની બધી સરકારોએ પોતાની તાકાતથી સેવા ધર્મ બજાવ્યો છે, તેમની શકિત માટે એક હરફ પ્રસંશાનો નથી ઉચ્ચાર્યો? પરિવારભકિતમાં આટલા ગળાડૂબ થવાનું કારણ શું?
કચ્છની મરૂભૂમિ અને ભારત-પાકની સીમા ઉપરથી પ્રધાનમંત્રીની માનસિકતા અને જવાબદારીને લલકારતા મુખ્યમંત્રીશ્રીએ જણાવ્યું કે વૈશ્વિક મંદીના કારણે દેશનું અર્થતંત્ર અને રૂપિયો નબળો પડયો છે તે વડાપ્રધાનનું વિધાન કે બચાવ ગળે ઉતરે એમ નથી. પંડિત નહેરૂના સમયથી આજ સુધી ૬૦ વર્ષમાં તમે શાસનકર્તા તરીકે કર્યું શું?
મોંઘવારીના મુદ્દે વડાપ્રધાનના મૌન સામે આક્રોશ વ્યકત કરતા મુખ્યમંત્રીશ્રીએ જણાવ્યું કે દેશને ગરીબી, ભ્રષ્ટાચાર, અસુરક્ષિતતા ડુબાડી દીધો છે. હવે દેશને નઇ સોચ, નવી આશા, નવી મૂકિતની અનિવાર્યતા છે. અંગ્રેજોથી ભારતને મુકત કરાવ્યો હવે, ભ્રષ્ટાચાર, અસુરક્ષિતતા, મોંઘવારી, ભાઇ-ભાત્રીજાવાદ, પરિવાદવાદ, અશિક્ષા-અંઘશ્રધ્ધાથી મૂકિત જોઇએ છે. દેશની જનતા નવો ફેસલો કરવા મજબૂર બની થઇ છે કારણ કે સંકટો-સમસ્યાનો ફાંસલો જનતાના ગળામાં છે, તેમાંથી મુકિત જોઇએ છે.
સરકારી લાલફિતાશાહી અને સરકારી ફાઇલોની ૩૫ ધામની વિકાસયાત્રા છતાં સરકારની ગતિમાં દેશને વિશ્વાસ નથી રહ્યો- અટલબિહારી વાજપેઇ અને લાલકૃષ્ણ અડવાણીની NDA સરકારમાં જનતાને વિશ્વાસ હતો કે દેશ હવે આગળ જઇ રહ્યો છે, પણ ર૦૦૪ પછી દશ વર્ષમાં આ વિશ્વાસ રહ્યો જ નથી. ભારતના સંઘીય ઢાંચાનું સન્માન અને રાજયોની મજબૂતી, હરેક ગામ, તાલુકા-જિલ્લાની પ્રગતિ થવી જોઇએ એમ તેમણે જણાવ્યું હતું અને પ્રધાનમંત્રીશ્રીને આ સંદર્ભમાં જણાવ્યું કે હિન્દુસ્તાનના રાજયોને નબળા રાખીને દેશ મજબૂત નહી બને, લોકશાહી સુદ્રઢ નહી રહે.
આ પ્રસંગે મુખ્ય સચિવશ્રી વરેશ સિંહા, અધિક મુખ્ય સચિવશ્રી ગૃહ એસ.કે.નંદા, સાંસદ સુશ્રી પૂનમબેન જાટ, જિલ્લા પંચાયતના પ્રમુખ શ્રી ત્રિકમભાઇ છાંગા, ધારાસભ્યો સર્વશ્રી વાસણભાઇ આહિર, શ્રી મોહનભાઇ કુંડારીયા, શ્રી તારાચંદ છેડા, શ્રી રમેશભાઇ મહેશ્વરી, શ્રી વાઘજીભાઇ પટેલ, શ્રીમતી નીમાબેન આચાર્ય, પોલીસ મહાનિર્દેશક શ્રી અમીતાભ પાઠક, યુવક સેવા સાંસ્કૃતિક વિભાગના સચિવશ્રી ભાગ્યેશ જહા, સચિવશ્રી સામાન્ય વહિવટ વિભાગ શ્રીનીવાસ, જિલ્લા પ્રભારી સચિવશ્રી જે.પી.ગુપ્તા, જિલ્લા કલેકટરશ્રી હર્ષદ પટેલ, વરિષ્ઠ અધિકારીઓ, પદાધિકારીઓ, સમાજ શ્રેષ્ઠીઓ, નગરજનો ઉપસ્થિત રહ્યા હતા.
