અમે ઇઝરાયેલને વિકાસનું એક મહત્ત્વનું ભાગીદાર માનીએ છીએ: વડાપ્રધાન મોદી
July 04th, 07:26 pm
વડાપ્રધાન મોદીએ તેલ અવિવના એરપોર્ટ પર એક ટૂંકું સંબોધન કરતા વડાપ્રધાન નેતનયાહુનો તેમના હુંફાળા સ્વાગત બદલ આભાર માન્યો હતો. તેમણે જણાવ્યું હતું કે ઇઝરાયેલની અભૂતપૂર્વ મુલાકાત લેનાર પ્રથમ ભારતીય વડાપ્રધાન બનવું એ તેમના માટે સન્માનની બાબત છે. “ભારત એક જૂની સંસ્કૃતિ છે પરંતુ યુવા દેશ છે. અમારી પાસે પ્રતિભાશાળી અને કુશળ યુવાનો છે જે અમારું ચાલકબળ છે. અમે ઇઝરાયેલને અમારું મહત્ત્વનું વિકાસ ભાગીદાર માનીએ છીએ.”વડાપ્રધાન નેતનયાહુએ વડાપ્રધાન મોદીને કહ્યું: તમે એક મહાન વિશ્વ નેતા છો
July 04th, 07:17 pm
ઇઝરાયેલમાં વડાપ્રધાન મોદીનું સ્વાગત કરતા વડાપ્રધાન નેતનયાહુએ કહ્યું, “ઈઝરાયેલમાં સ્વાગત છે ... આપકા સ્વાગત હૈ મેરે દોસ્ત. અમે તમારી બહુ લાંબા સમયથી રાહ જોઈ રહ્યા હતા. અમે ભારતને પ્રેમ કરીએ છીએ.” તેમણે કહ્યું, “મને યાદ છે જ્યારે યુનાઇટેડ નેશન્સ ખાતે આપણી પહેલી મુલાકાત દરમિયાન તમે કહ્યું હતું કે જ્યારે ભારત અને ઈઝરાયેલના સંબંધોની વાત આવે છે ત્યારે આકાશ જ તેની સીમા છે. પરંતુ હવે, વડાપ્રધાનશ્રી, મને ઉમેરવા દો કે આપણે અવકાશમાં પણ એકબીજાને સહકાર આપી રહ્યા છીએ.”ઐતિહાસિક મુલાકાતનું ઐતિહાસિક સ્વાગત
July 04th, 06:45 pm
વડાપ્રધાન મોદીનું ઈઝરાયેલના તેલ અવિવ પહોંચતા જ હુંફાળું સ્વાગત કરવામાં આવ્યું હતું. આ ઘટના કોઇપણ ભારતીય વડાપ્રધાનની ઐતિહાસિક શરૂઆતનું પ્રતિબિંબ બન્યું હતું.