আজি প্ৰধানমন্ত্ৰী নৰেন্দ্ৰ মোদীক সাক্ষাৎ কৰে ম্যানমাৰৰ প্ৰতিৰক্ষা বিভাগৰ কমাণ্ডাৰ-ইন-চীফ ছিনিয়ৰ জেনেৰেল মিন আং হিয়াঙে৷
ছিনিয়ৰ জেনেৰেলগৰাকীয়ে প্ৰধানমন্ত্ৰীক সংসদীয় নিৰ্বাচনৰ ফলাফলৰ বাবে অভিনন্দন জ্ঞাপন কৰে৷ তেওঁ যোৱা কেইবছৰমানৰ পৰা হোৱা ভাৰতৰ প্ৰভূত উত্থানৰ বিষয়ে উল্লেখ কৰে আৰু দুয়োখন দেশৰ মাজত প্ৰতিৰক্ষা তথা সুৰক্ষা সহযোগিতাৰ বিষয়েও উল্লেখ কৰে৷
প্ৰধানমন্ত্ৰীয়ে তেওঁৰ ম্যানমাৰ ভ্ৰমণৰ সময়ত লাভ কৰা আতিথ্যৰ বিষয়ে সোঁৱৰণ কৰে৷ তেওঁ দুয়োখন দেশৰ মাজত থকা সন্ত্ৰাসবাদৰ মোকাবিলা, সামৰ্থ নিৰ্মাণ, মিলিটেৰি সহযোগিতাৰ লগতে অৰ্থনৈতিক আৰু বিকাশৰ দ্বিপাক্ষিক সহযোগিতাৰ বিষয়ে উল্লেখ কৰে৷
ম্যানমাৰৰ সৈতে ভাৰতৰ অনন্য দ্বিপাক্ষিক সহযোগিতা বৰ্তাই ৰখাৰ শক্তিশালী প্ৰতিশ্ৰুতিবদ্ধতাৰ বিষয়ে প্ৰধানমন্ত্ৰীয়ে বৈঠকখনত দোহাৰে৷
