પ્રધાનમંત્રી નરેન્દ્ર મોદીએ ક્રાઉન પ્રિન્સ અને સાઉદી અરેબિયાના પ્રધાનમંત્રી, મહામહિમ પ્રિન્સ મોહમ્મદ બિન સલમાન બિન અબ્દુલ અઝીઝ અલ સાઉદ સાથે ટેલિફોન પર વાતચીત કરી હતી.
નેતાઓએ સપ્ટેમ્બર 2023માં ક્રાઉન પ્રિન્સની ભારતની રાજ્ય મુલાકાતના અનુવર્તી દ્વિપક્ષીય વ્યૂહાત્મક ભાગીદારીમાં પ્રગતિની સમીક્ષા કરી. તેઓએ ભવિષ્ય માટે આગળ દેખાતા દ્વિપક્ષીય ભાગીદારીના એજન્ડાની પણ ચર્ચા કરી.
નેતાઓએ પશ્ચિમ એશિયાની વર્તમાન પરિસ્થિતિ પર વિચારોની આપ-લે કરી. તેઓએ આતંકવાદ, હિંસા અને નાગરિકોના જીવ ગુમાવવા અંગે ઊંડી ચિંતા વ્યક્ત કરી હતી.
પ્રધાનમંત્રીએ ઇઝરાયલ-પેલેસ્ટાઇન મુદ્દે ભારતની લાંબા ગાળાની અને સૈદ્ધાંતિક સ્થિતિનો પુનરોચ્ચાર કર્યો અને અસરગ્રસ્ત વસ્તી માટે માનવતાવાદી સહાય ચાલુ રાખવા હાકલ કરી. બંને નેતાઓ ક્ષેત્રમાં શાંતિ, સુરક્ષા અને સ્થિરતા માટે સાથે મળીને કામ કરવા સંમત થયા હતા. તેઓએ દરિયાઈ સુરક્ષા અને નેવિગેશનની સ્વતંત્રતા જાળવવાની જરૂરિયાત પર પણ ભાર મૂક્યો હતો.
પ્રધાનમંત્રીએ સાઉદી અરેબિયાને એક્સ્પો 2030 અને ફિફા ફૂટબોલ વર્લ્ડ કપ 2034 માટે યજમાન તરીકે પસંદ થવા પર શુભેચ્છાઓ પાઠવી હતી.
બંને નેતાઓ સંપર્કમાં રહેવા સંમત થયા હતા.
Held a good conversation with my Brother HRH Prince Mohammed bin Salman bin Abdulaziz Al Saud on the future of Strategic Partnership between India and Saudi Arabia. We exchanged views on the West Asia situation and shared concerns regarding terrorism, violence and the loss of…
— Narendra Modi (@narendramodi) December 26, 2023
