প্ৰধানমন্ত্ৰী শ্ৰী নৰেন্দ্ৰ মোদী আৰু আফগানিস্তানৰ ৰাষ্ট্ৰপতি ড০ আশ্ৰফ ঘানিয়ে আজি এক টেলিফোনিক বাৰ্তালাপত মিলিত হয়৷ দুয়োগৰাকী নেতাই ইজনে সিজনক ঈদ-ঊল-আধাৰ শুভেচ্ছা জ্ঞাপন কৰে৷
ৰাষ্ট্ৰপতি ঘানিয়ে আফগানিস্তানৰ চাহিদা পুৰণত সময়মতে খাদ্য আৰু চিকিৎসা সামগ্রী যোগান ধৰাৰ বাবে প্ৰধানমন্ত্রী মোদীক ধন্যবাদ জ্ঞাপন কৰে৷ এক শান্তিপূর্ণ, সমৃদ্ধ আৰু সামগ্রিক উন্নয়নৰ বাবে আফগানিস্তানৰ লোকসকলৰ নিৰন্তৰ প্ৰচেষ্টাত সকলো ধৰণৰ সহায় অব্যাহত ৰখাৰ ক্ষেত্ৰত প্ৰধানমন্ত্রীয়ে ভাৰতৰ প্ৰতিশ্ৰুতিৰ কথা পুনৰ ব্যক্ত কৰে৷ দুয়োগৰাকী নেতাই অঞ্চলটোত সৃষ্টি হোৱা নিৰাপত্তাজনিত পৰিস্থিতিক লৈ মত বিনিময় কৰাৰ লগতে দ্বিপাক্ষিক স্বার্থজড়িত বিষয়সমূহক লৈও আলোচনা কৰে৷
