“শ্ৰী এম ভেংকায়া নাইডু জ্ঞান আৰু দেশৰ প্ৰগতিৰ প্ৰতি থকা আবেগক বহুল প্ৰশংসা কৰা হৈছে”
“এই ৭৫ বছৰটো অসাধাৰণ আৰু ইয়াত উল্লেখযোগ্য দিশসমূহ সামৰি লোৱা হৈছে”“ভেংকায়া নাইডু জীৰ জীৱন ধাৰণা, দৃষ্টি আৰু ব্যক্তিত্বৰ একত্ৰীকৰণৰ এক নিখুঁত আভাস”“নাইডু জীৰ বুদ্ধিমত্তা, সহজতা, ক্ষিপ্ৰ উত্তৰ আৰু এক শাৰীৰ বক্তব্য অতুলনীয়”“নাইডু জীয়ে গাঁও, দুখীয়া আৰু কৃষকৰ সেৱা কৰিব বিচাৰিছিল”“ভেংকায়া জীৰ জীৱনৰ যাত্ৰা নৱ প্ৰজন্মৰ বাবে প্ৰেৰণাৰ উৎস”নমস্কাৰ।
অনুষ্ঠানত উপস্থিত আৰু আজিৰ অনুষ্ঠানৰ কেন্দ্ৰবিন্দু আমাৰ জ্যেষ্ঠ সহকৰ্মী শ্ৰীযুত ভেংকায়া নাইডু গাৰু, তেওঁৰ পৰিয়ালৰ সদস্য, বিভিন্ন ৰাজ্যৰ ৰাজ্যপালসকল, বিভিন্ন ৰাজ্যৰ মন্ত্ৰীসকল, আন সকলো জ্যেষ্ঠ বিশিষ্ট ব্যক্তি, দেৱী আৰু সজ্জনসকল।
কাইলৈ ১ জুলাইত ভেংকায়া নাইডু জীৰ জন্মদিন। তেওঁৰ জীৱন যাত্ৰাই ৭৫ বছৰ সম্পূৰ্ণ কৰিছে। এই ৭৫ বছৰ অসাধাৰণ অভিজ্ঞতাৰ। এই ৭৫টা বছৰ অদ্ভূত স্তৰেৰে পৰিপূৰ্ণ। মই সুখী যে আজি মই তেওঁৰ জীৱনীৰ লগতে আৰু দুখন গ্ৰন্থ উন্মোচন কৰাৰ সুযোগ পাইছোঁ। মোৰ বিশ্বাস যে এই গ্ৰন্থসমূহে, মানুহক অনুপ্ৰাণিত কৰিব, তেওঁলোকক ৰাষ্ট্ৰ সেৱাৰ সঠিক দিশ দেখুৱাব।
বন্ধুসকল,
মই বহুত দীঘলীয়া সময় ধৰি ভেংকায়া জীৰ লগত কাম কৰাৰ সুযোগ পাইছোঁ। যেতিয়া তেওঁ দলৰ ৰাষ্ট্ৰীয় অধ্যক্ষ আছিল, যেতিয়া তেওঁ চৰকাৰৰ জ্যেষ্ঠ কেবিনেট সহকৰ্মী আছিল, যেতিয়া তেওঁ দেশৰ উপ-ৰাষ্ট্ৰপতি আৰু ৰাজ্যসভাৰ অধ্যক্ষ আছিল। কল্পনা কৰকচোন, এখন সাধাৰণ গাঁৱৰ পৰা আহি কৃষক পৰিয়ালৰ এজন সন্তানে ডাঙৰ ডাঙৰ দায়িত্ব পালন কৰাৰ এই ইমান দীঘলীয়া যাত্ৰা, বহু অভিজ্ঞতাৰে ভৰপূৰ হৈ আছে। ভেংকাইয়া জীৰ পৰা মইও আৰু মোৰ দৰে হাজাৰ হাজাৰ কাৰ্যকৰ্তাই বহু কথা শিকিবলৈ সুযোগ পাইছোঁ।
বন্ধুসকল,
