પ્રધાનમંત્રી શ્રી 28મી એપ્રિલે આસામની મુલાકાત લેશે
April 26th, 07:05 pm
પ્રધાનમંત્રી શ્રી નરેન્દ્ર મોદી 28મી એપ્રિલ 2022ના રોજ આસામની મુલાકાત લેશે. સવારે લગભગ 11:00 વાગ્યે, તેઓ કાર્બી આંગલોંગ જિલ્લાના દીપુ ખાતે ‘શાંતિ, એકતા અને વિકાસ રેલી’ને સંબોધિત કરશે. કાર્યક્રમ દરમિયાન તેઓ શિક્ષણ ક્ષેત્રે વિવિધ પ્રોજેક્ટનો શિલાન્યાસ પણ કરશે. ત્યારબાદ, લગભગ બપોરે 01:45 વાગ્યે, પ્રધાનમંત્રી શ્રી આસામ મેડિકલ કોલેજ, દિબ્રુગઢ પહોંચશે અને દિબ્રુગઢ કેન્સર હોસ્પિટલ રાષ્ટ્રને સમર્પિત કરશે. બાદમાં, લગભગ બપોરે 3 વાગ્યે, તે દિબ્રુગઢના ખાનિકર મેદાનમાં એક જાહેર સમારોહમાં હાજરી આપશે, જ્યાં તે રાષ્ટ્રને વધુ છ કેન્સર હોસ્પિટલો સમર્પિત કરશે અને સાત નવી કેન્સર હોસ્પિટલોનો શિલાન્યાસ કરશે.