QuoteUnveils HTT-40 indigenous trainer aircraft designed by Hindustan Aeronautics Limited
QuoteLaunches Mission DefSpace
QuoteLays foundation stone of Deesa airfield
Quote“This is the first defence expo where only Indian companies are participating and it features only Made in India equipment”
Quote“Defense Expo is also a symbol of global trust towards India”
Quote“Relationship between India and Africa is deepening and touching new dimensions”
Quote“With operational base in Deesa, the expectation of our forces is being fulfilled today”
Quote“Various challenges in space technology have been reviewed and identified by the three services”
Quote“Space technology is shaping new definitions of India's generous space diplomacy”
Quote“In the defence sector, new India is moving ahead with the mantra of Intent, Innovation and Implementation”
Quote“We have set a target to reach 5 billion dollars i.e. 40 thousand crore rupees of defence exports in coming times”
Quote“India sees defence sector as an infinite sky of opportunities”

গুজৰাটৰ ৰাজ্যপাল আচাৰ্য দেৱব্ৰত জী, দেশৰ প্ৰতিৰক্ষা মন্ত্ৰী শ্ৰীযুত ৰাজনাথ সিং জী, গুজৰাটৰ জনপ্ৰিয় মুখ্যমন্ত্ৰী শ্ৰী ভূপেন্দ্ৰ ভাই পেটেল, গুজৰাট চৰকাৰৰ মন্ত্ৰী জগদীশ ভাই, মন্ত্ৰীপৰিষদৰ অন্যান্য বিশিষ্ট ব্যক্তিসকল, চিডিএছ জেনেৰেল অনিল চৌহান জী, বায়ু সেনাৰ মুৰব্বী এয়াৰ শ্বীফ মাৰ্ছেল বি আৰ চৌধৰী, নৌ সেনাৰ মুৰব্বী এডমাইৰেল আৰ. হৰিকুমাৰ, স্থল সেনাৰ মুৰব্বী জেনেৰেল মনোজ পাণ্ডে, অন্যান্য বিশিষ্ট ব্যক্তিসকল, বিদেশৰ পৰা অহা গণ্যমান্য ব্যক্তিসকল, ভদ্ৰ-পুৰুষ মহিলাসকল,

|

গুজৰাটৰ ভূমিৰ শক্তিশালী, সক্ষম আৰু আত্মনিৰ্ভৰ ভাৰতৰ এই মহোৎসৱলৈ আপোনালোক সকলোকে আন্তৰিক আদৰণি জনাইছো৷ দেশৰ প্ৰধানমন্ত্ৰী হিচাপে আপোনালোকক আদৰণি জনোৱাটো যিমান গুৰুত্বপূৰ্ণ, সিমানেই এই ভূমিৰ সন্তান হিচাপে আপোনালোক সকলোকে আদৰণি জনাবলৈ পাই গৌৰৱবোধ কৰিছো৷ ডেফএক্সপ’-২০২২ৰ এই আয়োজনে নতুন ভাৰতৰ এনে ভব্য ছবি প্ৰতিফলিত কৰিছে, যাৰ সংকল্প আমি অমৃতকালত লৈছো৷ ইয়াত ৰাষ্ট্ৰৰ বিকাশো আছে, ৰাজ্যসমূহৰ সহযোগিতাও আছে৷ ইয়াত যুৱক-যুৱতীসকলৰ শক্তিও আছে, যুৱক-যুৱতীসকলৰ সপোনো আছে৷ যুৱক-যুৱতীসকলৰ সংকল্পও আছে, যুৱক-যুৱতীসকলৰ সাহসো আছে, যুৱক-যুৱতীসকলৰ সামৰ্থ্যও আছে৷ ইয়াত বিশ্বৰ বাবে আশাও আছে, বন্ধু ৰাষ্ট্ৰসমূহৰ বাবে সহযোগিতাৰো বহু সুযোগ আছে৷

|

বন্ধুসকল,

আমাৰ দেশত ইয়াৰ আগতেও ডিফেন্স এক্সপ’ অনুষ্ঠিত হৈ আহিছে, কিন্তু এইবাৰৰ ডিফেন্স এক্সপ’ অভূতপূৰ্ব, ই এক নতুন আৰম্ভণিৰ ইংগিত দিয়ে। এইখন দেশত এনে প্ৰথমখন ডিফেন্স এক্সপ’’, য’ত কেৱল ভাৰতীয় কোম্পানীয়েহে অংশগ্ৰহণ কৰিছে, কেৱল মেড ইন ইণ্ডিয়া প্ৰতিৰক্ষা সঁজুলিয়েহে অংশগ্ৰহণ কৰিছে। প্ৰথমবাৰৰ বাবে এটা ডিফেন্স এক্সপ’ত ভাৰতৰ ভূমিত, লৌহ মানৱ চৰ্দাৰ পেটেলৰ এই ভূমিৰ পৰা ভাৰতৰ জনসাধাৰণৰ ঘাম, নিজৰ দেশৰ কোম্পানী, আমাৰ বিজ্ঞানী, আমাৰ যুৱ প্ৰজন্মৰ শক্তিৰ দ্বাৰা তৈয়াৰী বিভিন্ন সামগ্ৰী আজি আমি বিশ্বৰ সন্মুখত আমাৰ শক্তিৰ পৰিচয় দিবলৈ সক্ষম হৈছো। ইয়াত ভাৰতীয় উদ্যোগৰ সৈতে জড়িত কিছুমান যৌথ উদ্যোগ, এমএছএমই আৰু শতাধিক ষ্টাৰ্টআপৰ সৈতে গঠিত ১৩০০ৰো অধিক প্ৰদৰ্শক আছে। এক প্ৰকাৰে ইয়াত আপোনালোক সকলোৱে আৰু দেশবাসী আৰু বিশ্বৰ জনসাধাৰণে একেলগে ক্ষমতা আৰু সম্ভাৱনা দুয়োটাৰে আভাস দেখিবলৈ পাইছে। এই সম্ভাৱনাসমূহ বাস্তৱায়িত কৰিবলৈ প্ৰথমবাৰৰ বাবে ৪৫০ৰো অধিক বুজাবুজি চুক্তি আৰু চুক্তি স্বাক্ষৰ কৰা হৈছে।

