পৰীক্ষা পে চৰ্চা অনুষ্ঠানত প্ৰধানমন্ত্ৰী মোদীয়ে কয় যে জীৱনত ব্যৰ্থতা অতিক্ৰম কৰি আগুৱাই যোৱাৰ উৎকৃষ্ট উদাহৰণ হ’ল চন্দ্ৰযানৰ অৱতৰণ৷ ‘চন্দ্ৰযান অৱতৰণৰ সময়ত ইছৰোলৈ যোৱা মুহূৰ্তকেইটা আৰু আমাৰ বিজ্ঞানীসকলৰ পৰিশ্ৰমৰ কথা মই কেতিয়াও পাহৰিব নোৱাৰো৷’
ইছৰোৰ বিজ্ঞানীসকলৰ প্ৰচেষ্টাক স্মৰণ কৰি প্ৰধানমন্ত্ৰী মোদীয়ে কয়, ‘চন্দ্ৰযান পৰিকল্পনা অনুসৰি অৱতৰণ কৰাত ব্যৰ্থ হোৱাত আমাৰ বিজ্ঞানীসকলৰ মুখমণ্ডলত মই হতাশাৰ চাপ দেখিছিলো৷ সাময়িক ব্যৰ্থতাই এয়া নুবুজায় যে সফলতাই আমালৈ অপেক্ষা কৰি থকা নাই৷ ইয়ে ইংগিত দিয়ে যে শ্ৰেষ্ঠ সময় এতিয়াও আহিবলৈ বাকী আছে৷’
