প্ৰধানমন্ত্ৰী শ্ৰী নৰেন্দ্ৰ মোদীয়ে আজি ছুইডেনৰ প্ৰধানমন্ত্ৰী ষ্টীফেন ল’ফভেনৰ সৈতে টেলিফোনত বাৰ্তালাপ কৰে৷ দুয়োগৰাকী নেতাই ক’ভিড-১৯ মহামাৰীৰ বিষয়ে আলোচনা কৰাৰ লগতে দুয়োখন দেশত স্বাস্থ্য আৰু অৰ্থনীতিৰ প্ৰতিকূল পৰিস্থিতি নিয়ন্ত্ৰণ কৰাৰ বিষয়েও আলোচনা কৰে৷
দুয়োগৰাকী নেতাই ভাৰত আৰু ছুইডেনৰ মাজত গৱেষণাকাৰী আৰু বিজ্ঞানীসকলৰ তথ্য বিনিময় কৰাৰ লগতে ক’ভিড-১৯ৰ বিৰুদ্ধে যুদ্ধত সহযোগী হোৱাৰ বাবেও সহমত পোষণ কৰে৷
বাৰ্তালাপত দুয়োগৰাকী নেতাই ক’ভিড-১৯ৰ বিৰুদ্ধে যুঁজিবলৈ চিকিৎসাগত সামগ্ৰী যোগানৰ বাবে পৰস্পৰৰ সৈতে যোগাযোগ অব্যাহত ৰাখিব বুলি সন্মতি প্ৰদান কৰে৷