|

বন্ধুসকল,

আমি বহুদিনৰ আগতে এই অনুষ্ঠানটো আয়োজন কৰিব বিচাৰিছিলো। গুজৰাটৰ জনসাধাৰণে এই কথা ভালদৰে জানে। কিছুমান পৰিস্থিতিৰ বাবে আমি সময় সলনি কৰিবলগীয়া হৈছিল, যাৰ বাবে সামান্য পলম হৈছে। বিদেশৰ পৰা আহিবলগীয়া অতিথিসকলেও অসুবিধা পাইছিল যদিও দেশৰ এতিয়ালৈকে হোৱা আটাইতকৈ ডাঙৰ ডিফেন্স এক্সপ’য়ে আৰম্ভ কৰিছে এক শক্তিশালী নতুন ভৱিষ্যত। মই জানো যে ইয়াৰ ফলত কিছুমান দেশত অসুবিধাৰ সৃষ্টি হৈছে, কিন্তু বৃহৎ সংখ্যক বিভিন্ন দেশ আমাৰ লগত ইতিবাচক মনোভাৱ লৈ আহিছে।

বন্ধুসকল,

|

মই আনন্দিত যে ভাৰতৰ ৫৩খন আফ্ৰিকান বন্ধু দেশে আমাৰ সৈতে কান্ধত কান্ধ মিলাই থিয় দিছে, যি সময়ত ভাৰতে এই ভৱিষ্যতৰ সুযোগসমূহ গঢ় দিছে। এই উপলক্ষে দ্বিতীয় ভাৰত-আফ্ৰিকা প্ৰতিৰক্ষা আলোচনাও আৰম্ভ হ’ব। ভাৰত আৰু আফ্ৰিকান দেশসমূহৰ এই বন্ধুত্ব, এই সম্পৰ্ক সেই পুৰণি বিশ্বাসৰ ওপৰত নিৰ্ভৰশীল, যিটো সময়ৰ লগে লগে শক্তিশালী হৈ আহিছে, নতুন মাত্ৰাক স্পৰ্শ কৰিছে। মই আফ্ৰিকাৰ পৰা অহা মোৰ বন্ধুসকলক ক’ব বিচাৰিছো যে আজি আপোনালোকে যি গুজৰাট ভূমিলৈ আহিছে, সেই ৰাজ্যৰ সৈতে আফ্ৰিকাৰ অতি পুৰণি আৰু অন্তৰংগ সম্পৰ্ক আছে। আফ্ৰিকাত চলা প্ৰথমখন ৰে’ল নিৰ্মাণৰ কামত ইয়াৰ গুজৰাটৰ কচ্চৰ পৰা মানুহ আফ্ৰিকালৈ গৈছিল আৰু জটিল সময়ত আমাৰ শ্ৰমিকসকলে অধ্যৱসায়েৰে কাম কৰিছিল আৰু আফ্ৰিকাত আধুনিক ৰে’লপথৰ ভেটি স্থাপন কৰাত ডাঙৰ ভূমিকা পালন কৰিছিল। কেৱল ইমানেই নহয়, আজি আফ্ৰিকালৈ গ’লে দোকান শব্দটো শুনাটো সাধাৰণ কথা, এই দোকান শব্দটো গুজৰাটী৷ ৰুটী, ভাজি আফ্ৰিকাৰ জীৱনৰ লগত জড়িত শব্দ। আনকি মহাত্মা গান্ধীৰ দৰে বিশ্বজনীন নেতাৰ বাবেও যদি গুজৰাট তেওঁৰ জন্মস্থান আছিল, তেন্তে আফ্ৰিকা আছিল তেওঁৰ প্ৰথম কৰ্মস্থলী। আফ্ৰিকাৰ প্ৰতি এই আত্মীয়তা আৰু আপোনত্ব ভাৱ এতিয়াও ভাৰতৰ বৈদেশিক নীতিৰ মূলতে আছে। ক’ৰোনাৰ সময়ছোৱাত যেতিয়া সমগ্ৰ বিশ্বই ভেকচিনক লৈ চিন্তিত হৈ পৰিছিল, তেতিয়া ভাৰতে আমাৰ আফ্ৰিকান বন্ধু দেশসমূহক অগ্ৰাধিকাৰ দি ভেকচিনটো যোগান ধৰিছিল। ঔষধৰ পৰা আৰম্ভ কৰি শান্তি অভিযানলৈকে আমি আফ্ৰিকাৰ সৈতে কান্ধত কান্ধত থিয় দিবলৈ চেষ্টা কৰিছো। এতিয়া প্ৰতিৰক্ষা খণ্ডত আমাৰ মাজত হোৱা সহযোগিতা আৰু সমন্বয়ে এই সম্পৰ্কসমূহক এক নতুন উচ্চতা প্ৰদান কৰিব।