ভেংকায়া জীৰ জীৱনে চিন্তা, দৃষ্টিভংগী আৰু ব্যক্তিত্বৰ এক নিখুঁত আভাস দিয়ে। আজি আমি অন্ধ্ৰ আৰু তেলেংগানাত ইমান শক্তিশালী স্থিতিত আছোঁ। কিন্তু, দশক দশক আগতে তাত জনসংঘ আৰু ভাৰতীয় জনতা পাৰ্টিৰ কোনো শক্তিশালী ভিত্তি নাছিল। ইয়াৰ পিছতো নাইডু জীয়ে সেই সময়ত এবিভিপিৰ কৰ্মী হিচাপে ৰাষ্ট্ৰ প্ৰথম মনোভাবেৰে দেশৰ বাবে কিবা এটা কৰাৰ সিদ্ধান্ত লৈছিল। পিছত তেওঁ জনসংঘত যোগদান কৰে। আৰু মাত্ৰ কেইদিনমানৰ আগতে কংগ্ৰেছে সংবিধানৰ প্ৰতিষ্ঠা মাটিত মিহলাই যি জৰুৰীকালীন অৱস্থা জাপি দিছিল, তাৰ ৫০ বছৰ হ’ল। ভেংকায়া জী আমাৰ সেই সতীৰ্থসকলৰ মাজত আছিল, যি ইমাৰ্জেন্সীৰ বিৰুদ্ধে জান-প্ৰাণ দি যুঁজে, আৰু সেই সময়ত ভেংকয়া জী প্ৰায় ১৭ মাহ জে’লত আছিল। সেইবাবেই, মই তেওঁক ইমাৰ্জেন্সীৰ জুইত তপ্ত হোৱা মোৰ এজন সঠিক সংগী বুলি গণ্য কৰোঁ।
বন্ধুসকল,
ক্ষমতা সুখৰ মাধ্যম নহয়, সেৱা আৰু সংকল্প সাধনৰ মাধ্যম। ভেংকায়া জীয়ে এই কথা তেতিয়াও প্ৰতিপন্ন কৰিছিল, যেতিয়া তেওঁ অটল বিহাৰী বাজপেয়ী জীৰ চৰকাৰত যোগদান কৰাৰ সুযোগ পায়। ভেংকায়া জীৰ ব্যক্তিত্ব আমাৰ দলত যথেষ্ট উচ্চ আছিল আৰু সেয়েহে স্বাভাৱিকতে যেতিয়া মন্ত্ৰালয়ৰ কথা আহে তেতিয়া তেওঁৰ বাবে বহুত বিশ্বত যাৰ প্ৰশংসা হৈ থাকে, এনে বিভাগ থকাটো বিচাৰিব। ভেংকায়া জীয়ে জানিছিল যে হয়তো মইও এনেধৰণৰ কিবা মন্ত্ৰালয় পাম। গতিকে তেওঁ সন্মুখলৈ যায় আৰু তেওঁ ক’লে, অনুগ্ৰহ কৰি মই গ্ৰামোন্নয়ন মন্ত্ৰালয় পালে ভাল হ’ব। এইটো সৰু কথা নহয়, আৰু ভেংকায়া জীয়ে এই কাম কিয় কৰিলে, এইবাবেই কিয়নো নাইডু জীয়ে গাঁও-গৰীব আৰু খেতিয়কৰ সেৱা কৰিব বিচাৰিছিল। আৰু এই বিশেষত্বটো চাওক, হয়তো ভাৰতত তেওঁ এনেকুৱা মন্ত্ৰী আছিল, যিয়ে অটল জীৰ সময়ত গ্ৰাম্য উন্নয়নৰ বাবে কাম কৰিছিল। আৰু আমাৰ সৈতে কেবিনেটত এজন জ্যেষ্ঠ সতীৰ্থ হিচাপে নগৰ উন্নয়ন মন্ত্ৰী হিচাপে কাম কৰিছিল। অৰ্থাৎ এক প্ৰকাৰে তেওঁ দুয়োটা