કુવૈતના વિદેશ મંત્રી મહામહિમ અબ્દુલ્લા અલી અલ-યાહ્યાએ આજે પ્રધાનમંત્રી શ્રી નરેન્દ્ર મોદી સાથે મુલાકાત કરી હતી.
કુવૈતના ક્રાઉન પ્રિન્સ મહામહિમ શેખ સબાહ ખાલેદ અલ-હમદ અલ-સબાહ સાથે સપ્ટેમ્બરમાં ન્યૂયોર્કમાં થયેલી તેમની મુલાકાતને યાદ કરતાં, પ્રધાનમંત્રીએ દ્વિપક્ષીય સંબંધોમાં વધતી ગતિ પર સંતોષ વ્યક્ત કર્યો હતો.
તેઓએ વેપાર, રોકાણ, ઉર્જા, ટેક્નોલોજી, સંસ્કૃતિ અને લોકો વચ્ચેના મજબૂત સંબંધોમાં સહકાર વધારવાના પગલાં અંગે ચર્ચા કરી હતી.
પ્રધાનમંત્રીએ કુવૈતમાં રહેતા 10 લાખથી વધુ ભારતીય સમુદાયની કાળજી લેવા માટે કુવૈતના નેતૃત્વનો આભાર માન્યો હતો.
પ્રધાનમંત્રીએ વિશ્વાસ વ્યક્ત કર્યો કે કુવૈતની જીસીસીની વર્તમાન અધ્યક્ષતા હેઠળ ભારત અને ગલ્ફ કોઓપરેશન કાઉન્સિલ વચ્ચે ગાઢ સહકાર વધુ મજબૂત થશે. તેઓએ પશ્ચિમ એશિયાની પરિસ્થિતિ પર મંતવ્યોનું આદાન-પ્રદાન કર્યું અને આ ક્ષેત્રમાં શાંતિ, સુરક્ષા અને સ્થિરતા ઝડપથી પરત ફરે તે માટે સમર્થન વ્યક્ત કર્યું હતું.
પ્રધાનમંત્રીએ કુવૈતના નેતૃત્વનું આમંત્રણ સ્વીકારીને વહેલી તકે તેમના દેશની મુલાકાત લેશે તેમ જણાવ્યું હતું.
Glad to receive Foreign Minister of Kuwait H.E. Abdullah Ali Al-Yahya. I thank the Kuwaiti leadership for the welfare of the Indian nationals. India is committed to advance our deep-rooted and historical ties for the benefit of our people and the region. pic.twitter.com/hR5URxPyt5
— Narendra Modi (@narendramodi) December 4, 2024