|

বন্ধুসকল,

এই অনুষ্ঠানৰ এটা গুৰুত্বপূৰ্ণ দিশ হৈছে ‘ভাৰত মহাসাগৰ অঞ্চল প্লাছ’ৰ প্ৰতিৰক্ষা মন্ত্ৰীসকলৰ সমাৰোহ। ইয়াত আমাৰ ৪৬খন বন্ধুত্বপূৰ্ণ দেশে অংশগ্ৰহণ কৰিছে। আজি আন্তঃৰাষ্ট্ৰীয় নিৰাপত্তাৰ পৰা বিশ্ব বাণিজ্যলৈকে সামুদ্ৰিক নিৰাপত্তা বিশ্বৰ অগ্ৰাধিকাৰ হিচাপে আত্মপ্ৰকাশ কৰিছে। ২০১৫চনত মই অঞ্চলটোত সকলোৰে বাবে নিৰাপত্তা আৰু বৃদ্ধিৰ দৃষ্টিভংগী অৰ্থাৎ মৰিচাছত ‘সাগৰ’ৰ দৃষ্টিভংগীও আগবঢ়াইছিলো। ছিংগাপুৰত অনুষ্ঠিত হোৱা শ্বাংগ্ৰী লা ডাইলগত কোৱাৰ দৰে আফ্ৰিকান উপকূলৰ পৰা আমেৰিকালৈকে ভাৰত-প্ৰশান্ত মহাসাগৰীয় অঞ্চলত ভাৰতৰ আলোচনাত সকলোকে সামৰি লোৱা। আজি বিশ্বায়নৰ যুগত বাণিজ্যিক নৌসেনাৰ ভূমিকাও সম্প্ৰসাৰিত হৈছে। ভাৰতৰ পৰা বিশ্বৰ আশা বাঢ়িছে আৰু মই বিশ্ববাসীক আশ্বাস দিব বিচাৰিছো। আপোনালোকৰ আশা পূৰণৰ বাবে ভাৰতে সকলো প্ৰচেষ্টা অব্যাহত ৰাখিব। আমি কেতিয়াও পিছ হুহকি নাযাওঁ। সেয়ে এই ডিফেন্স এক্সপ’ ভাৰতৰ প্ৰতি বিশ্বজোৰা আস্থাৰ প্ৰতীক। ইমানবোৰ দেশৰ সান্নিধ্যৰ জৰিয়তে গুজৰাটৰ ভূমিত বিশ্বৰ বিশাল সম্ভাৱনা একত্ৰিত হৈছে। এই অনুষ্ঠানলৈ মই ভাৰতৰ সকলো বন্ধুত্বপূৰ্ণ দেশ আৰু তেওঁলোকৰ প্ৰতিনিধিক আন্তৰিকতাৰে আদৰণি জনাইছো। গুজৰাটবাসী আৰু বিশেষকৈ মুখ্যমন্ত্ৰী ভূপেন্দ্ৰ ভাই পেটেল, তেওঁৰ সমগ্ৰ দলটোক এই ভৱিষ্যৎ প্ৰজন্মৰ বাবে অভিনন্দন জ্ঞাপন কৰিছোঁ। গুজৰাটৰ উন্নয়নৰ বাবে পৰিচয়, দেশ আৰু বিশ্বত ঔদ্যোগিক সামৰ্থ্য আজি এই ডিফেন্স এক্সপ’য়ে গুজৰাটৰ পৰিচয়ক এক নতুন মাত্ৰা প্ৰদান কৰিছে। আগন্তুক সময়ত গুজৰাট প্ৰতিৰক্ষা উদ্যোগৰ এক প্ৰধান কেন্দ্ৰও হ’ব, যি ভাৰতৰ নিৰাপত্তা আৰু কৌশলগত সামৰ্থ্যতো বহুখিনি অৰিহণা যোগাব বুলি মই দৃঢ় বিশ্বাসী।

|

বন্ধুসকল,

মই কেৱল স্ক্ৰীণখনলৈ চাই আছিলো, দীছাৰ জনতা উৎসাহেৰে ভৰি পৰিছিল। উৎসাহ আৰু উদ্দীপনা পৰিলক্ষিত হৈছিল। দেশৰ নিৰাপত্তা আৰু অঞ্চলটোৰ উন্নয়নৰ বাবেও দীছা বিমানবন্দৰ নিৰ্মাণৰ এক উল্লেখযোগ্য সাফল্য। আন্তঃৰাষ্ট্ৰীয় সীমান্তৰ পৰা দীছা মাত্ৰ ১৩০ কিলোমিটাৰ দূৰত। যদি আমাৰ সেনা বিশেষকৈ আমাৰ বায়ুসেনা দীছাত থাকে তেন্তে পশ্চিম সীমান্তত যিকোনো দুৰ্ঘটনাৰ প্ৰতি আমি উপযুক্ত প্ৰত্যুত্তৰ দিব পাৰিম। দীছাৰ ভাই-ভনীসকল, গান্ধীনগৰৰ পৰা আপোনালোকলৈ বহুত শুভেচ্ছা জ্ঞাপন কৰিলোঁ! এতিয়া জিলিকি উঠিছে পাটান জিলাৰ দীছা, বনাছকাণ্ঠৰ তৰা! এই দীছা বিমানবন্দৰৰ বাবে এই ভূমি গুজৰাটে ২০০০ চনতেই দিছিল। মই ইয়াত মুখ্যমন্ত্ৰী হৈ থাকোঁতে ইয়াৰ নিৰ্মাণ কামৰ বাবে অহৰহ চেষ্টা কৰি আছিলো। মই বাৰে বাৰে তদানীন্তন কেন্দ্ৰীয় চৰকাৰক বুজাই আছিলো যে ইয়াৰ গুৰুত্ব কি? ইমান ভূমি দিলে, কিন্তু ১৪ বছৰ একো হোৱা নাছিল আৰু ফাইলো এনেদৰে বনাইছিল এনে প্ৰশ্ন চিহ্ন লগোৱা হৈছিল যে তাত উপস্থিত হোৱাৰ পিছতো বস্তুবোৰ সঠিকভাৱে স্থাপন কৰিবলৈ সময় উলিয়ালোঁ। চৰকাৰলৈ অহাৰ পিছত আমি দীছাত এটা অপাৰেচনেল বেছ নিৰ্মাণ কৰাৰ সিদ্ধান্ত লৈছিলো আৰু আমাৰ সেনা বাহিনীৰ এই আশা আজি পূৰণ হৈছে। মোৰ প্ৰতিৰক্ষা বন্ধু যিগৰাকী চীফ অৱ ডিফেন্স হ’ল। সকলোৱে মোক এই কথা সদায় সোঁৱৰাই দিছিল আৰু আজি চৌধুৰী জীৰ নেতৃত্বত এই কথা প্ৰমাণিত কৰা হৈছে। দীছাক যিমান অভিনন্দন জনাইছো, মোৰ বায়ুসেনাৰ সতীৰ্থসকলকো সিমানেই অভিনন্দন জনাইছো। এই অঞ্চল এতিয়া দেশৰ সুৰক্ষাৰ এক ফলপ্ৰসূ কেন্দ্ৰ হৈ পৰিব। বনাছকাণ্ঠ আৰু পাটানে যেনেকৈ নিজস্ব এক পৰিচয় গঢ় দিছিল আৰু সেই পৰিচয় গঢ়িছে বনাছকাণ্ঠ, পাটানে৷ গুজৰাটত সৌৰশক্তিৰ কেন্দ্ৰ হিচাপে আত্মপ্ৰকাশ কৰিছে, ঠিক সেই একেটা বনাছকাণ্ঠ, পাটানেই এতিয়া দেশৰ বাবেও বায়ু শক্তিৰ কেন্দ্ৰ হৈ পৰিব।

