મુખ્ય મંત્રીશ્રી નૂતનવર્ષે ગાંધીનગર-અમદાવાદમાં ઊંપ્રજાજનો સાથે શુભેચ્છા આપ-લે કરશે
મુખ્ય મંત્રી શ્રી નરેન્દ્રભાઇ મોદી તા. ૪ નવેમ્બર-ર૦૧૩ને સોમવાર નૂતન વર્ષ નિમિત્તે મંત્રીમંડળ નિવાસ સંકુલમાં આવેલા કોમ્યુનીટી હોલ ખાતે સવારે ૮/૦૦ થી ૮/૪પ સુધી નાગરિકો સાથે નૂતનવર્ષાભિનંદન અને શુભેચ્છાઓનું આદાન-પ્રઊંદાન કરશે. ત્યારબાદ સવારે ૯-૦૦ કલાકે રાજ્યપાલશ્રીને રાજભવન ખાતે નવા વર્ષની શુભેચ્છાઓ પાઠવશે.
ગાંધીનગરમાં પંચદેવ મંદિરમાં સવારે સાડા સાત વાગે દર્શનાર્થે જઇને શ્રી નરેન્દ્રભાઇ મોદી નૂતનવર્ષનો ભકિતભાવથી પ્રારંભ કરશે અને ત્યારબાદ નાગરિકો સાથે ગાંધીનગરમાં નૂતન વર્ષની શુભેચ્છાના આદાનપ્રદાન પછી સવારે ૯/૩૦ કલાકે અમદાવાદમાં ભદ્રકાળી મંદિરમાં દર્શને જશે.
મુખ્યમંત્રીશ્રી ત્યારબાદ સવારે ૧૦/૦૦ થી ૧૧/૦૦ કલાક સુધી અમદાવાદમાં એનેક્ષી સરકીટ હાઉસ-શાહીબાગ ખાતે નાગરિકોને નવા વર્ષની શુભેચ્છાઓ પાઠવશે.
