পিএম-কিষাণৰ২০,০০০ কোটি টকাৰো অধিক পৰিমাণৰ ১৭-সংখ্যক কিস্তি মুকলি
আত্ম-সহায়ক গোটসমূহৰ ৩০,০০০ ৰো অধিক মহিলাক কৃষি সখী হিচাপে প্ৰমাণ-পত্ৰ প্ৰদান“কাশীবাসীয়ে একেৰাহে তৃতীয়বাৰৰ বাবে তেওঁলোকৰ প্ৰতিনিধি হিচাপে নিৰ্বাচিতকৰণেৰে মোক আশীৰ্বাদ দিছে”“বিশ্বৰ গণতান্ত্ৰিক দেশসমূহত একেৰাহে তৃতীয় কাৰ্য্যকালৰ বাবে নিৰ্বাচিত চৰকাৰ খুব কমেইহে দেখা যায়”“২১ শতিকাত ভাৰতক বিশ্বৰ তৃতীয়-সৰ্ববৃহৎ অৰ্থনৈতিক শক্তি হিচাপে গঢ়ি তোলাৰ ক্ষেত্ৰত সমগ্ৰ কৃষি ব্যৱস্থাৰ এক গুৰুত্বপূৰ্ণ ভূমিকা আছে”“পিএম কিষাণ সন্মান নিধিয়েবিশ্বৰ সৰ্ববৃহৎ প্ৰত্যক্ষ লাভ হস্তান্তৰ আঁচনি হিচাপে আত্মপ্ৰকাশ কৰিছে”“এতিয়া আনকি মা গংগায়ো মোক তুলি লোৱা যেন লাগে আৰু মই কাশীৰ হৈ পৰিছোঁ”, কৃতজ্ঞতা প্ৰকাশেৰে প্ৰধানমন্ত্ৰী মোদীয়ে এইদৰে কয়।“বাৰাণসীৰ জনসাধাৰণে কেৱল এগৰাকী সাংসদকে নহয়, বৰঞ্চ প্ৰধানমন্ত্ৰীকো নিৰ্বাচিত কৰিছে”, প্ৰধানমন্ত্ৰী মোদীয়ে কৃতজ্ঞতা প্ৰকাশ কৰি এইদৰে কয়।প্ৰধানমন্ত্ৰী আৱাস যোজনাৰ অধীনত ৩ কোটি অতিৰিক্ত গৃহস্থী বা প্ৰধানমন্ত্ৰী কিষাণ সন্মান নিধিৰ কিস্তি সন্দৰ্ভত এই সিদ্ধান্তৰাজিয়েকোটি-কোটি লোকক সহায় কৰিব বুলি প্ৰধানমন্ত্ৰীগৰাকীয়ে কয়।তেখেতে আৰু কয় যে সুগমতা বৃদ্ধিৰ বাবে নিয়ম-নীতিসমূহ সৰল কৰা হৈছে। “উদ্দেশ্য আৰু বিশ্বাস সঠিক হ’লেকৃষকৰ কল্যাণৰেসম্পৰ্কীয় কামসমূহক্ষীপ্ৰ হৈ পৰে”, শ্ৰী মোদীয়ে লগতে কয়।তেখেতে লগতে কয় যে কিষাণ সমৃদ্ধি কেন্দ্ৰসমূহৰ জৰিয়তে বাজৰা, বনৌষধি সামগ্ৰী আৰু প্ৰাকৃতিক কৃষি-কাৰ্য্যত সহায়ৰ বাবে এক বিশাল নেটৱৰ্ক গঢ়ি তোলা হৈছে।নমঃ পাৰ্বতী পতায়ে!
হৰ হৰ মহাদেৱ!