|

বন্ধুসকল,

যিকোনো শক্তিশালী ৰাষ্ট্ৰৰ বাবে ভৱিষ্যতে নিৰাপত্তাৰ অৰ্থ কি হ’ব তাৰ এক ডাঙৰ উদাহৰণ মহাকাশ প্ৰযুক্তি। মোক কোৱা হৈছে যে তিনিওটা সেনা বাহিনীয়ে এই ক্ষেত্ৰত বিভিন্ন প্ৰত্যাহ্বানসমূহ পৰ্যালোচনা কৰিছে আৰু চিনাক্ত কৰিছে। সেইবোৰ সমাধানৰ বাবে আমি দ্ৰুতগতিত কাম কৰিব লাগিব। ‘মিছন ডিফেন্স স্পেচে’ও দেশৰ ব্যক্তিগত খণ্ডক নিজৰ সামৰ্থ্য প্ৰদৰ্শনৰ সুযোগ প্ৰদান কৰিব। মহাকাশত ভৱিষ্যতৰ সম্ভাৱনাৰ প্ৰতি লক্ষ্য ৰাখি ভাৰতে নিজৰ প্ৰস্তুতি আৰু অধিক বৃদ্ধি কৰিব লাগিব। আমাৰ প্ৰতিৰক্ষা বাহিনীয়ে নতুন উদ্ভাৱনীমূলক সমাধান বিচাৰিব লাগিব। মহাকাশত ভাৰতৰ শক্তি সীমাবদ্ধ থাকিব নালাগে আৰু ইয়াৰ সুফল কেৱল ভাৰতৰ জনসাধাৰণতে সীমাবদ্ধ থাকিব নালাগে, ই আমাৰ মিছনেই নহয় আমাৰ দৃষ্টিভংগীও। মহাকাশ প্ৰযুক্তিয়ে ভাৰতৰ উদাৰ মনৰ মহাকাশ কূটনীতিৰ নতুন সংজ্ঞা দিছে, নতুন সম্ভাৱনাৰ জন্ম দিছে। আফ্ৰিকাৰ বহু সৰু সৰু দেশ ইয়াৰ দ্বাৰা উপকৃত হৈছে। ৬০খনতকৈও অধিক উন্নয়নশীল দেশৰ সৈতে ভাৰতে নিজৰ মহাকাশ বিজ্ঞান শ্বেয়াৰ কৰি আছে। দক্ষিণ এছিয়াৰ উপগ্ৰহটো ইয়াৰ এক ফলপ্ৰসূ উদাহৰণ। অহা বছৰৰ ভিতৰত আছিয়ানৰ দহখন দেশেও ভাৰতৰ উপগ্ৰহৰ তথ্যৰ বাস্তৱ সময়ৰ সুবিধা লাভ কৰিব। আনকি ইউৰোপ, আমেৰিকাৰ দৰে উন্নত দেশসমূহেও আমাৰ উপগ্ৰহৰ তথ্য ব্যৱহাৰ কৰি আছে। এই সকলোবোৰৰ লগতে ই এনে এক অঞ্চল য’ত সামুদ্ৰিক বাণিজ্যৰ অপৰিসীম সম্ভাৱনা আছে। ইয়াৰ জৰিয়তে আমি আমাৰ মাছমৰীয়াসকলৰ উন্নত আয় আৰু উন্নত সুৰক্ষাৰ বাবে বাস্তৱ সময়ৰ তথ্য লাভ কৰিছো। আমি জানো যে অনন্ত আকাশৰ দৰে সপোন দেখা মোৰ দেশৰ যুৱক-যুৱতীসকলে, সময়সীমাত আৰু অধিক মানদণ্ডৰে বাস্তৱায়িত কৰিব। ভৱিষ্যত গঢ়ি তোলা যুৱক-যুৱতীসকলে মহাকাশ প্ৰযুক্তিক নতুন উচ্চতালৈ লৈ যাব। গতিকে এই বিষয়বোৰ ডিফেন্স এক্সপ’ৰ এক গুৰুত্বপূৰ্ণ অগ্ৰাধিকাৰ। ড০ বিক্ৰম ছাৰাভাইৰ দৰে এজন বিজ্ঞানীৰ প্ৰেৰণা আৰু গৌৰৱো এই গুজৰাটৰ ভূমিৰ লগত সংলগ্ন হৈ আছে। সেই প্ৰেৰণাই আমাৰ সংকল্পসমূহক নতুন শক্তি প্ৰদান কৰিব।

বন্ধুসকল,

আজি যেতিয়া প্ৰতিৰক্ষা খণ্ডৰ কথা আহে, ভৱিষ্যতৰ যুদ্ধৰ কথা আহে, তেতিয়া ইয়াৰ কমাণ্ড এক প্ৰকাৰে যুৱক-যুৱতীসকলৰ হাতত থাকে। ইয়াত ভাৰতৰ যুৱ প্ৰজন্মৰ উদ্ভাৱন আৰু গৱেষণাৰ ডাঙৰ ভূমিকা আছে৷ সেয়ে এই ডিফেন্স এক্সপ’ ভাৰতৰ যুৱ প্ৰজন্মৰ ভবিষ্যতৰ খিৰিকীৰ দৰে।

