Mera Saansad
Search Search
Gujarati language

પ્રધાનમંત્રી શ્રી નરેન્દ્ર મોદીનું નેપાળના પ્રધાનમંત્રી પ્રચંડ સાથેનું સંયુક્ત અખબારી નિવેદન

Published By : Admin | September 16, 2016 | 20:18 IST
Both our societies share deep rooted historical ties and civilizational linkages: PM Modi to Nepalese PM
As immediate neighbours and close friendly nations, peace, stability, and economic prosperity of Nepal is our shared objective: PM
At every step of Nepal's development journey and economic progress, we have been privileged to be your partner: PM Modi
Open borders between our countries provide great opportunities for cooperation and interaction among our people: PM Modi to Nepalese PM
India’s initiatives for open sky, cross-border power trade, transit routes, cross-border connectivity would directly benefit Nepal: PM

મહામહિમ પ્રધાનમંત્રી પુષ્પ કમલ દહલ ‘પ્રચંડ’

 

નેપાળના પ્રતિનિધિમંડળના પ્રતિષ્ઠિત સભ્યો,

 

મીડિયાના મિત્રો.

 

આપણા મૈત્રીપૂર્ણ સંબંધોમાં આજનો દિવસ મહત્ત્વપૂર્ણ છે.

પ્રધાનમંત્રી બન્યા પછી પોતાની પ્રથમ વિદેશ મુલાકાત પર ભારત આવેલા મહામહિમ ‘પ્રચંડ’ અને તેમના પ્રતિનિધિમંડળને ભારતમાં આવકારતા મને આનંદ થાય છે.

મિત્રો,

 

આપણા બંને રાષ્ટ્રોના સમાજ વચ્ચે ઐતિહાસિક સંબંધો અને સાંસ્કૃતિક જોડાણના મૂળિયા ઊંડે રહેલા છે.

સહિયારી નદીઓ, ખુલ્લી સરહદો, સદીઓથી લોકો વચ્ચેના સંબંધો આપણા બંને રાષ્ટ્રો વચ્ચેની મૈત્રીને ગાઢ બનાવે છે.

આપણી સરકારો વચ્ચે સંબંધ ઉપરાંત આપણા સમાજો વચ્ચેનું જોડાણ આપણી ભાગીદારીને ગાઢ બનાવે છે અને આગવી ઓળખ પ્રદાન કરે છે.

જેમ આપણે એકબીજાની સફળતા વહેંચીએ છીએ, તેમ આપણે મુશ્કેલ સમય સંજોગોમાં આપણું ભારણ વહેંચ્યું છે.

ખરેખર આપણી મૈત્રી પુરવાર થયેલી અને વિશિષ્ટ છે.

અમારા તત્કાલિકન પડોશી અને ગાઢ મૈત્રીપૂર્ણ સંબંધ ધરાવતા રાષ્ટ્ર તરીકે નેપાળની શાંતિ, સ્થિરતા અને આર્થિક સમૃદ્ધિ આપણો સંયુક્ત ઉદ્દેશ છે.

નેપાળની વિકાસ સફર અને આર્થિક પ્રગતિના દરેક પગલે અમને તમારા ભાગીદાર બનવાનો વિશેષાધિકાર છે.

તમે નેપાળમાં લોકતાંત્રિક સંસ્થાઓને મજબૂત કરવા ભજવેલી ભૂમિકાની પણ અમે પ્રશંસા કરીએ છીએ.

તમે નેપાળમાં શાંતિ સ્થાપિત કરવા પ્રેરક બળ છો. મને ખાતરી છે કે તમારા દીર્ઘદ્રષ્ટિયુક્ત નેતૃત્વ હેઠળ તમારા વૈવિધ્યપૂર્ણ સમાજના તમામ તબક્કાઓની આકાંક્ષા સંતોષવા સર્વસમાવેશક સંવાદ સાધીને નેપાળના બંધારણનો સફળતાપૂર્વક અમલ કરશો.

આ સાહસમાં તમને સંપૂર્ણ સફળતા મળે એવી હું શુભેચ્છા પાઠવું છું.

મિત્રો,

 

આજે આપણી વિસ્તૃત અને ફળદાયક ચર્ચાવિચારણામાં પ્રધાનમંત્રી પ્રચંડ અને મેં દ્વિપક્ષીય સહકારના તમામ પાસા આવરી લીધા છે.

મેં પ્રધાનમંત્રી પ્રચંડને સંદેશ આપ્યો છે કે નેપાળ સાથે વિકાસ ભાગીદારીને મજબૂત કરવા ભારત તૈયાર છે.

અને અમે આ કામગીરી નેપાળના લોકો અને સરકારની પ્રાથમિકતાઓને ધ્યાનમાં લઈને કરીશું.

આ સંદર્ભમાં અમે આજે નેપાળના ધરતીકંપ પછી પુનઃનિર્માણ માટે 750 મિલિયન ડોલરનું ધિરાણ આપવા સંમત થયા છીએ.

મને વિશ્વાસ છે કે તે નેપાળમાં ગયા વર્ષે આવેલા વિનાશક ધરતીકંપનો ભોગ બનેલા લાખો લોકોને રાહત આપશે.

ભારત તેરાઈ રોડના બીજા તબક્કા, પાવર ટ્રાન્સમિશન લાઇન, સબસ્ટેશન અને કસ્કીમાં પોલિટેકનિક જેવા નવા પ્રોજેક્ટ્સ માટે વધુ લાઇન ઓફ ક્રેડિટ આપવા પણ સંમત થયું છે.

