যোধপুৰৰ এইমছত 'ট্ৰমা চেণ্টাৰ এণ্ড ক্ৰিটিকেল কেয়াৰ হস্পিটেল ব্লক'ৰ আধাৰশিলা স্থাপন কৰে আৰু পিএম-এবিএমৰ অধীনত ৭ টা গুৰুত্বপূৰ্ণ কেয়াৰ ইউনিট স্থাপন কৰে
যোধপুৰ বিমানবন্দৰত নতুন টাৰ্মিনেল ভৱনৰ আধাৰশিলা স্থাপন কৰেআই আই টি যোধপুৰ চৌহদ আৰু আন্তঃগাঁথনি উন্নীতকৰণ ৰাজস্থানৰ কেন্দ্ৰীয় বিশ্ববিদ্যালয়লৈ উৎসৰ্গিত কৰেএকাধিক পথ উন্নয়ন প্ৰকল্পৰ আধাৰশিলা স্থাপন কৰে১৪৫ কিলোমিটাৰ দৈৰ্ঘৰ ডেগানা-ৰায় কা বাগ ৰেল লাইন আৰু ৫৮ কিলোমিটাৰ দৈৰ্ঘৰ ডেগানা-কুচামান চিটি ৰেল লাইনৰ দ্বৈতকৰণ উৎসৰ্গা কৰেজয়চালমেৰক দিল্লীৰ সৈতে সংযোগ কৰা ৰুনিচা এক্সপ্ৰেছ আৰু মাৰৱাৰ জংচন- খাম্বলী ঘাটসংযোগী নতুন ঐতিহ্যবাহী ৰেল পতাকা জোকাৰি মুকলি কৰে"ৰাজস্থান হৈছে এনে এখন ৰাজ্য, য'ত প্ৰাচীন ভাৰতৰ গৌৰৱ দেশৰ বীৰত্ব, সমৃদ্ধি আৰু সংস্কৃতি দৃশ্যমান হয়""ভাৰতৰ অতীত গৌৰৱক প্ৰতিনিধিত্ব কৰা ৰাজস্থানে ভাৰতৰ ভৱিষ্যতকো প্ৰতিনিধিত্ব কৰাটো গুৰুত্বপূৰ্ণ""কেৱল ৰাজস্থানৰ নহয়, দেশৰ মুখ্য প্ৰতিষ্ঠানসমূহৰ মাজত এইমছ যোধপুৰ আৰু আই আই টি যোধপুৰ দেখি মই অত্যন্ত আনন্দিত হৈছো""ৰাজস্থানৰ উন্নয়নৰ সৈতেহে ভাৰতৰ বিকাশ হ'ব"মঞ্চত উপবিষ্ট ৰাজস্থানৰ ৰাজ্যপাল শ্ৰীযুত কলৰাজ মিশ্ৰ জী, কেন্দ্ৰীয় মন্ত্ৰীসভাৰ মোৰ সহকৰ্মী তথা এই ভূমিৰ সেৱক ভাই গজেন্দ্ৰ সিং শ্বেখাৱত, কৈলাশ চৌধুৰী, ৰাজস্থান চৰকাৰৰ মন্ত্ৰী ভাই ভজনলাল, সাংসদ তথা ভাৰতীয় জনতা পাৰ্টিৰ ৰাজ্যিক সভাপতি শ্ৰীযুত চি পি যোশী জী, আমাৰ আন সাংসদসকল, সকলো জনপ্ৰতিনিধি, দেৱী আৰু সজ্জনসকল!
সৰ্বপ্ৰথমে মই সূৰ্যনগৰী, মন্দোৰ, বীৰ দুৰ্গাদাস ৰাথোড় জীৰ এই বীৰ ভূমিৰ প্ৰতি শত শত প্ৰণাম জনাইছোঁ। আজি পবিত্ৰ মাৰোৱাৰ ভূমি যোধপুৰত বহু বৃহৎ উন্নয়নমূলক কামৰ উদ্বোধন আৰু আধাৰশিলা স্থাপন কৰা হৈছে। আজি আমি সকলোৱে ৰাজস্থানৰ উন্নয়নৰ বাবে যোৱা ৯ বছৰত যি অবিৰত প্ৰচেষ্টা চলাইছোঁ তাৰ ফল অনুভৱ কৰিছোঁ আৰু দেখিবলৈ পাইছোঁ। এই উন্নয়নমূলক কামবোৰৰ বাবে আপোনালোক সকলোকে আন্তৰিক অভিনন্দন জনাইছোঁ।
বন্ধুসকল,