|

বন্ধুসকল,

প্ৰতিৰক্ষা খণ্ডত ভাৰতে আগ্ৰহ, উদ্ভাৱন আৰু ৰূপায়ণৰ মন্ত্ৰৰে অগ্ৰসৰ হৈছে। ৮ বছৰ আগলৈকে ভাৰতে বিশ্বৰ সৰ্ববৃহৎ প্ৰতিৰক্ষা আমদানিকাৰক দেশ হিচাপে স্বীকৃতি লাভ কৰিছিল। আমি আগতে বিশ্বৰ বিভিন্ন প্ৰান্তৰ পৰা সামগ্ৰী কিনিছিলোঁ, আনিছিলোঁ, ইয়াৰ বাবে পইচা দি আহিছিলো। কিন্তু নিউ ইণ্ডিয়াই আগ্ৰহ দেখুৱাইছে, ইচ্ছাশক্তি দেখুৱাইছে আৰু ‘মেক ইন ইণ্ডিয়া’ আজি প্ৰতিৰক্ষা খণ্ডৰ সফলতাৰ কাহিনী হৈ পৰিছে। আমাৰ প্ৰতিৰক্ষা ৰপ্তানি যোৱা ৫ বছৰত ৮গুণ বৃদ্ধি পাইছে বন্ধুসকল। আমি বিশ্বৰ ৭৫খনতকৈও অধিক দেশলৈ প্ৰতিৰক্ষা সামগ্ৰী আৰু সঁজুলি ৰপ্তানি কৰি আছো। ২০২১-২২ত ভাৰতৰ প্ৰতিৰক্ষা ৰপ্তানি ১.৫৯ বিলিয়ন ডলাৰ অৰ্থাৎ প্ৰায় ১৩ হাজাৰ কোটি টকা পৰ্যন্ত হৈছে আৰু আগন্তুক সময়ত আমি ৫ বিলিয়ন মাৰ্কিন ডলাৰ অৰ্থাৎ ৪০ হাজাৰ কোটি টকাত উপনীত হোৱাৰ লক্ষ্য নিৰ্ধাৰণ কৰিছো। এই ৰপ্তানি কেৱল কিছুমান বিশেষ সঁজুলিতে বা কেৱল কিছুমান বিশেষ দেশতে সীমাবদ্ধ নহয়। ভাৰতীয় প্ৰতিৰক্ষা কোম্পানীসমূহ আজি বিশ্বৰ যোগান শৃংখলৰ এক গুৰুত্বপূৰ্ণ অংশ হৈ পৰিছে। আমি গ্লোবেল ষ্টেণ্ডাৰ্ডৰ 'ষ্টেট অৱ দ্য আৰ্ট' সঁজুলি যোগান ধৰিছো। আজি এফালে ভাৰতৰ তেজছৰ দৰে আধুনিক যুঁজাৰু বিমানৰ প্ৰতি বহু দেশে আগ্ৰহ প্ৰকাশ কৰিছে, আনফালে আমাৰ কোম্পানীসমূহে আমেৰিকা, ইজৰাইল, ইটালীৰ দৰে দেশকো প্ৰতিৰক্ষা সঁজুলিৰ কিছু অংশ যোগান ধৰিছে।

বন্ধুসকল,

ভাৰতত নিৰ্মিত ব্ৰাহ্মোছ মিছাইলক ইয়াৰ শ্ৰেণীত আটাইতকৈ মাৰাত্মক আৰু উন্নত ক্ষেপণাস্ত্ৰ বুলি গণ্য কৰা হয় বুলি শুনি প্ৰতিজন ভাৰতীয়ই গৌৰৱ অনুভৱ কৰে। বহু দেশৰ বাবে ব্ৰাহ্মোছ মিছাইল তেওঁলোকৰ পছন্দৰ সঁজুলি হিচাপে পৰিগণিত হৈছে।

বন্ধুসকল,

বিশ্বই আজি ভাৰতৰ প্ৰযুক্তিৰ ওপৰত নিৰ্ভৰ কৰি আছে, কাৰণ ভাৰতৰ সেনাই নিজৰ সামৰ্থ্য প্ৰমাণ কৰিছে। ভাৰতীয় নৌসেনাই আইএনএছ-বিক্ৰান্তৰ দৰে অত্যাধুনিক বিমান পৰিবাহী জাহাজ নিজৰ বহৰত অন্তৰ্ভুক্ত কৰিছে। এই অভিযান্ত্ৰিক বৃহৎ আৰু বিশাল জাহাহখন কোচিন শ্বিপয়াৰ্ড লিমিটেডে থলুৱা প্ৰযুক্তিৰে নিৰ্মাণ কৰিছে। ভাৰতীয় বায়ুসেনাই ‘মেক ইন ইণ্ডিয়া’ৰ অধীনত নিৰ্মিত শক্তিশালী লঘূ যুজাৰু হেলিকপ্টাৰসমূহ নিৰ্মাণ কৰিছে। একেদৰে আমাৰ সেনা বাহিনীয়েও আজি যুঁজিবলৈ ভাৰতীয় কোম্পানীৰ পৰা থলুৱা বন্দুক ক্ৰয় কৰিছে। গুজৰাটৰ হাজিৰাত নিৰ্মাণ হৈ থকা আধুনিক অস্ত্ৰ-শস্ত্ৰ আজি দেশৰ সীমান্তৰ নিৰাপত্তা বৃদ্ধি কৰিছে।

|

বন্ধুসকল,

দেশক এই পৰ্যায়লৈ অনাৰ ক্ষেত্ৰত আমাৰ নীতি, সংস্কাৰ আৰু সহজলভ্য ব্যৱসায়ৰ ডাঙৰ ভূমিকা আছে। ভাৰতে নিজৰ প্ৰতিৰক্ষা ক্ৰয় বাজেটৰ ৬৮ শতাংশ ভাৰতীয় কোম্পানীসমূহৰ বাবে নিৰ্ধাৰণ কৰিছিল। অৰ্থাৎ মুঠ বাজেটৰ ভিতৰত আমি ৬৮% ভাৰতত নিৰ্মিত বস্তু ভাৰতৰ জনসাধাৰণে ক্ৰয় কৰিবলৈ নিৰ্ধাৰণ কৰিছো। এইটো এটা অতি ডাঙৰ সিদ্ধান্ত আৰু এই সিদ্ধান্ত লোৱা হৈছে কাৰণ ভাৰতৰ সেনাই যি প্ৰগতিশীল নেতৃত্ব পাইছে৷ সেনাবাহিনীত বহি থকা লোকসকলৰ সাহসৰ বাবেই এই সিদ্ধান্ত ল’ব পৰা গৈছে। এইবোৰ ৰাজনৈতিক ইচ্ছাশক্তিৰে লোৱা সিদ্ধান্ত নহয়। এই সিদ্ধান্ত সামৰিক বাহিনীৰ ইচ্ছামতে লোৱা হৈছে আৰু আজি মই গৌৰৱান্বিত যে মোৰ এনে সৈনিক আছে, মোৰ সেনাৰ এনে বিষয়া আছে যে তেওঁলোকে এনে গুৰুত্বপূৰ্ণ সিদ্ধান্ত আগবঢ়াই লৈ গৈছে। ইয়াৰ বাহিৰেও আমি প্ৰতিৰক্ষা খণ্ডটো ষ্টাৰ্টআপ, উদ্যোগ আৰু একাডেমীৰ বাবে গৱেষণা আৰু উদ্ভাৱনৰ বাবে মুকলি কৰিছো, আমি গৱেষণা বাজেটৰ ২৫শতাংশ একাডেমীৰ বাহিৰৰ নতুন প্ৰজন্মক অৰ্পণ কৰাৰ সাহসী সিদ্ধান্ত লৈছো আৰু মই মোৰ দেশক বিশ্বাস কৰোঁ। নৱ প্ৰজন্মৰ ওপৰত বিশ্বাস আছে। যদি ভাৰত চৰকাৰে তেওঁলোকক এশ টকা দিয়ে, তেন্তে মই নিশ্চিত যে তেওঁলোকে দেশক দহ হাজাৰ টকা ঘূৰাই দিব, এয়াই মোৰ দেশৰ নৱপ্ৰজন্মৰ শক্তি।