শাখাতে পাকৈত। আৰু তেওঁ সেই কামটো যিদৰে কৰিলে, যদি মই তেওঁৰ বিষয়ে তেওঁৰ বিভিন্ন পদক্ষেপ, ইয়াৰ আঁৰত তেওঁৰ সমৰ্পণ, ভাৰতৰ আধুনিক চহৰসমূহৰ তেওঁৰ কল্পনা, যদি মই তেওঁৰ বিষয়ে কিবা কওঁ, তেন্তে কেইবা ঘণ্টা সময় লাগিব। ভেংকায়া জীৰ কাৰ্যকালত স্বচ্ছ ভাৰত মিছন, স্মাৰ্ট চিটি মিছন আৰু অমৃত যোজনাৰ দৰে বহু অভিযান আৰম্ভ হৈছে।
বন্ধুসকল,
ভেংকায়া জীৰ কথা হওক বা তেওঁৰ বাণী, তেওঁৰ বাকপটুতা, তেওঁৰ সাক্ষ্যৰ বিষয়ে যদি আমি আলোচনা নকৰোঁ, তেন্তে হয়তো আমাৰ আলোচনা আধৰুৱা হৈ থাকিব। ভেংকায়া জীৰ সজাগতা, তেওঁৰ স্বতঃস্ফূৰ্ততা, তেওঁৰ দ্ৰুত কাউণ্টাৰ উইট, তেওঁৰ ৱান লাইনাৰ, মই ভাবোঁ তেওঁৰ কোনো তুলনা নাই। মোৰ মনত আছে, যেতিয়া বাজপেয়ী জীৰ মিত্ৰজোঁটৰ চৰকাৰ আছিল, তেতিয়া ভেংকায়া জীয়ে ঘোষণা কৰিছিল - এহাতে বিজেপিৰ পতাকা আৰু আনহাতে এনডিএৰ এজেণ্ডা। আৰু ২০১৪ চনত চৰকাৰ গঠন হোৱাৰ পিছত, কেইদিনমানৰ ভিতৰতে তেওঁ ক’লে – ‘Making of Developed India’ অৰ্থাৎ MODI। মই নিজেও আচৰিত হৈছিলোঁ যে ভেংকায়া জীয়ে কেনেকৈ ইমান চিন্তা কৰিব পাৰে। ভেংকায়া গাৰু, সেইবাবেই মই ভেংকায়া জীৰ ষ্টাইলত এবাৰ ৰাজ্যসভাত কৈছিলোঁ - ভেংকায়া জীৰ কথাত গভীৰতা আছে, গম্ভীৰতাও আছে। তেওঁৰ বাণীত ভিজনো থাকে আৰু বুদ্ধিমত্তাও থাকে। উষ্ণতাও থাকে আৰু প্ৰজ্ঞাও থাকে।
বন্ধুসকল,
নিজৰ এই বিশেষ শৈলীৰেই আপুনি যিমান দিন ৰাজ্যসভাৰ অধ্যক্ষ হৈ থাকিল, আপুনি সদনক ইতিবাচকতাৰে ভৰাই ৰাখিছিল। আপোনাৰ কাৰ্যকালত সদনত কিমান যে ঐতিহাসিক সিদ্ধান্ত লৈছিল, সেয়া সমগ্ৰ দেশেই দেখিছিল। জম্মু-কাশ্মীৰৰ পৰা ৩৭০ অনুচ্ছেদ আঁতৰোৱাৰ বিধেয়কখন প্ৰথমে লোকসভাৰ পৰিৱৰ্তে ৰাজ্যসভাত উত্থাপন কৰা হৈছিল। আৰু আপুনি জানে সেই সময়ত ৰাজ্যসভাত আমাৰ সংখ্যাগৰিষ্ঠতা নাছিল। কিন্তু, ৩৭০ আঁতৰোৱাৰ বিধেয়কখন ৰাজ্যসভাত সসম্ভ্ৰমে সংখ্যাগৰিষ্ঠতাৰে গৃহীত