আন্তঃৰাষ্ট্ৰীয় যোগ দিৱস উপলক্ষে প্ৰধানমন্ত্ৰী শ্ৰী নৰেন্দ্ৰ মোদীয়ে মহামাৰীৰ সময়ত যোগাসনৰ গুৰুত্ব সন্দৰ্ভত আলোচনা কৰে। তেওঁ কয় যে এই জটিল সময়ত যোগাসন মানুহৰ শক্তি আৰু প্ৰেৰণা স্ৰোত হিচাপে পৰিগণিত হৈছে। মহামাৰীৰ মাজত অন্যান্য দেশসমূহে যোগ দিৱসৰ কথা পাহৰি যোৱাটো কোনো ডাঙৰ কথা নাছিল, কিন্তু গোলকীয় ৰূপত একেই উৎসাহেৰে তেওঁলোকে যোগ দিৱস পালন কৰিলে।
যোগে মানুহক মহামাৰীৰ সৈতে যুঁজিবলৈ আত্মবিশ্বাস আৰু শক্তি দিছে। ই মানুহক মানসিকভাৱে সৱল কৰিছে।
প্ৰধানমন্ত্ৰীয়ে স্মৰণ কৰে কিদৰে ফ্ৰণ্টলাইন কৰোনা ৱাৰিয়ৰ্ছসকলে যোগক ঢাল হিচাপে ব্যৱহাৰ কৰিছে আৰু যোগৰ জৰিয়তে নিজকে শক্তিশালী কৰিছে। ভাইৰাছৰ সংক্ৰমণৰে মোকাবিলা কৰিবলৈ সাধাৰণ নাগৰিক, চিকিৎসক, নাৰ্ছসকলে যোগাসনক আশ্ৰয় হিচাপে গ্ৰহণ কৰিছে। বিশ্বৰ বিভিন্ন প্ৰান্তৰ চিকিৎসালয়ত ডক্টৰ আৰু নাৰ্ছসকলে যোগাসনৰ অনুষ্ঠানৰ আয়োজন কৰে।