મિત્રો,

 

પ્રધાનમંત્રી પ્રચંડ અને મેં આપણા વિકાસ અને આર્થિક વૃદ્ધિના સંયુક્ત ઉદ્દેશોને પાર પાડવા આપણા સમાજોને સુરક્ષિત કરવાની આવશ્યકતા પણ ઓળખી છે.

અમે અમારા સુરક્ષાના હિતોને એકબીજા સાથે જોડાવા પણ સંમત થયા છીએ.

બંને દેશ વચ્ચે ખુલ્લી સરહદો આપણા લોકો વચ્ચે સહકાર અને આદાનપ્રદાન માટે મોટી તક પ્રદાન કરે છે.

પણ આપણે સરહદનો દૂરુપયોગ કરતા તત્ત્વો સામે કડક પગલા લેવાનું ચાલુ રાખવું પડશે.

એટલે આપણા વેપાર, અર્થતંત્ર, સાંસ્કૃતિક અને વિકાસલક્ષી ભાગીદારી માટે તથા બંને દેશના લોકોની સુખાકારી વધારવા આપણી સુરક્ષા અને સલામતી સંસ્થાઓ વચ્ચે સહકાર જળવાઈ રહે એ મહત્ત્વપૂર્ણ છે.



મિત્રો,

 

વેપાર, કનેક્ટિવિટી, વિકાસલક્ષી પ્રોજેક્ટ અને પારસ્પરિક રોકાણ નેપાળ સાથે અમારી ભાગીદારીના મુખ્ય આધારસ્તંભ છે.

ભારતે ખુલ્લા આકાશ, વીજળીના પારસ્પિરક આદાન – પ્રદાનયુક્ત વેપાર, પરિવહન માર્ગો, એકબીજા સાથે જોડાણ કરવાની પહેલ કરી છે, જેનાથી નેપાળને લાભ થશે અને આપણી આર્થિક ભાગીદારીને મદદ મળશે.

નેપાળ અને ભારત ઊર્જા અને જળ સંસાધન ક્ષેત્રો સહિત વિવિધ આર્થિક જોડાણના ક્ષેત્રમાં ખભેખભો મેળવીને કામ કરે છે.

પ્રધાનમંત્રી પ્રચંડ અને હું નિર્માણાધિન હાઇડ્રો-પાવર પ્રોજેક્ટ્સના ઝડપી અને સફળ અમલીકરણ તથા ટ્રાન્સમિશન લાઇનને કાર્યરત કરવા સંમત થયા છીએ.

આ નેપાળ માટે અતિ જરૂરી ઊર્જા અને આવકના સર્જનનો સ્ત્રોત બની રહેશે.

અમે અમારા સમાજો વચ્ચેના સંબંધોને ગાઢ બનાવવા અને તેમાં નવું જોમ લાવવા પણ સંમત થયા છીએ.

અમે આપણા સહિયારા બૌદ્ધ વારસાને પ્રદર્શિત કરવા તથા આયુર્વેદ અને દવાની અન્ય પરંપરાગત પદ્ધતિઓ પર ધ્યાન કેન્દ્રીત કરવા સંમત થયા છીએ.

પ્રધાનમંત્રી અને હું તમામ વિકાસલક્ષી પ્રોજેક્ટ્સ પર નજર રાખવા અને સમયસર પૂર્ણ કરવા ધ્યાન કેન્દ્રીત કરવા પણ સંમત થયા છીએ.

પ્રધાનમંત્રી અને મને વિશ્વાસ છે કે આપણે આજે લીધેલા નિર્ણયો આપણા આર્થિક જોડાણને મજબૂતી પ્રદાન કરશે અને નવી ઊંચાઈ લઈ જશે.

મહામહિમ,

 

તમે ઉચિત સમયે મુલાકાત લીધી છે.

મને વિશ્વાસ છે કે આપણી આજની ચર્ચા આપણા જૂના અને ગાઢ સંબંધોને વધારે મજબૂત કરશે.

આજે આપણે આપણી ભાગીદારીમાં એક નવું અને સોનેરી પ્રકરણ ઉમેર્યું છે. ફરી એક વખત, મહામહિમ, ભારતમાં તમારું ઉષ્માસભર સ્વાગત છે. મને આશા છે કે તમારી ભારતની મુલાકાત આનંદદાયક અને ફળદાયક બની રહેશે.

ધન્યવાદ.

Login or Register to add your comment
Explore More
78મા સ્વતંત્રતા દિવસનાં પ્રસંગે લાલ કિલ્લાની પ્રાચીર પરથી પ્રધાનમંત્રી શ્રી નરેન્દ્ર મોદીનાં સંબોધનનો મૂળપાઠ

લોકપ્રિય ભાષણો

78મા સ્વતંત્રતા દિવસનાં પ્રસંગે લાલ કિલ્લાની પ્રાચીર પરથી પ્રધાનમંત્રી શ્રી નરેન્દ્ર મોદીનાં સંબોધનનો મૂળપાઠ
View All
'You Are A Champion Among Leaders': Guyana's President Praises PM Modi

Media Coverage

'You Are A Champion Among Leaders': Guyana's President Praises PM Modi
View All
NM on the go

Nm on the go

Always be the first to hear from the PM. Get the App Now!
Download App
...
PM Modi congratulates hockey team for winning Women's Asian Champions Trophy
November 21, 2024

The Prime Minister Shri Narendra Modi today congratulated the Indian Hockey team on winning the Women's Asian Champions Trophy.

Shri Modi said that their win will motivate upcoming athletes.

The Prime Minister posted on X:

"A phenomenal accomplishment!

Congratulations to our hockey team on winning the Women's Asian Champions Trophy. They played exceptionally well through the tournament. Their success will motivate many upcoming athletes."