হৈছিল। এই ক্ষেত্ৰত বহু সহকৰ্মী, দল আৰু সাংসদৰ ভূমিকা নিশ্চয় আছিল! কিন্তু, এনে স্পৰ্শকাতৰ অনুষ্ঠানত সদন সুচাৰুৰূপে চলাবলৈ হ’লে ভেংকায়া জীৰ দৰে অভিজ্ঞ নেতৃত্বৰ সমানেই প্ৰয়োজন আছিল। আপুনি এই দেশৰ, এই গণতন্ত্ৰৰ বাবে এনে অগণন সেৱা আগবঢ়াইছে। ভেংকায়া গাৰু, মই ঈশ্বৰক প্ৰাৰ্থনা কৰোঁ, আপুনি এনেকৈয়ে সুস্থ আৰু সক্ৰিয় হৈ থাকি দীৰ্ঘকাল ধৰি আমাক সকলোকে পথ প্ৰদৰ্শন কৰি থাকক। আৰু আপুনি নিশ্চয় দেখিছে, অতি কম সংখ্যক লোকেহে গম পাব যে ভেংকায়া জী এজন অতি আৱেগিক ব্যক্তি। আমি যেতিয়া গুজৰাটত কাম কৰিছিলোঁ, যেতিয়াই ভেংকায়া জী আহিছিল। যদি কিবা এনে ঘটনা সংঘটিত হয়, তেন্তে তেওঁ যেন আটাইতকৈ বেছি ভুক্তভোগী যেন দেখা গৈছিল। তেওঁ নিৰ্ণায়ক হৈ থাকে আৰু আজি এই ভাৰতীয় জনতা পাৰ্টিৰ বিশাল যি বটবৃক্ষ দেখা যায়, তাত ভেংকায়া গাৰুৰ দৰে লাখ লাখ কাৰ্যকৰ্তা, তিনি-তিনি, চাৰি-চাৰি প্ৰজন্ম ধৰি, ভাৰত মাৰ জয় এই এক সংকল্পৰে লাগি আছে। তেতিয়াহে আজি এই বিশাল বটবৃক্ষ গজি উঠিছে। যেনেকৈ ভেংকায়া জীয়ে তেওঁৰ নিষ্ঠাৰ বাবেই দৃষ্টি আকৰ্ষণ কৰিছিল। তেনেকৈ আমাৰ ভেংকায়া জীয়ে খুৱাবলৈ সমানেই ভাল পায়। মকৰ সংক্ৰান্তিৰ দিনা দিল্লীত তেওঁৰ বাসভৱনত সমগ্ৰ দিল্লীৰ হুলহু আৰু এক প্ৰকাৰে সমগ্ৰ তেলেগু উৎসৱ, কেতিয়াবা সমগ্ৰ দক্ষিণ ভাৰতীয় উৎসৱ পালন কৰা হয়। যদি কোনোবা বছৰ নহয় তেন্তে সকলোৰে মনত পৰে যে ভেংকায়া জী ক’ৰবাত বাহিৰত নাইতো। এনেকুৱা প্ৰত্যেকৰ মনত মকৰ সংক্ৰান্তিৰ উৎসৱটো বহুত, অৰ্থাৎ ভেংকায়া জীৰ যি সৰল জীৱন প্ৰক্ৰিয়া, সেই বিষয়েও আমি ভালদৰে জানো। মইতো দেখা পাওঁ যে আজিও যদি কোনো ভাল খবৰ তেওঁৰ কাণত পৰে, কোনো ভাল ঘটনা তেওঁৰ দৃষ্টিত আহে, তেন্তে তেওঁ ফোন কৰিবলৈ খুব কমেইহে পাহৰিছিল। আৰু তেওঁ ইমান আৱেগ বিহ্বল হৈ সুখ প্ৰকাশ কৰে যে আমাৰ দৰে মানুহে ইয়াৰ পৰা বহুত