মই আনন্দিত যে চৰকাৰৰ প্ৰচেষ্টাৰ সমান্তৰালভাৱে আমাৰ সেনা বাহিনীয়ো আগবাঢ়ি আহিছে আৰু সিদ্ধান্ত লৈছে যে দেশৰ প্ৰতিৰক্ষাৰ বাবে দেশৰ ভিতৰতে অধিক সংখ্যক সা-সৰঞ্জাম ক্ৰয় কৰা হ’ব। সেনাবাহিনীয়ে মিলি বহু সঁজুলিৰ দুখন তালিকাও প্ৰস্তুত কৰিছে। তেওঁলোকে এখন তালিকা প্ৰস্তুত কৰিছে য’ত কেৱল দেশত বনোৱা সামগ্ৰীহে ক্ৰয় কৰা হ’ব আৰু কিছুমান তালিকা এনেকুৱা যে প্ৰয়োজন হ’লে বাহিৰৰ পৰা লোৱা হ’ব। মই আজি আনন্দিত হৈছো। মোক কোৱা হৈছে যে আজি তেওঁলোকে ইয়াত আৰু ১০১টা সামগ্ৰী যোগ কৰিছে, যিটো কেৱল ভাৰতত নিৰ্মিত সামগ্ৰীহে ক্ৰয় কৰা হ’ব। এই সিদ্ধান্তসমূহে আত্মনিৰ্ভৰশীল ভাৰতৰ সম্ভাৱনাও দেখুৱাইছে লগতে দেশৰ সৈনিকসকলৰ নিজৰ দেশৰ সামৰিক সঁজুলিৰ প্ৰতি ক্ৰমৱৰ্ধমান আস্থাৰ প্ৰতীক। এই তালিকাৰ পিছত প্ৰতিৰক্ষা খণ্ডৰ এনে ৪১১টা সঁজুলি থাকিব, যিবোৰ ভাৰতে কেৱল ‘মেক ইন ইণ্ডিয়া’ৰ অধীনতহে ক্ৰয় কৰিব। আপুনি কল্পনা কৰক, ইমান ডাঙৰ বাজেটে ভাৰতীয় কোম্পানীসমূহৰ ভেটি কিমান মজবুত কৰিব, ই আমাৰ গৱেষণা আৰু উদ্ভাৱনক কিমান শক্তি দিব। ই আমাৰ প্ৰতিৰক্ষা উৎপাদন খণ্ডক কিমান ডাঙৰ উদ্গনি দিব! আৰু ই মোৰ দেশৰ নৱপ্ৰজন্মক কিমান বৃহৎ লাভৱান কৰিবলৈ গৈ আছে।

বন্ধুসকল,

এই আলোচনাৰ মাজতে আৰু এটা বিষয় উল্লেখ কৰিব বিচাৰিছো। আৰু মই ভাবো আমি এই কথাটো বুজিব লাগিব, যিসকল ধাৰাভাষ্যকাৰ, কেতিয়াবা তেওঁলোকো এইবোৰত আবদ্ধ হৈ পৰে। কিন্তু মই ক’ব বিচাৰিছো, আমাৰ জীৱনৰ বহুত অভিজ্ঞতা আছে। যেতিয়া আমি ৰে’লৰ ভিতৰত সোমাওঁ। যদি চাৰিজন মানুহ এখন আসনত বহি আছে আৰু পঞ্চমজন আহে, তেন্তে চাৰিওজনে মিলি পঞ্চমজনক সোমাবলৈ নিদিয়ে, আবদ্ধ কৰি ৰাখে৷ প্ৰতিৰক্ষা জগতৰ উৎপাদনকাৰী কোম্পানীসমূহৰ ক্ষেত্ৰতো একেই পৰিস্থিতিৰ সৃষ্টি হৈছে। বিশ্বত প্ৰতিৰক্ষা যোগানৰ ক্ষেত্ৰত চলি থকা কেইটামান কোম্পানীৰ একচেটিয়া অধিকাৰ, তেওঁলোকে কাকো প্ৰৱেশ কৰিবলৈ নিদিলে। কিন্তু ভাৰতে সাহসেৰে নিজৰ স্থান দখল কৰিছে। আজি ভাৰতৰ যুৱ প্ৰজন্মৰ এই দক্ষতাই বিশ্বৰ বাবে বিকল্প হিচাপে আত্মপ্ৰকাশ কৰিছে বন্ধুসকল। প্ৰতিৰক্ষা খণ্ডত ভাৰতৰ যুৱ প্ৰজন্মৰ সম্ভাৱনা চৰ্চালৈ আহিছে। তেওঁলোকে বিশ্বৰ বাবে ভাল কাম কৰিব৷ বিশ্ববাসীক নতুন সুযোগ দিব। তেওঁলোকে বিকল্পৰ বাবে নতুন সুযোগ সৃষ্টি কৰিবলৈ গৈ আছে। আৰু আমাৰ যুৱক-যুৱতীসকলৰ এই প্ৰচেষ্টা, মই নিশ্চিত যে যুৱ-প্ৰজন্মৰ প্ৰচেষ্টাৰ বাবে অনাগত দিনত দেশৰ নিৰাপত্তা খণ্ড শক্তিশালী হ’ব। কিন্তু একে সময়তে দেশৰ শক্তি, দেশৰ যুৱক-যুৱতীও বহুগুণে বৃদ্ধি পাব। আজিৰ ডিফেন্স এক্সপ’ত যিবোৰ বস্তু আমাক দেখুৱাইছে, সেইবোৰত মইও বিশ্বৰ শুভ চিন প্ৰত্যক্ষ কৰিছো। সম্পদৰ অভাৱত নিজৰ নিৰাপত্তাৰ ক্ষেত্ৰত পিছ পৰি থকা বিশ্বৰ ক্ষুদ্ৰ দেশসমূহৰ বাবে ইয়াৰ যথেষ্ট লাভ হ’ব।