উত্তৰপ্ৰদেশৰ ৰাজ্যপাল আনন্দীবেন পেটেল, মুখ্যমন্ত্ৰী যোগী আদিত্যনাথ, মোৰ কেন্দ্ৰীয় কেবিনেট সতীৰ্থ শিৱৰাজ সিং চৌহান, ভগীৰথ চৌধাৰী জী, উত্তৰপ্ৰদেশৰ উপ-মুখ্যমন্ত্ৰী কেশৱ প্ৰসাদ মৌৰ্য, ব্ৰজেশ পাঠক, বিধান পৰিষদৰ সদস্য আৰু ভাৰতীয় জনতা পাৰ্টিৰ সভাপতি শ্ৰী ভূপেন্দ্ৰ চৌধুৰী জী, ৰাজ্য চৰকাৰৰ অন্যান্য মন্ত্ৰীসকল, জনপ্ৰতিনিধি আৰু মোৰ কৃষক ভাই-ভনীসকল আৰু মোৰ কাশীৰ পৰিয়ালৰ সদস্যসকল,
নিৰ্বাচনত জয়ী হোৱাৰ পিছত আজি মই প্ৰথমবাৰলৈ বাৰণসী ভ্ৰমণ কৰিলোঁ। কাশীবাসীলৈ মোৰ শুভেচ্ছা।
বাবা বিশ্বনাথ আৰু মাতৃ গংগাৰ আশীৰ্বাদ আৰু কাশীবাসীৰ অপৰিসীম মৰমেৰে তৃতীয়বাৰৰ বাবে দেশৰ প্ৰধান সেৱক হোৱাৰ সৌভাগ্য লাভ কৰিছো। কাশীবাসীয়ে মোক একেৰাহে তৃতীয়বাৰৰ বাবে নিজৰ প্ৰতিনিধি হিচাপে নিৰ্বাচিত কৰি মোক আশীৰ্বাদ দিছে। এতিয়া যেন মাতৃ গংগাইও মোক দত্তক লৈছে, মই ইয়াৰ বাসিন্দা হৈ পৰিছো। ইমান গৰমৰ মাজতো আপোনালোক সকলোৱে ব্যাপক হাৰত মোক আশীৰ্বাদ দিবলৈ ইয়ালৈ আহিছে আৰু আপোনালোকৰ তপস্যা দেখি সূৰ্য্য দেৱতাইও কিছু শীতলতা বৰষিবলৈ ধৰিলে। মই আপোনাৰ ওচৰত কৃতজ্ঞ, মই আপোনাৰ ওচৰত ঋণী।
বন্ধুসকল,
অষ্টাদশ লোকসভাৰ বাবে ভাৰতত অনুষ্ঠিত এই নিৰ্বাচনে, ভাৰতৰ গণতন্ত্ৰৰ বিশালতা, ভাৰতৰ গণতন্ত্ৰৰ শক্তি, ভাৰতৰ গণতন্ত্ৰৰ বিস্তৃতি, ভাৰতৰ গণতন্ত্ৰৰ শিপাৰ গভীৰতা বিশ্বৰ সন্মুখত উপস্থাপন কৰে। এই নিৰ্বাচনত দেশৰ ৬৪ কোটিৰো অধিক লোকে ভোটদান কৰিছে। ইয়াতকৈ ডাঙৰ নিৰ্বাচন পৃথিৱীৰ কোনো ঠাইতে নাই, য’ত ইমান বৃহৎ সংখ্যক লোকে ভোটদানত অংশগ্ৰহণ কৰে। শেহতীয়াকৈ মই জি-৭ৰ সভাত অংশগ্ৰহণ কৰিবলৈ ইটালীলৈ গৈছিলো। আটাইকেইখন জি-৭ দেশৰ সকলো ভোটাৰক সামৰি ল’লেও ভাৰতত ভোটাৰৰ সংখ্যা ডেৰগুণ বেছি। ইউৰোপৰ সকলো দেশ আৰু ইউৰোপীয় সংঘৰ সকলো ভোটাৰক যোগ কৰিলেও ভাৰতত ভোটাৰৰ সংখ্যা ডেৰ-দুগুণ বেছি হ’ব। এই নিৰ্বাচনত ৩১ কোটিৰো অধিক মহিলাই অংশগ্ৰহণ কৰিছে। সমগ্ৰ বিশ্বৰ ভিতৰতে সৰ্বাধিক মহিলা ভোটাৰ থকা দেশ এয়া। এই সংখ্যা