આચાર્ય શ્રી એસ એન ગોએન્કાની 100મી જન્મજયંતિની એક વર્ષ ચાલેલી ઉજવણીના સમાપન સમારંભ દરમિયાન પ્રધાનમંત્રીના વીડિયો સંદેશનો મૂળપાઠ
February 04th, 03:00 pm
આચાર્ય શ્રી એસ એન ગોએન્કાજીની જન્મશતાબ્દીની ઉજવણી એક વર્ષ પહેલા શરૂ થઈ હતી. આ એક વર્ષમાં દેશે આઝાદીના અમૃત મહોત્સવની ઉજવણીની સાથે સાથે કલ્યાણ મિત્ર ગોએન્કાજીના આદર્શોને પણ યાદ કર્યા. આજે જ્યારે તેમની શતાબ્દીની ઉજવણી પૂર્ણ થઈ રહી છે, ત્યારે દેશ વિકસિત ભારતના સંકલ્પોને પૂર્ણ કરવાની દિશામાં ઝડપથી આગળ વધી રહ્યો છે. આ યાત્રામાં, આપણે એસ એન ગોએન્કાજીના વિચારો અને સમાજ પ્રત્યેનાં તેમનાં સમર્પણમાંથી ઘણું શીખીએ છીએ. ગુરુજી ભગવાન બુદ્ધના મંત્રનું કાયમ પુનરાવર્તન કરતા હતા – સમગ્ગા-નમ્ તપોસુખો એટલે કે જ્યારે લોકો સાથે મળીને ધ્યાન કરે છે, ત્યારે તે ખૂબ જ પ્રભાવી પરિણામ આપે છે. આ એકતાની ભાવના, આ એકતાની શક્તિ વિકસિત ભારતનો બહુ મોટો આધાર છે. આ જન્મ શતાબ્દીની ઉજવણીમાં તમે બધાએ સમગ્ર વર્ષ દરમિયાન આ મંત્રનો જ પ્રચાર-પ્રસાર કર્યો છે. હું તમને બધાને મારી હાર્દિક શુભેચ્છાઓ આપું છું.પ્રધાનમંત્રીએ આચાર્ય શ્રી એસ એન ગોએન્કાની 100મી જન્મજયંતીની વર્ષભરની ઉજવણીનાં સમાપન સમારંભને સંબોધન કર્યું
February 04th, 02:30 pm
એક વર્ષ અગાઉ વિપશ્યના ધ્યાન શિક્ષક, આચાર્ય શ્રી એસ એન ગોએન્કાની જન્મશતાબ્દીની ઉજવણીના પ્રારંભને યાદ કરીને પ્રધાનમંત્રીએ ભારપૂર્વક જણાવ્યું હતું કે, રાષ્ટ્રએ અમૃત મહોત્સવની ઉજવણી કરી હતી અને સાથે સાથે કલ્યાણ મિત્ર ગોએન્કાના આદર્શોને પણ યાદ કર્યા હતા. તેમણે પુનઃપુષ્ટિ કરી હતી કે, જ્યારે આ ઉજવણીનો આજે અંત આવી રહ્યો છે, ત્યારે દેશ વિકસિત ભારતનાં સંકલ્પોને પૂર્ણ કરવાની દિશામાં ઝડપથી આગળ વધી રહ્યો છે. ભગવાન બુદ્ધના મંત્રને ટાંકીને, જેનો ઉપયોગ ગુરુજી દ્વારા વારંવાર કરવામાં આવતો હતો, પ્રધાનમંત્રી મોદીએ અર્થ સમજાવ્યો અને કહ્યું કે સાથે મળીને ધ્યાન કરવાથી અસરકારક પરિણામો મળે છે. એકતાની આ ભાવના અને એકતાની શક્તિ એ વિકસિત ભારતનો મુખ્ય આધાર છે. તેમણે સમગ્ર વર્ષ દરમિયાન એક જ મંત્રનો પ્રચાર-પ્રસાર કરવા બદલ સૌને હાર્દિક શુભેચ્છાઓ પાઠવી હતી.