বন্ধুসকল,

ভাৰতে প্ৰতিৰক্ষা খণ্ডক সুযোগৰ অসীম আকাশ হিচাপে, ইতিবাচক সম্ভাৱনা হিচাপে প্ৰত্যক্ষ কৰিছে। আজি আমাৰ উত্তৰপ্ৰদেশত দুটা প্ৰতিৰক্ষা কৰিড’ৰ আছে আৰু তামিলনাডু দ্ৰুত গতিত উন্নয়নৰ দিশত আগবাঢ়িছে। ভাৰতত বিনিয়োগ কৰিবলৈ বিশ্বৰ বহু ডাঙৰ কোম্পানী আহি আছে। এই বিনিয়োগৰ আঁৰত যোগান শৃংখলৰ এক বৃহৎ নেটৱৰ্ক গঢ়ি উঠিছে। এই ডাঙৰ কোম্পানী, আমাৰ এমএছএমই, আমাৰ ক্ষুদ্ৰ উদ্যোগসমূহেও ইয়াৰ বাবে শক্তি লাভ কৰে আৰু আমাৰ এমএছএমইসমূহেও সহযোগিতা কৰিব আৰু মই নিশ্চিত যে এই পুঁজি ক্ষুদ্ৰ উদ্যোগসমূহৰ হাতলৈও যাব৷ এই খণ্ডত লাখ লাখ কোটি বিনিয়োগে সেই অঞ্চলসমূহৰ যুৱক-যুৱতীসকলৰ বাবে বৃহৎ নিয়োগৰ সুযোগ সৃষ্টি কৰিবলৈ গৈ আছে আৰু নতুন বিকাশৰ উচ্চতাত উপনীত হোৱাৰ সম্ভাৱনা আছে। গুজৰাট ডিফেন্স এক্সপ’ত উপস্থিত থকা সকলো কোম্পানীলৈও আহ্বান জনাব বিচাৰিছো, আপোনালোকে ভৱিষ্যতৰ ভাৰতৰ প্ৰতি লক্ষ্য ৰাখি এই সুযোগবোৰ গঢ় দিয়ক। নিজৰ সুযোগ অথলে যাবলৈ নিদিব, আপোনালোকে উদ্ভাৱন কৰক, বিশ্বৰ শ্ৰেষ্ঠ হোৱাৰ প্ৰতিশ্ৰুতি লওক আৰু এখন শক্তিশালী উন্নত ভাৰতৰ সপোনক গঢ় দিয়ক। যুৱ প্ৰজন্ম, গৱেষক, উদ্ভাৱকসকলক আশ্বাস দিছো, মই আপোনালোকৰ লগত আছো। আপোনালোকৰ উজ্জ্বল ভৱিষ্যতৰ বাবে মই আজি নিজকে আপোনালোকৰ নামত দিবলৈ সাজু হৈছো।

বন্ধুসকল,

দেশখন অতি দ্ৰুতগতিত সলনি হৈছে, আপোনালোকেও নিশ্চয় অনুভৱ কৰিছে। এটা সময় আছিল যেতিয়া এই দেশত পাৰ চৰাই এৰি দিয়া হৈছিল। আজি চিতা এৰি দিয়াৰ শক্তি হৈছে। এই শক্তিৰ সৈতে ঘটনাবোৰ সৰু সৰু। কিন্তু সংকেটবোৰ ডাঙৰ। শব্দবোৰ সহজ, কিন্তু শক্তিৰ তুলনা নাই আৰু আজি ভাৰতৰ যুৱ শক্তি, ভাৰতৰ শক্তি বিশ্বৰ বাবে আশাৰ কেন্দ্ৰ হৈ পৰিছে। আৰু আজিৰ ডিফেন্স এক্সপো একেটা ৰূপ লৈ আপোনালোকৰ সন্মুখত উপস্থাপন কৰা হৈছে। আমাৰ প্ৰতিৰক্ষা মন্ত্ৰী ৰাজনাথ জীক এই কামৰ বাবে কৰা কঠোৰ পৰিশ্ৰম আৰু প্ৰচেষ্টাৰ বাবে মই অন্তৰৰ পৰা অভিনন্দন জনাইছো। কম কথা কয়, কিন্তু অতি শক্তিশালীভাৱে কাম কৰে। মইও তেওঁৰ লগতে তেওঁৰ সমগ্ৰ টীমটোক অভিনন্দন জনাইছো। আপোনালোক সকলোকে আন্তৰিক শুভেচ্ছা জ্ঞাপন কৰিলোঁ আৰু দীপাৱলীৰ আন্তৰিক শুভকামনা জনালো। আমাৰ গুজৰাটবাসীক নৱবৰ্ষৰ শুভেচ্ছা জনালো৷

ধন্যবাদ৷

  • krishangopal sharma Bjp January 15, 2025

    नमो नमो 🙏 जय भाजपा 🙏🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷
  • krishangopal sharma Bjp January 15, 2025

    नमो नमो 🙏 जय भाजपा 🙏🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹
  • krishangopal sharma Bjp January 15, 2025

    नमो नमो 🙏 जय भाजपा 🙏🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷
  • दिग्विजय सिंह राना September 20, 2024