আমেৰিকাৰ সমগ্ৰ জনসংখ্যাৰ প্ৰায় সমান। ভাৰতৰ গণতন্ত্ৰৰ এই সৌন্দৰ্য্য আৰু শক্তিয়ে সমগ্ৰ বিশ্বকে আকৰ্ষণ আৰু আপ্লুত কৰে। লগতে গণতন্ত্ৰৰ এই উৎসৱক সফল কৰি তোলাৰ বাবে বাৰাণসীৰ প্ৰতিজন ভোটাৰলৈ কৃতজ্ঞতা জ্ঞাপন কৰিছো। এই কথাও বাৰাণসীবাসীৰ বাবে গৌৰৱৰ বিষয়। কাশীবাসীয়ে তৃতীয়বাৰৰ বাবে কেৱল সাংসদ নহয়, প্ৰধানমন্ত্ৰীকো নিৰ্বাচিত কৰিছে। গতিকে আপোনালোকক দুগুণ অভিনন্দন জনাইছো।
বন্ধুসকল,
এই নিৰ্বাচনত দেশৰ জনসাধাৰণে যি জনাদেশ দিছে সেয়া সঁচা অৰ্থত অভূতপূৰ্ব। এই জনাদেশে এক নতুন ইতিহাসৰ সৃষ্টি কৰিছে। বিশ্বৰ গণতান্ত্ৰিক দেশসমূহত একেৰাহে তৃতীয়বাৰৰ বাবে নিৰ্বাচিত চৰকাৰ ঘূৰি অহাটো খুব কমেইহে দেখা গৈছে। কিন্তু এইবাৰ ভাৰতৰ জনসাধাৰণেও এই কাম কৰিছে। ৬০ বছৰ আগতে ভাৰতত এইটো ঘটিছিল, তেতিয়াৰ পৰা ভাৰতৰ কোনো চৰকাৰে এনেকৈ হেট্ৰিক অৰ্জন কৰা নাছিল। এই সৌভাগ্য আপুনি আমাক, আপোনালোকৰ সেৱক মোদীক দিলে। ভাৰতৰ দৰে যিখন দেশত যুৱ প্ৰজন্মৰ আকাংক্ষা ইমান উচ্চ, য'ত জনসাধাৰণৰ অপৰিসীম সপোন আছে, তেনে এখন দেশত যদি মানুহে ১০ বছৰৰ কামৰ অন্তত পুনৰ চৰকাৰ এখন সেৱা কৰাৰ সুযোগ দিয়ে, তেন্তে সেয়া এক ডাঙৰ জয় আৰু অতি গুৰুত্বপূৰ্ণ বিশ্বাস। আপোনালোকৰ আস্থা মোৰ বাবে এক বৃহৎ সম্পদ। আপোনালোকৰ বিশ্বাসে মোক আপোনাৰ সেৱা কৰিবলৈ আৰু দেশক নতুন উচ্চতালৈ লৈ যাবলৈ কঠোৰ পৰিশ্ৰম কৰিবলৈ অনুপ্ৰাণিত কৰে। আপোনালোকৰ সপোন পূৰণৰ বাবে, আপোনালোকৰ সংকল্প পূৰণৰ বাবে দিনে নিশাই এনেদৰেই যৎপৰোনাস্তি চেষ্টা কৰিম।
বন্ধুসকল,
কৃষক, যুৱক-যুৱতী, নাৰী শক্তি আৰু দৰিদ্ৰক মই উন্নত ভাৰতৰ শক্তিশালী স্তম্ভ হিচাপে গণ্য কৰিছো। তেওঁলোকৰ সবলীকৰণেৰে মোৰ তৃতীয় কাৰ্যকাল আৰম্ভ কৰিছো। চৰকাৰ গঠন হোৱাৰ লগে লগে কৃষক আৰু দৰিদ্ৰ পৰিয়ালৰ সৈতে জড়িত প্ৰথম সিদ্ধান্ত লোৱা হ’ল। সমগ্ৰ দেশৰ দৰিদ্ৰ পৰিয়ালৰ বাবে ৩ কোটি নতুন ঘৰ নিৰ্মাণেই হওক, বা প্ৰধানমন্ত্ৰী কিষাণ সন্মান নিধিৰ সম্প্ৰসাৰণেই হওক, এই সিদ্ধান্তই কোটি কোটি লোকক