મુખ્ય મંત્રીશ્રી નરેન્દ્રભાઇ મોદીએ રાજ્ય સરકારના માહિતી વિભાગ તફરથી પ્રકાશિત દળદાર ગુજરાત દીપોત્સવી-ર૦૬૭નું આજે વિમોચન કર્યું હતું.
આ પ્રસંગે માહિતી કમિશ્નરશ્રી વી. થીરૂપુગ્ગળ, સંયુકત માહિતી નિયામકશ્રી અરવિંદ પટેલ અને પ્રકાશનના નાયબ નિયામક શ્રી પુલક ત્રિવેદી ઉપસ્થિત હતા.મુખ્યમંત્રીશ્રીએ માહિતી ખાતાને આ સાહિત્ય સમૃધ્ધ ગુજરાત દીપોત્સવી અંકના પ્રકાશન માટે અભિનંદન આપ્યા હતા. ગુજરાતના વાંચનપ્રેમી સાહિત્યરસીકોમાં ગુજરાત-દીપોત્સવી અંકની આગવી પ્રતિષ્ઠા ઉભી થયેલી છે અને લબ્ધપ્રતિષ્ઠિત સાહિત્ય સર્જકો, ચિન્તકો, વિવેચકો તથા વાંચન રસિક જનતા માટે ગુજરાત દીપોત્સવી અત્યંત સમૃધ્ધ સાહિત્યનો રસથાળ છે.
દીપોત્સવી-ર૦૬૭ ગુજરાત દીપોત્સવી અંકમાં ૪૩ર પાનામાં બહુરંગી તસ્વીરો સાથે અભ્યાસ લેખો, નિબંધો, નવલિકાઓ, નાટિકા, વિનોદીકા અને કાવ્યકૃતિઓના વિવિધ વિભાગો છે. નયનરમ્ય આકર્ષક મૂદ્રણ સાથેના ગુજરાત-દીપોત્સવી-ર૦૬૭નું મૂલ્ય રૂપિયા ચાલીસ છે અને ધનતેરસથી તે વાંચનપ્રેમીઓ માટે વેચાણમાં મૂકવામાં આવ્યો છે.
