"એક પૃથ્વી, એક કુટુંબ, એક ભવિષ્ય' હેતુની એકતા તેમજ ક્રિયાની એકતાની જરૂરિયાતનો સંકેત આપે છે"
"વિશ્વ યુદ્ધ પછીનું વૈશ્વિક શાસન તેના ભવિષ્યના યુદ્ધોને રોકવા અને સામાન્ય હિતોના મુદ્દાઓ પર આંતરરાષ્ટ્રીય સહકારને પ્રોત્સાહન આપવાના બંને આદેશોમાં નિષ્ફળ ગયું""કોઈપણ જૂથ તેના નિર્ણયોથી સૌથી વધુ અસરગ્રસ્ત લોકોને સાંભળ્યા વિના વૈશ્વિક નેતૃત્વનો દાવો કરી શકે નહીં""ભારતની G20 પ્રેસિડેન્સીએ ગ્લોબલ સાઉથને અવાજ આપવાનો પ્રયાસ કર્યો છે""આપણે જે મુદ્દાઓ સાથે મળીને ઉકેલી શકતા નથી તેને આપણે જે કરી શકીએ એમ છીએ તેના માર્ગમાં આવવા દેવા જોઈએ નહીં""એક તરફ વૃદ્ધિ અને કાર્યક્ષમતા અને બીજી તરફ સ્થિતિસ્થાપકતા વચ્ચે યોગ્ય સંતુલન શોધવામાં G20ની મહત્વપૂર્ણ ભૂમિકા છે"વિદેશ મંત્રીઓ, આંતરરાષ્ટ્રીય સંસ્થાઓના વડાઓ, મહાનુભાવો,
G20 વિદેશ મંત્રીઓની બેઠક માટે હું ભારતમાં તમારું સ્વાગત કરું છું. ભારતે તેના G20 પ્રેસિડેન્સી માટે ‘વન અર્થ, વન ફેમિલી, વન ફ્યુચર’ થીમ પસંદ કરી છે. તે હેતુની એકતા અને ક્રિયાની એકતાની જરૂરિયાતનો સંકેત આપે છે. હું આશા રાખું છું કે તમારી આજની બેઠક સામાન્ય અને નક્કર ઉદ્દેશ્યોને પ્રાપ્ત કરવા માટે એકસાથે આવવાની ભાવનાને પ્રતિબિંબિત કરશે.
મહાનુભાવો,
આપણે બધાએ સ્વીકારવું જોઈએ કે બહુપક્ષીયતા આજે સંકટમાં છે. બીજા વિશ્વયુદ્ધ પછી સર્જાયેલ વૈશ્વિક શાસનનું આર્કિટેક્ચર બે કાર્યો કરવા માટે હતું. પ્રથમ, સ્પર્ધાત્મક હિતોને સંતુલિત કરીને ભવિષ્યના યુદ્ધોને રોકવા માટે. બીજું, સામાન્ય હિતોના મુદ્દાઓ પર આંતરરાષ્ટ્રીય સહયોગને પ્રોત્સાહન આપવું. છેલ્લા કેટલાક વર્ષોનો અનુભવ- નાણાકીય કટોકટી, આબોહવા પરિવર્તન, રોગચાળો, આતંકવાદ અને યુદ્ધો સ્પષ્ટપણે દર્શાવે છે કે વૈશ્વિક શાસન તેના બંને આદેશોમાં નિષ્ફળ ગયું છે. આપણે એ પણ સ્વીકારવું જોઈએ કે આ નિષ્ફળતાના દુ:ખદ પરિણામો સૌથી વધુ વિકાસશીલ દેશો ભોગવી રહ્યા છે. વર્ષોની પ્રગતિ પછી, આજે આપણે સસ્ટેનેબલ ડેવલપમેન્ટ ગોલ્સ પર પાછા ફરવાના જોખમમાં છીએ. ઘણા વિકાસશીલ દેશો તેમના લોકો માટે ખોરાક અને ઊર્જા સુરક્ષા સુનિશ્ચિત કરવાનો પ્રયાસ કરતી વખતે બિનટકાઉ દેવા સાથે સંઘર્ષ કરી રહ્યા છે. તેઓ પણ સમૃદ્ધ દેશો દ્વારા થતા ગ્લોબલ વોર્મિંગથી સૌથી વધુ પ્રભાવિત છે. આ કારણે જ ભારતના G20 પ્રેસિડન્સીએ ગ્લોબલ સાઉથને અવાજ આપવાનો પ્રયાસ કર્યો છે. કોઈપણ જૂથ તેના નિર્ણયોથી સૌથી વધુ અસરગ્રસ્ત લોકોને સાંભળ્યા વિના વૈશ્વિક નેતૃત્વનો દાવો કરી શકે નહીં.