সহায় কৰিব। আজিৰ কাৰ্যসূচীয়েও উন্নত ভাৰতৰ এই পথক শক্তিশালী কৰিবলৈ গৈ আছে। আজি এই বিশেষ কাৰ্যসূচীত কাশীৰ লগতে দেশৰ গাঁৱে-ভূঞে আমাৰ লগত জড়িত হৈ আছে, কোটি কোটি কৃষক আমাৰ লগত জড়িত হৈ আছে আৰু এই সকলো কৃষক, মাতৃ, ভাই-ভগ্নীয়ে আজি এই কাৰ্যসূচীক শোভা বঢ়াইছে। আজি মোৰ কাশীৰ পৰা, হিন্দুস্তানৰ চুকে-কোণে, প্ৰতিখন গাঁৱত, প্ৰযুক্তিৰ জড়িয়তে জড়িত সকলো কৃষক ভাই-ভনী আৰু দেশৰ নাগৰিকক শুভেচ্ছা জনাইছো। মাত্ৰ কিছু সময়ৰ পূৰ্বে প্ৰধানমন্ত্ৰী কিষাণ সন্মান নিধিৰ ২০ হাজাৰ কোটি টকা সমগ্ৰ দেশৰ কোটি কোটি কৃষকৰ বেংক একাউণ্টত সোমাইছে। আজি ৩ কোটি ভগ্নী লাখপতি দিদি কৰাৰ দিশত এটা ডাঙৰ পদক্ষেপ লোৱা হৈছে। কৃষি সখী হিচাপে ভগ্নীদ্বয়ৰ নতুন ভূমিকাই তেওঁলোকক সন্মান আৰু নতুন উপাৰ্জনৰ উৎস দুয়োটা সুনিশ্চিত কৰিব। আমাৰ সকলো কৃষক পৰিয়াল, মাতৃ আৰু ভগ্নীলৈ মোৰ শুভেচ্ছা জ্ঞাপন কৰিছো।
বন্ধুসকল,
প্ৰধানমন্ত্ৰী কিষাণ সন্মান নিধি আজি বিশ্বৰ সৰ্ববৃহৎ প্ৰত্যক্ষ সুবিধা হস্তান্তৰ আঁচনি হিচাপে পৰিগণিত হৈছে। এতিয়ালৈকে দেশৰ কোটি কোটি কৃষক পৰিয়ালৰ বেংক একাউণ্টত ৩.২৫ লাখ কোটি টকা জমা হৈছে। বাৰাণসী জিলাৰ কৃষকৰ একাউণ্টতো ৭০০ কোটি টকা জমা হৈছে। মই সুখী যে প্ৰধানমন্ত্ৰী কিষাণ সন্মান নিধিত প্ৰযুক্তিৰ অধিক ব্যৱহাৰ কৰি সঠিক হিতাধিকাৰীৰ ওচৰলৈ যাবলৈ সক্ষম হৈছে। আনকি কেইমাহমান পূৰ্বে বিকাশ ভাৰত সংকল্প যাত্ৰাৰ সময়তো এক কোটিৰো অধিক কৃষকে এই আঁচনিখনত যোগদান কৰিছে। প্ৰধানমন্ত্ৰী কিষাণ সন্মান নিধিৰ সুবিধা লাভ কৰিবলৈ চৰকাৰে বহু নিয়মো সৰল কৰি তুলিছে। যেতিয়া সঠিক উদ্দেশ্য আৰু সেৱাৰ মনোভাৱ থাকে তেতিয়া কৃষকৰ সুবিধা আৰু জনস্বাৰ্থৰ কাম ক্ষিপ্ৰতাৰে কৰা হয়।
ভাই-ভনী,
