প্ৰধানমন্ত্ৰী শ্ৰী নৰেন্দ্ৰ মোদীয়ে কয় যে এই প্ৰত্যাহ্বানপূৰ্ণ সময়ত আমি সকলোৱে কেৰালাৰ জনসাধাৰণৰ কাষত থিয় দিছোঁ

প্ৰধানমন্ত্ৰী শ্ৰী নৰেন্দ্ৰ মোদীয়ে আজি কয় যে কেন্দ্ৰই ভূমিস্খলন প্ৰভাৱিত ৱায়ানাড়ক সকলো ধৰণৰ সাহায্য আগবঢ়াব। ‘এক্স’-ত প্ৰেৰণ কৰা এলানি ‘পোষ্ট’ত প্ৰধানমন্ত্ৰীয়ে কয় যে "ৱায়ানাড়ত হোৱা ভূমিস্খলনে আমাৰ সকলোকে দুখিত কৰিছে। দুৰ্ঘটনাটো সংঘটিত হোৱাৰ পিছৰে পৰা মই পৰিস্থিতিটো নিবিড়ভাৱে নিৰীক্ষণ কৰি আছোঁ। কেন্দ্ৰীয় চৰকাৰে ভুক্তভোগী লোকসকলক সহায় কৰিবলৈ সকলো সাধন সংগঠিত কৰিছে। আজি, মই তালৈ গৈ পৰিস্থিতি পৰ্যালোচনা কৰিলোঁ। মই আকাশমাৰ্গেৰে অঞ্চলটোৰ পৰিস্থিতি অধ্যয়নৰো প্ৰয়াস কৰিছিলো।"

প্ৰধানমন্ত্ৰীয়ে দুৰ্ঘটনাটোত ক্ষতিগ্ৰস্ত হোৱা ভুক্তভোগীসকলকো সাক্ষাৎ কৰে। তেওঁলোকৰ সৈতে হোৱা বাৰ্তালাপৰ পিছত তেওঁ কয়, "ভূমিস্খলনৰ ফলত ক্ষতিগ্ৰস্ত হোৱা সকলক মই ব্যক্তিগতভাৱে লগ পালো। এই দুৰ্যোগে অসংখ্য পৰিয়ালৰ ওপৰত কি প্ৰভাৱ পেলাইছে সেয়া মই বাৰুকৈয়ে অনুধাৱন কৰিব পাৰিছোঁ। মই সাহায্য শিবিৰসমূহো পৰিদৰ্শন কৰিছিলো আৰু আঘাতপ্ৰাপ্ত সকলৰ সৈতে কথা পাতিছিলো।"

সাহায্য প্ৰদানৰ ক্ষেত্ৰত কেন্দ্ৰীয় চৰকাৰৰ তৰফৰ পৰা সম্পূৰ্ণ সহযোগিতা আগবঢ়োৱাৰ প্ৰতিশ্ৰুতি দি তেওঁ কয়, "মই সকলোকে, বিশেষকৈ ক্ষতিগ্ৰস্তসকলক আশ্বাস দিব বিচাৰিছো যে যথাসম্ভৱ সকলো সহযোগিতা প্ৰদানৰ প্ৰক্ৰিয়া অব্যাহত ৰখা হ’ব। এই প্ৰত্যাহ্বানপূৰ্ণ সময়ত আমি সকলোৱে কেৰালাৰ জনসাধাৰণৰ কাষত থিয় দিছোঁ।"

আকাশমাৰ্গেৰে পৰিস্থিতি অধ্যয়ন কৰাৰ পিছত শ্ৰী মোদীয়ে সাহায্য অভিযানৰ সৈতে জড়িত লোকসকলক সাক্ষাৎ কৰে। এই বৈঠকৰ বিষয়ে মন্তব্য কৰি তেওঁ কয়, "প্ৰত্যাহ্বানপূৰ্ণ সময়ত সেৱা আগবঢ়োৱাৰ বাবে ধন্যবাদ জনাবলৈ মই বিষয়াসকলৰ লগতে সন্মুখৰ শাৰীত কৰ্মৰত সকলকো লগ কৰিছিলো। কেৰালা চৰকাৰৰ পৰা বিতং তথ্য লাভ কৰাৰ লগে লগেই কেন্দ্ৰই ক্ষতিগ্ৰস্ত অঞ্চলটোৰ বিদ্যালয় আৰু ঘৰসমূহকে ধৰি অত্যাৱশ্যকীয় আন্তঃগাঁথনি পুনৰ্নিৰ্মাণত সহায় কৰাৰ বাবে সকলো প্ৰয়োজনীয় পদক্ষেপ গ্ৰহণ কৰিব।"

The landslides in Wayanad have saddened us all. Since the tragedy unfolded, I've been closely monitoring the situation. The Central government has mobilised all resources to assist those affected. Today, I went there and reviewed the situation. I also undertook an aerial survey. pic.twitter.com/ZT1UXJ3Bdn

— Narendra Modi (@narendramodi) August 10, 2024

വയനാട്ടിലെ ഉരുൾപൊട്ടൽ നമ്മെയെല്ലാം സങ്കടപ്പെടുത്തി. ദുരന്തം സംഭവിച്ചതുമുതൽ, ഞാൻ സ്ഥിതിഗതികൾ സൂക്ഷ്മമായി നിരീക്ഷിക്കുകയാണ്. ദുരിതബാധിതരെ സഹായിക്കാൻ കേന്ദ്ര ഗവണ്മെന്റ് എല്ലാ വിഭവങ്ങളും സമാഹരിച്ചിട്ടുണ്ട്. ഇന്ന് ഞാൻ അവിടെ പോയി സ്ഥിതിഗതികൾ വിലയിരുത്തി. ഞാൻ വ്യോമ നിരീക്ഷണവും നടത്തി. pic.twitter.com/nIwCgX00cP

— Narendra Modi (@narendramodi) August 10, 2024