ৰাজস্থান সেই ৰাজ্য, য'ত প্ৰাচীন ভাৰতৰ গৌৰৱ দেখা যায়। য'ত ভাৰতৰ বীৰত্ব, সমৃদ্ধি আৰু সংস্কৃতিৰ প্ৰতিফলন ঘটিছে। কিছুদিন পূৰ্বে যোধপুৰত অনুষ্ঠিত জি-২০ বৈঠকক সমগ্ৰ বিশ্বৰ অতিথিসকলে প্ৰশংসা কৰে। আমাৰ দেশৰ মানুহ হওক বা বিদেশী পৰ্যটকেই হওক, সকলোৱে এবাৰ ছান চিটি যোধপুৰ ভ্ৰমণ কৰিবলৈ ইচ্ছা কৰে। বালিচহীয়া বিল, মেহৰনগড় আৰু যশৱন্ত থাডা চাবলৈ সকলোৱে নিশ্চয় বিচাৰে, ইয়াত হস্তশিল্পৰ প্ৰতি বহুত কৌতুহল আছে। ভাৰতৰ গৌৰৱময় অতীতক প্ৰতিনিধিত্ব কৰা ৰাজস্থানেও ভাৰতৰ ভৱিষ্যতক প্ৰতিনিধিত্ব কৰে। এইটো তেতিয়াহে হ’ব যেতিয়া মেৱাৰৰ পৰা মাৰোৱাৰলৈকে সমগ্ৰ ৰাজস্থানে উন্নয়নৰ উচ্চতাত উপনীত হ’ব আৰু ইয়াত আধুনিক আন্তঃগাঁথনি নিৰ্মাণ হ’ব। বিকানেৰৰ পৰা বৰমেৰ হৈ জামনগৰলৈ এক্সপ্ৰেছৱে কৰিডৰ দিল্লী-মুম্বাই এক্সপ্ৰেছৱে ৰাজস্থানৰ আধুনিক আৰু হাই-টেক আন্তঃগাঁথনিৰ নিদৰ্শন। আজি ভাৰত চৰকাৰে ৰাজস্থানত ৰে'ল-পথকে ধৰি প্ৰতিটো দিশতে দ্ৰুত গতিত কাম কৰি আছে।
এইবাৰ ৰে’লৱেৰ উন্নয়নৰ বাবে ৰাজস্থানক প্ৰায় ৯৫০০ কোটি টকাৰ বাজেট দিয়া হৈছে। এই বাজেট পূৰ্বৰ চৰকাৰৰ বাৰ্ষিক গড় বাজেটতকৈ প্ৰায় ১৪গুণ বেছি। আৰু মই কোনো ৰাজনৈতিক বক্তব্য দিয়া নাই, বাস্তৱিক তথ্য দিছোঁ, নহ'লে সংবাদ মাধ্যমৰ মানুহে লিখিব, মোদীৰ বৃহৎ আক্ৰমণ। স্বাধীনতাৰ পিছৰ দশকবোৰত ২০১৪ চনলৈকে ৰাজস্থানৰ প্ৰায় ৬০০ কিলোমিটাৰ ৰে'লপথতহে বিদ্যুৎ সংযোগ হৈছিল। যোৱা ৯ বছৰত ৩ হাজাৰ ৭ শ কিলোমিটাৰতকৈও অধিক ৰে'লপথত বিদ্যুৎ সংযোগ কৰা হৈছে। ডিজেল ইঞ্জিনৰ পৰিৱৰ্তে এইবোৰেৰে চলিব বৈদ্যুতিক ইঞ্জিন থকা ৰে'ল। ইয়াৰ ফলত ৰাজস্থানৰ প্ৰদূষণ হ্ৰাস পাব আৰু বায়ুও সুৰক্ষিত হৈ থাকিব। অমৃত ভাৰত ষ্টেচন আঁচনিৰ অধীনত আমি ৰাজস্থানৰ ৮০টাতকৈও অধিক ৰে'ল ষ্টেচনো আধুনিকতাৰে উন্নয়ন কৰি আছোঁ। আমাৰ এটা ফেশ্বন আছে চমকপ্ৰদ বিমানবন্দৰ নিৰ্মাণৰ, ডাঙৰ ডাঙৰ মানুহ তালৈ যায়, কিন্তু মোদীৰ পৃথিৱীখন কিবা এটা বেলেগ, য'ত দুখীয়া আৰু মধ্যবিত্ত শ্ৰেণীৰ মানুহ যায়, মই সেই ৰে'ল ষ্টেচনটো বিমানবন্দৰতকৈও ভাল কৰিম আৰু ইয়াত আমাৰ যোধপুৰ ৰে'ল ষ্টেচনটোও অন্তৰ্ভুক্ত কৰা হৈছে।
ভাতৃ-ভগ্নীসকল,
আজিৰ পৰা আৰম্ভ হোৱা পথ আৰু ৰে'ল প্ৰকল্পই এই উন্নয়ন অভিযানক আৰু অধিক গতি প্ৰদান কৰিব। ৰে'লপথৰ এই দুগুণ বৃদ্ধিৰ লগে লগে যাত্ৰাৰ সময় কমি যাব আৰু সুবিধাও বৃদ্ধি পাব। জয়ছালমেৰ-দিল্লী এক্সপ্ৰেছ ৰে’ল আৰু মাৰৱাৰ-খাম্বলি ঘাট ৰে’লখনকো ফ্লেগ অফ কৰাৰ সৌভাগ্য লাভ কৰিছোঁ৷ আৰু কিছুদিন আগতে বন্দে ভাৰতৰ বাবেও