একবিংশ শতিকাৰ ভাৰতক বিশ্বৰ তৃতীয় বৃহত্তম অৰ্থনৈতিক শক্তি হিচাপে গঢ়ি তোলাত সমগ্ৰ কৃষি ব্যৱস্থাৰ ডাঙৰ ভূমিকা আছে। আমি বিশ্ব বজাৰখনক মনত ৰাখি বৈশ্বিক চিন্তা কৰিব লাগিব। আমি দাইল আৰু তৈলবীজত স্বাৱলম্বী হ’ব লাগিব। আৰু কৃষি ৰপ্তানিৰ ক্ষেত্ৰত আগশাৰীৰ দেশত পৰিণত হ’ব লাগিব। এতিয়া চাওক, বাৰাণসীৰ লংৰা আম, জৌনপুৰৰ মূলা, গাজীপুৰৰ ভেন্দি, এনে বহু সামগ্ৰী আজি বহিঃৰাজ্যৰ বজাৰ পাইছে। জিলা পৰ্যায়ত এক জিলা এক পণ্য আৰু ৰপ্তানি কেন্দ্ৰৰ সৃষ্টিৰ লগে লগে ৰপ্তানি আৰু উৎপাদনৰ মানদণ্ডও বৃদ্ধি পাইছে। এতিয়া আমি দেশখনক পেকেজড খাদ্যৰ বৈশ্বিত বজাৰত নতুন উচ্চতালৈ লৈ যাব লাগিব আৰু মোৰ সপোন হৈছে যে বিশ্বৰ প্ৰতিখন ডাইনিং টেবুলত ভাৰতৰ খাদ্য শস্য বা খাদ্য সামগ্ৰী থকা উচিত। গতিকে আমি শূন্য প্ৰভাৱ, শূন্য ত্ৰুটি খেতিৰ মন্ত্ৰটোও প্ৰচাৰ কৰিব লাগিব। মোটা শস্যৰ উৎপাদনেই হওক-শ্ৰী অন্ন, ঔষধি গুণ থকা শস্য বা প্ৰাকৃতিক খেতিৰ দিশত আগবাঢ়িছে। প্ৰধানমন্ত্ৰী কিষাণ সমৃদ্ধি কেন্দ্ৰৰ জৰিয়তে কৃষকৰ বাবে এক বৃহৎ সহায়ক ব্যৱস্থা গঢ়ি তোলা হৈছে।
ভাই-ভনীসকল,
সভাত আমাৰ বৃহৎ সংখ্যক মাতৃ-ভগ্নী উপস্থিত হৈছে। মাতৃ-ভগ্নী অবিহনে কৃষি-কৰ্মৰ কল্পনা কৰাটো অসম্ভৱ। সেয়ে এতিয়া খেতিৰ নতুন দিশ দিয়াৰ ক্ষেত্ৰত মাতৃ-ভগ্নীৰ ভূমিকাও সম্প্ৰসাৰিত হৈছে। নমো ড্ৰ’ন দিদিৰ দৰে কৃষি সখী অনুষ্ঠানো তেনে এক প্ৰচেষ্টা। আশাকৰ্মী হিচাপে ভগ্নীসকলৰ কাম আমি দেখিছোঁ। ডিজিটেল ইণ্ডিয়া সৃষ্টিৰ ক্ষেত্ৰত ভগ্নীসকলৰ ভূমিকা আমি বেংক সখী হিচাপে দেখিছোঁ। এতিয়া কৃষি সখীৰ ৰূপত খেতিৰ নতুন শক্তি পোৱা দেখিবলৈ পাম। আজি ৩০ হাজাৰৰো অধিক সহযোগী গোটক কৃষি সখী হিচাপে প্ৰমাণ পত্ৰ প্ৰদান কৰা হৈছে। বৰ্তমান এই আঁচনি ১২খন ৰাজ্যত আৰম্ভ কৰা হৈছে। আগন্তুক সময়ত সমগ্ৰ দেশৰ হাজাৰ হাজাৰ গোট ইয়াৰ সৈতে সংযুক্ত হ’ব। এই অভিযানে ৩ কোটি লাখপতি দিদি সৃষ্টিতো সহায় কৰিব।
ভাই-ভনী,
যোৱা ১০ বছৰত কেন্দ্ৰীয় চৰকাৰ আৰু ৰাজ্য চৰকাৰে বিগত ৭ বছৰত কাশীৰ কৃষকৰ বাবে এটা সুযোগ পাইছে। সম্পূৰ্ণ নিষ্ঠাৰে কাম কৰিছে। কাশীত বানাছ ডেইৰী ক্লাষ্টাৰ স্থাপন হওক, কৃষকৰ বাবে নিৰ্মাণ কৰা ক্ষয়িষ্ণু কাৰ্গো চেণ্টাৰ হওক, বিভিন্ন কৃষি শিক্ষা আৰু গৱেষণা কেন্দ্ৰই