પ્રધાનમંત્રીની ઓસ્ટ્રેલિયાનાં પૂર્વ પ્રધાનમંત્રી શ્રી ટોની એબોટ્ટ સાથે મુલાકાત

પ્રધાનમંત્રી શ્રી નરેન્દ્ર મોદી આજે ઓસ્ટ્રેલિયાનાં પૂર્વ પ્રધાનમંત્રી શ્રી ટોની એબોટ્ટને મળ્યાં હતાં.

પ્રધાનમંત્રીએ તાજેતરમાં ઓસ્ટ્રેલિયાનાં પૂર્વ દરિયાકિનારાને સમાંતર વિસ્તારોમાં જંગલોમાં લાગેલી આગમાં થયેલી જાનમાલની હાનિ પર શોક વ્યક્ત કર્યો હતો.

પ્રધાનમંત્રીએ ગુરુનાનક દેવજીની 550મી જન્મજયંતી પર પ્રકાશ પર્વ પર સુવર્ણ મંદિરની મુલાકાત લેવા સહિત ભારતની શ્રી ટોની એબોટ્ટની મુલાકાત પર ખુશી વ્યક્ત કરી હતી.

દરમિયાન પ્રધાનમંત્રીએ નવેમ્બર, 2014માં બ્રિસ્બેનમાં યોજાયેલી જી-20 શિખર સંમેલન માટે એમણે લીધેલી મુલાકાતને આનંદ સાથે યાદ કરી હતી. આ મુલાકાત દરમિયાન કેનબેરા, સિડની અને મેલબોર્નમાં ફળદાયક દ્વિપક્ષીય જોડાણ તથા ઓસ્ટ્રેલિયાની સંસદનાં સંયુક્ત સત્રને કરેલા સંબોધનને પણ યાદ કર્યું હતું.

પ્રધાનમંત્રીએ ભારત અને ઓસ્ટ્રેલિયા વચ્ચેનાં દ્વિપક્ષીય સંબંધોને ગાઢ બનાવવામાં શ્રી ટોની એબોટ્ટની ભૂમિકાને પણ બિરદાવી હતી.

Had an excellent interaction with my friend, @HonTonyAbbott. Great to see his passion and energy on issues he believes in. He is a strong votary for deepening India-Australia cooperation. pic.twitter.com/raCh9cplGE

— Narendra Modi (@narendramodi) November 20, 2019