મહાનુભાવો,
તમે ઊંડા વૈશ્વિક વિભાજનના સમયે મળી રહ્યા છો. વિદેશ મંત્રીઓ તરીકે, તે સ્વાભાવિક છે કે તમારી ચર્ચાઓ આજકાલના ભૌગોલિક-રાજકીય તણાવથી પ્રભાવિત થાય છે. આ તણાવને કેવી રીતે ઉકેલવો જોઈએ તેના પર આપણા બધાની આપણી સ્થિતિ અને આપણા દ્રષ્ટિકોણ છે. જો કે, વિશ્વની અગ્રણી અર્થવ્યવસ્થાઓ તરીકે, આપણી પણ જવાબદારી છે કે જેઓ આ રૂમમાં નથી, વિશ્વ વૃદ્ધિ, વિકાસ, આર્થિક સ્થિતિસ્થાપકતા, આપત્તિ સ્થિતિસ્થાપકતા, નાણાકીય સ્થિરતા, આંતરરાષ્ટ્રિય અપરાધ, ભ્રષ્ટાચાર, આતંકવાદ અને ખાદ્ય અને ઊર્જા સુરક્ષાના પડકારોને હળવા કરવા G20 તરફ જુએ છે. આ તમામ ક્ષેત્રોમાં, G20 પાસે સર્વસંમતિ બનાવવાની અને નક્કર પરિણામો આપવાની ક્ષમતા છે. આપણે સાથે મળીને ઉકેલી ન શકીએ તેવા મુદ્દાઓને આપણે જે કરી શકીએ એમ છીએ તેના માર્ગમાં આવવા દેવા જોઈએ નહીં. જેમ તમે ગાંધી અને બુદ્ધની ભૂમિમાં મળો છો, હું પ્રાર્થના કરું છું કે તમે ભારતના સભ્યતાના સિદ્ધાંતોમાંથી પ્રેરણા મેળવો - જે આપણને વિભાજિત કરે છે તેના પર નહીં, પરંતુ જે આપણને બધાને એક કરે છે તેના પર ધ્યાન કેન્દ્રીત કરવા કહે છે.
મહાનુભાવો,
તાજેતરના સમયમાં, આપણે સદીનો સૌથી વિનાશક રોગચાળો જોયો છે. આપણે કુદરતી આફતોમાં હજારો જીવ ગુમાવ્યાના સાક્ષી છીએ. આપમે તણાવના સમયમાં વૈશ્વિક સપ્લાય ચેન તૂટતી જોઈ છે. આપણે સ્થિર અર્થવ્યવસ્થાઓને અચાનક દેવું અને નાણાકીય કટોકટીથી ડૂબી ગયેલી જોઈ છે. આ અનુભવો સ્પષ્ટપણે આપણા સમાજમાં, આપણા અર્થતંત્રોમાં, આપણી આરોગ્યસંભાળ પ્રણાલીઓમાં અને આપણા ઈન્ફ્રાસ્ટ્રક્ચરમાં સ્થિતિસ્થાપકતાની જરૂરિયાત દર્શાવે છે. એક તરફ વૃદ્ધિ અને કાર્યક્ષમતા અને બીજી તરફ સ્થિતિસ્થાપકતા વચ્ચે યોગ્ય સંતુલન શોધવામાં G20 મહત્વની ભૂમિકા ભજવે છે. અમે સાથે મળીને કામ કરીને વધુ સરળતાથી આ સંતુલન સુધી પહોંચી શકીએ છીએ. એટલા માટે તમારી બેઠક મહત્વપૂર્ણ છે. મને તમારી સામૂહિક શાણપણ અને ક્ષમતા પર પૂરો ભરોસો છે. મને ખાતરી છે કે આજની બેઠક મહત્વાકાંક્ષી, સર્વસમાવેશક, કાર્યલક્ષી અને મતભેદોથી ઉપર ઊઠીને હશે.
હું તમારો આભાર માનું છું અને ફળદાયી બેઠક માટે તમને શુભેચ્છા પાઠવું છું.