হওক অথবা ইণ্টিগ্ৰেটেড পেক হাউচেই হওক, আজি এই সকলোবোৰৰ বাবেই কাশী আৰু পূৰ্বাঞ্চলৰ কৃষকসকল অতি শক্তিশালী হৈ পৰিছে, তেওঁলোকৰ উপাৰ্জন বৃদ্ধি পাইছে। বানাছ ডেইৰীয়ে বাৰাণসীত আৰু ইয়াৰ আশে-পাশে থকা খেতিয়ক আৰু গৰুপালকৰ ভাগ্য সলনি কৰাৰ কাম কৰি আহিছে। আজি এই দুগ্ধ শাখাই প্ৰতিদিনে প্ৰায় ৩ লাখ লিটাৰ গাখীৰ সংগ্ৰহ কৰি আছে। কেৱল বাৰাণসীৰ পৰা ১৪ হাজাৰৰো অধিক গৰু পালক আৰু আমাৰ পৰিয়ালৰ এই দুগ্ধ শাখাত পঞ্জীয়ন কৰা হৈছে। এতিয়া বানাছ ডেইৰীয়ে আগন্তুক ডেৰ বছৰত কাশীৰ আৰু ১৬ হাজাৰ গৰু পালক সংযোজন কৰিবলৈ ওলাইছে। বানাছ ডেইৰী অহাৰ পাছত বাৰাণসীতৰ বহু গাখীৰ উৎপাদকৰ আয় ৫ লাখ টকা পৰ্যন্ত বৃদ্ধি পাইছে। লগতে প্ৰতি বছৰে কৃষকক বোনাছ দিয়া হৈছে। যোৱা বছৰো গৰু পালকৰ বেংক একাউণ্টলৈ ১০০ কোটিতকৈ অধিক বোনাছ প্ৰেৰণ কৰা হৈছিল। কৃষকক ভাল জাতৰ গীৰ আৰু সাহিৱাল গৰুও দি আছে বানাছ ডেইৰীয়ে। ইয়াৰ বাবেই তেওঁৰ উপাৰ্জনো বৃদ্ধি পাইছে।
বন্ধুসকল,
আমাৰ চৰকাৰেও বাৰাণসীত মাছমৰীয়াৰ আয় বৃদ্ধিৰ বাবে অহৰহ কাম কৰি আছে। প্ৰধানমন্ত্ৰী মৎস্য সম্পাদ যোজনাৰ দ্বাৰা উপকৃত হৈছে শ শ কৃষক। এতিয়া তেওঁলোকে কিষাণ ক্ৰেডিট কাৰ্ডৰ সুবিধাও লাভ কৰিছে। চন্দৌলিত সমীপতে ৭০ কোটি টকা ব্যয় সাপেক্ষে এখন আধুনিক মাছৰ বজাৰো নিৰ্মাণ কৰা হৈছে। ইয়াৰ দ্বাৰা বাৰাণসীৰ মীন পালনৰ লগত জড়িত কৃষকসকলো উপকৃত হ’ব।
বন্ধুসকল,
মই সুখী যে প্ৰধানমন্ত্ৰী সূৰ্য্য ঘৰ বিনামূলীয়া বিদ্যুৎ আঁচনিয়েও বাৰাণসীত ব্যাপক সফলতা লাভ কৰিছে। ইয়াৰ প্ৰায় ৪০ হাজাৰ লোকে এই আঁচনিৰ অধীনত পঞ্জীয়ন কৰিছে। বাৰাণসীত ২১০০ৰো অধিক ঘৰত সৌৰ পেনেল স্থাপন কৰা হৈছে। বৰ্তমান ৩ হাজাৰৰো অধিক ঘৰত সৌৰ পেনেল স্থাপনৰ কাম চলি আছে। প্ৰধানমন্ত্ৰী সূৰ্য্য ঘৰ বিনামূলীয়া বিদ্যুৎ আঁচনিৰ সৈতে সংযুক্ত বেছিভাগ ঘৰেই দুগুণ লাভ কৰিছে। কেৱল তেওঁৰ বিদ্যুতৰ বিল শূন্য হোৱাই নহয়, ২-৩ হাজাৰ টকা উপাৰ্জন কৰিবলৈও আৰম্ভ কৰিছে।
বন্ধুসকল,