এটা সুযোগ পাইছিলোঁ। আজি ইয়াত তিনিটা পথ প্ৰকল্পৰ আধাৰশিলাও স্থাপন কৰা হয়। আজি যোধপুৰ আৰু উদয়পুৰ বিমানবন্দৰৰ নতুন যাত্ৰী টাৰ্মিনেল ভৱনৰ আধাৰশিলা স্থাপন কৰা হৈছে। এই সকলোবোৰ উন্নয়নমূলক কামে এই অঞ্চলৰ স্থানীয় অৰ্থনীতিক উন্নীত কৰিব আৰু নতুন কৰ্মসংস্থাপনৰ সুযোগো সৃষ্টি কৰিব। ইয়াৰ দ্বাৰা ৰাজস্থানৰ পৰ্যটন খণ্ডলৈও নতুন শক্তি প্ৰদান কৰাত সহায়ক হ’ব।
বন্ধুসকল,
চিকিৎসা আৰু অভিযান্ত্ৰিক শিক্ষাৰ ক্ষেত্ৰত আমাৰ ৰাজস্থানৰ নিজস্ব এক সুকীয়া পৰিচয় আছে। কোটাই দেশক বহু ডাক্তৰ আৰু অভিযন্তা দিছে। আমাৰ প্ৰচেষ্টা হৈছে শিক্ষাৰ লগতে চিকিৎসা আৰু অভিযান্ত্ৰিক দিশত নতুন উচ্চতা লাভৰ বাবে ৰাজস্থানক সৰ্বোত্তম কেন্দ্ৰ হিচাপে গঢ়ি তোলা। ইয়াৰ বাবে এইমছ যোধপুৰত ট্ৰমা, জৰুৰীকালীন আৰু জটিল যত্নৰ বাবে উন্নত সুবিধাসমূহ গঢ়ি তোলা হৈছে। প্ৰধানমন্ত্ৰী আয়ুষ্মান ভাৰত আন্তঃগাঁথনি অভিযানৰ অধীনত জিলা চিকিৎসালয়সমূহতো ক্ৰিটিকেল কেয়াৰ ব্লক নিৰ্মাণ কৰা হৈছে। মই সুখী যে এইমছ যোধপুৰ আৰু আই আই টি যোধপুৰ আজি কেৱল ৰাজস্থানৰেই নহয় সমগ্ৰ দেশতে প্ৰিমিয়াৰ ইনষ্টিটিউটত পৰিণত হৈছে।
এইমছ আৰু আই আই টি যোধপুৰে একেলগে চিকিৎসা প্ৰযুক্তিৰ ক্ষেত্ৰত নতুন সম্ভাৱনাৰ কাম আৰম্ভ কৰিছে। ৰবটিক ছাৰ্জাৰীৰ দৰে হাই-টেক মেডিকেল টেকন’লজিয়ে ভাৰতক গৱেষণা আৰু উদ্যোগৰ ক্ষেত্ৰত নতুন উচ্চতালৈ লৈ গৈছে। ইয়াৰ দ্বাৰা চিকিৎসা পৰ্যটনৰো প্ৰসাৰ ঘটিব।
বন্ধুসকল,
প্ৰকৃতি আৰু পৰিবেশ ভালপোৱা মানুহৰ ভূমি ৰাজস্থান। গুৰু জম্ভেশ্বৰ আৰু বিষ্ণুই সমাজে ইয়াত যুগ যুগ ধৰি জীৱন-যাপন কৰি আহিছে, যিটো আজি সমগ্ৰ বিশ্বই অনুসৰণ কৰিব বিচাৰিছে। আমাৰ এই ঐতিহ্যৰ আধাৰত আজি ভাৰতে সমগ্ৰ বিশ্বক পথ প্ৰদৰ্শন কৰি আছে। মোৰ বিশ্বাস যে আমাৰ এই প্ৰচেষ্টাসমূহ এখন উন্নত ভাৰতৰ আধাৰ হৈ পৰিব। আৰু ৰাজস্থানৰ বিকাশ হ’লেহে ভাৰতৰ বিকাশ হ’ব। আমি একেলগে ৰাজস্থানক উন্নয়ন কৰি সমৃদ্ধিশালী কৰি তুলিব লাগিব। এই সংকল্পৰ সৈতে এই কাৰ্যসূচীৰ মঞ্চৰ কিছু সীমাবদ্ধতা আছে, গতিকে মই ইয়াত আপোনালোকৰ বেছি সময় নলওঁ। ইয়াৰ পিছত মই মুকলি পথাৰলৈ যাম, তাৰ আমেজো বেলেগ, পৰিৱেশটোও বেলেগ, উদ্দেশ্যও বেলেগ, গতিকে কেইমিনিটমানৰ পিছত আমি তাত মুকলি পথাৰত লগ হ'ম। বহুত বহুত ধন্যবাদ!
