প্ৰধানমন্ত্ৰী শ্ৰী নৰেন্দ্ৰ মোদীয়ে আজি ইজৰাইলৰ প্ৰধানমন্ত্ৰী মহামহিম নাফটালি বেনেটৰ সৈতে টেলিফোনিক বাৰ্তালাপত মিলিত হয়।
প্ৰধানমন্ত্ৰীয়ে মহামহিম বেনেটক ক’ভিড-১৯ ৰপৰা ক্ষীপ্ৰতাৰে আৰোগ্য লাভৰ বাবে শুভেচ্ছা জ্ঞাপন কৰে। তেখেতে তদুপৰি ইজৰাইলত শেহতীয়াভাৱে সংঘটিত সন্ত্ৰাসবাদীৰ আক্ৰমণত প্ৰাণ হেৰুৱা সকলৰ প্ৰতি সমবেদনা জ্ঞাপন কৰে।
নেতাদ্বয়ে ইউক্ৰেইনৰ পৰিস্থিতিকে প্ৰমুখ্য কৰি শেহতীয়া ভূ-ৰাজনৈতিক প্ৰসংগত সংঘটিত ঘটনাৰাজি সম্পৰ্কে বিতংকৈ আলোচনা কৰে। তেওঁলোকে তদুপৰি অব্যাহত থকা দ্বিপাক্ষিক সহযোগিতাৰ পদক্ষেপৰাজিৰো পৰ্য্যালোচনা কৰে।
প্ৰধানমন্ত্ৰীয়ে মহামহিম বেনেটক অতি সোনকালেই ভাৰত ভ্ৰমণলৈ আমন্ত্ৰণ জনায়।