বিগত ১০ বছৰত বাৰাণসীত চহৰ আৰু ইয়াৰ আশে-পাশে থকা গাঁওসমূহত কৰা সংযোগৰ কামেও বহুখিনি সহায় কৰিছে। আজি কাশীত দেশৰ প্ৰথমটো চিটি ৰ’পৱে প্ৰকল্পৰ কাম চূড়ান্ত পৰ্যায়ত উপনীত হৈছে। গাজীপুৰ, আজমগড় আৰু জৌনপুৰৰ গড়কাপ্তানী সংযোগী ৰিং ৰোডটো উন্নয়নৰ পথত পৰিণত হৈছে। ফুলৰীয়া আৰু চৌকাঘাটত উৰণীয়া সেতু নিৰ্মাণৰ ফলত যান-জঁটৰ সমস্যাত ভুগি থকা বাৰাণসীবাসীক যথেষ্ট সকাহ দিছে। কাশী, বাৰাণসী আৰু কেণ্টৰ ৰে’ল ষ্টেচনসমূহে এতিয়া নতুন ৰূপত পৰ্যটক আৰু বাৰাণসীৰ লোকক আদৰণি জনাইছে। বাবাটপুৰ বিমানবন্দৰৰ নতুন ৰূপে কেৱল যাতায়তৰ বাবেই নহয়, ব্যৱসায়ৰ ক্ষেত্ৰতো যথেষ্ট সুবিধা প্ৰদান কৰিছে। গংগা ঘাটত চলি থকা উন্নয়ন, বি এইচ ইউত নতুন স্বাস্থ্য সুবিধা নিৰ্মাণ, চহৰৰ পুখুৰীৰ নতুন ৰূপ, বাৰাণসীৰ বিভিন্ন স্থানত নতুন ব্যৱস্থাৰ বিকাশে কাশীবাসীক গৌৰৱ অনুভৱ কৰাইছে। কাশীত ক্ৰীড়া ক্ষেত্ৰত যি কাম চলি আছে, নতুন ষ্টেডিয়ামৰ কামেও যুৱক-যুৱতীসকলৰ বাবে নতুন সুযোগৰ সৃষ্টি কৰিছে।
বন্ধুসকল,
আমাৰ কাশী সাংস্কৃতিক ৰাজধানীত পৰিণত হৈছে, আমাৰ কাশী জ্ঞানৰ ৰাজধানী হৈছে, আমাৰ কাশী সকলো জ্ঞানৰ ৰাজধানী হৈ আহিছে। কিন্তু এই সকলোবোৰৰ সমান্তৰালকৈ কাশী এনে এখন চহৰত পৰিণত হৈছে যিয়ে সমগ্ৰ বিশ্বক দেখুৱাইছে যে এই ঐতিহ্যমণ্ডিত চহৰখনেও নগৰ উন্নয়নৰ এক নতুন অধ্যায় লিখিব পাৰে। উন্নয়নৰ লগতে ঐতিহ্যৰ মন্ত্ৰ কাশীৰ সকলো ঠাইতে দেখা যায়। আৰু এই বিকাশৰ দ্বাৰা কেৱল কাশীয়েই লাভৱান হোৱা নাই। পূৰ্বাঞ্চলৰ বিভিন্ন প্ৰান্তৰ পৰা পৰিয়ালে কাম-কাজ আৰু প্ৰয়োজনৰ বাবে কাশীলৈ আহে। এই সকলোবোৰ কামৰ পৰাও তেওঁলোক সকলোৱে বহুত সহায় পায়।
বন্ধুসকল,
বাবা বিশ্বনাথৰ কৃপাত কাশীৰ বিকাশৰ এই নতুন কাহিনী অবিৰতভাৱে চলি থাকিব। আকৌ এবাৰ কৃষক বন্ধু-বান্ধৱী আৰু দেশৰ লগত জড়িত সকলো কৃষক ভাই-ভনীক আন্তৰিকতাৰে শুভেচ্ছা আৰু অভিনন্দন জ্ঞাপন কৰিলোঁ। আকৌ এবাৰ কাশীবাসীলৈ মোৰ আন্তৰিক কৃতজ্ঞতা জ্ঞাপন কৰিলোঁ।
নমঃ পাৰ্বতী পতায়ে!
হৰ হৰ মহাদেৱ!