    हर हर महादेव
  • Reena chaurasia September 01, 2024

    BJP BJP
  • JBL SRIVASTAVA May 30, 2024

    मोदी जी 400 पार
  • Vaishali Tangsale February 14, 2024

    🙏🏻🙏🏻🙏🏻
  • ज्योती चंद्रकांत मारकडे February 12, 2024

    जय हो
  • Kuldeep Yadav October 22, 2022

    આદરણીય પ્રધામંત્રીશ્રી નરેન્દ્ર મોદીજી ને મારા નમસ્કાર મારુ નામ કુલદીપ અરવિંદભાઈ યાદવ છે. મારી ઉંમર ૨૪ વર્ષ ની છે. એક યુવા તરીકે તમને થોડી નાની બાબત વિશે જણાવવા માંગુ છું. ઓબીસી કેટેગરી માંથી આવતા કડીયા કુંભાર જ્ઞાતિના આગેવાન અરવિંદભાઈ બી. યાદવ વિશે. અમારી જ્ઞાતિ પ્યોર બીજેપી છે. છતાં અમારી જ્ઞાતિ ના કાર્યકર્તાને પાર્ટીમાં સ્થાન નથી મળતું. એવા એક કાર્યકર્તા વિશે જણાવું. ગુજરાત રાજ્ય ના અમરેલી જિલ્લામાં આવેલ સાવરકુંડલા શહેર ના દેવળાના ગેઈટે રહેતા અરવિંદભાઈ યાદવ(એ.બી.યાદવ). જન સંઘ વખત ના કાર્યકર્તા છેલ્લાં ૪૦ વર્ષ થી સંગઠનની જવાબદારી સંભાળતા હતા. ગઈ ૩ ટર્મ થી શહેર ભાજપના મહામંત્રી તરીકે જવાબદારી કરેલી. ૪૦ વર્ષ માં ૧ પણ રૂપિયાનો ભ્રષ્ટાચાર નથી કરેલો અને જે કરતા હોય એનો વિરોધ પણ કરેલો. આવા પાયાના કાર્યકર્તાને અહીંના ભ્રષ્ટાચારી નેતાઓ એ ઘરે બેસાડી દીધા છે. કોઈ પણ પાર્ટીના કાર્યકમ હોય કે મિટિંગ એમાં જાણ પણ કરવામાં નથી આવતી. એવા ભ્રષ્ટાચારી નેતા ને શું ખબર હોય કે નરેન્દ્રભાઇ મોદી દિલ્હી સુધી આમ નમ નથી પોચિયા એની પાછળ આવા બિન ભ્રષ્ટાચારી કાર્યકર્તાઓ નો હાથ છે. આવા પાયાના કાર્યકર્તા જો પાર્ટી માંથી નીકળતા જાશે તો ભવિષ્યમાં કોંગ્રેસ જેવો હાલ ભાજપ નો થાશે જ. કારણ કે જો નીચે થી સાચા પાયા ના કાર્યકર્તા નીકળતા જાશે તો ભવિષ્યમાં ભાજપને મત મળવા બોવ મુશ્કેલ છે. આવા ભ્રષ્ટાચારી નેતાને લીધે પાર્ટીને ભવિષ્યમાં બોવ મોટું નુકશાન વેઠવું પડશે. એટલે પ્રધામંત્રીશ્રી નરેન્દ્ર મોદીજી ને મારી નમ્ર અપીલ છે કે આવા પાયા ના અને બિન ભ્રષ્ટાચારી કાર્યકર્તા ને આગળ મૂકો બાકી ભવિષ્યમાં ભાજપ પાર્ટી નો નાશ થઈ જાશે. એક યુવા તરીકે તમને મારી નમ્ર અપીલ છે. આવા કાર્યકર્તાને દિલ્હી સુધી પોચડો. આવા કાર્યકર્તા કોઈ દિવસ ભ્રષ્ટાચાર નઈ કરે અને લોકો ના કામો કરશે. સાથે અતિયારે અમરેલી જિલ્લામાં બેફામ ભ્રષ્ટાચાર થઈ રહીયો છે. રોડ રસ્તા ના કામો સાવ નબળા થઈ રહિયા છે. પ્રજાના પરસેવાના પૈસા પાણીમાં જાય છે. એટલા માટે આવા બિન ભ્રષ્ટાચારી કાર્યકર્તા ને આગળ લાવો. અમરેલી જિલ્લામાં નમો એપ માં સોવ થી વધારે પોઇન્ટ અરવિંદભાઈ બી. યાદવ(એ. બી.યાદવ) ના છે. ૭૩ હજાર પોઇન્ટ સાથે અમરેલી જિલ્લામાં પ્રથમ છે. એટલા એક્ટિવ હોવા છતાં પાર્ટીના નેતાઓ એ અતિયારે ઝીરો કરી દીધા છે. આવા કાર્યકર્તા ને દિલ્હી સુધી લાવો અને પાર્ટીમાં થતો ભ્રષ્ટાચારને અટકાવો. - અરવિંદ બી. યાદવ (એ.બી યાદવ) પૂર્વ શહેર ભાજપ મહામંત્રી જય હિન્દ જય ભારત જય જય ગરવી ગુજરાત આપનો યુવા મિત્ર લી. કુલદીપ અરવિંદભાઈ યાદવ
  • Jayakumar G October 22, 2022

    ஜெய்ஹிந்த்🇮🇳🇮🇳🇮🇳🇮🇳 ஜெய்ஹிந்த்🇮🇳🇮🇳🇮🇳🇮🇳
Explore More
140 crore Indians have taken a collective resolve to build a Viksit Bharat: PM Modi on Independence Day

Popular Speeches

140 crore Indians have taken a collective resolve to build a Viksit Bharat: PM Modi on Independence Day
India’s Average Electricity Supply Rises: 22.6 Hours In Rural Areas, 23.4 Hours in Urban Areas

Media Coverage

India’s Average Electricity Supply Rises: 22.6 Hours In Rural Areas, 23.4 Hours in Urban Areas
NM on the go

Nm on the go

Always be the first to hear from the PM. Get the App Now!
...
PM pays tributes to revered Shri Kushabhau Thackeray in Bhopal
February 23, 2025

Prime Minister Shri Narendra Modi paid tributes to the statue of revered Shri Kushabhau Thackeray in Bhopal today.

In a post on X, he wrote:

“भोपाल में श्रद्धेय कुशाभाऊ ठाकरे जी की प्रतिमा पर श्रद्धा-सुमन अर्पित किए। उनका जीवन देशभर के भाजपा कार्यकर्ताओं को प्रेरित करता रहा है। सार्वजनिक जीवन में भी उनका योगदान सदैव स्मरणीय रहेगा।”