প্ৰেৰণা পাওঁ, উৎসাহ পাওঁ, উদ্দীপনা লাভ কৰোঁ। আৰু সেয়েহে ভেংকায়া জীৰ জীৱন আগন্তুক প্ৰজন্মৰ বাবে আৰু ৰাজহুৱা জীৱনত কাম কৰিব বিচৰা যুৱক-যুৱতীসকলৰ বাবে অতি প্ৰেৰণাদায়ক, উৎকৃষ্ট পথ প্ৰদৰ্শন কৰিব। আৰু এই যি তিনিখন কিতাপ। সেই তিনিওখন কিতাপ, দেখাৰ লগে লগে আমি তেওঁৰ যাত্ৰাৰ বিষয়ে জানিবলৈ পাওঁ, আমিও তেওঁৰ যাত্ৰাৰ লগত জড়িত হৈ পৰোঁ, আমি ইটোৰ পিছত সিটোকৈ পৰিঘটনাৰ সোঁতৰ লগত নিজকে সাঙুৰি লওঁ।
বন্ধুসকল,
আপোনালোকৰ হয়তো মনত আছে যে এবাৰ মই ৰাজ্যসভাত শ্ৰীযুত ভেংকায়া গাৰুৰ বাবে কেইটামান শাৰী কৈছিলোঁ। ৰাজ্যসভাত যি কৈছিলোঁ মই আজি সেয়া পুনৰাবৃত্তি কৰিব বিচাৰিছোঁ...अमल करो ऐसा अमन में...जहां से गुजरें तुम्हारीं नजरें...उधर से तुम्हें सलाम आए... আপোনাৰ ব্যক্তিত্ব এনেকুৱাই। আকৌ এবাৰ আপোনাক ৭৫ বছৰৰ যাত্ৰা আৰু মোৰ মনত আছে আমাৰ এজন বন্ধু আছে কেতিয়াবা তেওঁক মই এবাৰ ফোন কৰি সুধিলোঁ যে কিমান বছৰ হ’ল, কিয়নো তেওঁৰো ৭৫ বছৰীয়া জন্মদিন আছিল গতিকে মই তেওঁক এনেয়ে ফোন কৰিলোঁ আৰু সেই বন্ধুজনে মোক এইটো নক’লে যে তেওঁৰ ৭৫ বছৰ হ’ল, তেওঁ মোক উত্তৰ দিলে, মই ক’লোঁ যে ভাই কি, কিমান বছৰ পাৰ হোৱা নাই, ক’লে এতিয়াও ২৫ বছৰ বাকী আছে। এইটোৱেই হৈছে দৃষ্টিভংগী। মইও আজি আপোনাৰ এই ৭৫ বছৰীয়া যাত্ৰা য’ত আপুনি উপনীত হ’ল আৰু যেতিয়া আপুনি আপোনাৰ শতবাৰ্ষিকী সম্পূৰ্ণ কৰিব, তেতিয়া দেশ ২০৪৭ত বিকশিত ভাৰতে স্বাধীনতাৰ শতাব্দী পালন কৰিব নিশ্চয়।
আপোনাক জন্মদিনৰ বহুত বহুত শুভকামনা! বহুত বহুত অভিনন্দন। আপোনাৰ পৰিয়ালৰ সদস্যসকলকো আপোনাৰ সফলতাত তেওঁলোকৰ যি অৱদান আছে কান্ধত কান্ধ মিলাই আৰু ক’তো চেৰাই যোৱাৰ চেষ্টা নকৰাকৈ একোজন মুখ্য সেৱকৰ দৰে সকলোৱে কাম কৰিছে। মই আপোনাৰ পৰিয়ালৰ সকলোকে বহুত বহুত অভিনন্দন জনাইছোঁ, বহুত বহুত শুভকামনা জনাইছোঁ।
আপোনাক বহুত বহুত ধন্যবাদ!
