પ્રધાનમંત્રી શ્રી 10 ફેબ્રુઆરીએ યુપી અને મહારાષ્ટ્રની મુલાકાત લેશે
February 08th, 05:39 pm
પ્રધાનમંત્રી શ્રી નરેન્દ્ર મોદી 10 ફેબ્રુઆરીએ ઉત્તર પ્રદેશ અને મહારાષ્ટ્રની મુલાકાત લેશે. સવારે 10 વાગ્યે, પ્રધાનમંત્રી લખનૌની મુલાકાત લેશે જ્યાં તેઓ ઉત્તર પ્રદેશ ગ્લોબલ ઇન્વેસ્ટર્સ સમિટ 2023નું ઉદ્ઘાટન કરશે. બપોરે 2:45 વાગ્યે, તેઓ મુંબઈમાં છત્રપતિ શિવાજી મહારાજ ટર્મિનસ ખાતે બે વંદે ભારત ટ્રેનને લીલી ઝંડી આપશે. તેઓ રાષ્ટ્રને બે રોડ પ્રોજેક્ટ પણ સમર્પિત કરશે - સાંતાક્રુઝ ચેમ્બુર લિંક રોડ અને કુરાર અંડરપાસ પ્રોજેક્ટ. ત્યાર બાદ, લગભગ 4:30 વાગ્યે સાંજે, તેઓ મુંબઈમાં અલ્જામેઆ-તુસ-સૈફિયાહના નવા કેમ્પસનું ઉદ્ઘાટન કરશે.