প্রধানমন্ত্রী শ্রী নৰেন্দ্র মোদীয়ে আজি ফ্রান্সৰ ৰাষ্ট্রপতি ইমানুৱেল মেক্ৰ’ সৈতে টেলিফোনযোগে কথা পাতে৷
দুয়োগৰাকী নেতাই আফগানিস্তানৰ সাম্প্রতিক পৰিস্থিতি, আঞ্চলিক বিষয়ক লৈ আলোচনা কৰে৷ দুয়োগৰাকী নেতাই সন্ত্রাসবাদ, মাদকদ্রব্য, অবৈধ অস্ত্র আৰু মানৱ সৰবৰাহৰ সম্ভাব্য বিস্তাৰৰ লগতে মানৱাধিকাৰ, নাৰী আৰু সংখ্যালঘু লোকসকলৰ অধিকাৰ নিশ্চিত কৰাৰ প্রয়োজনীয়তা সম্পর্কে আলোচনা কৰে৷
ভাৰত-প্রশান্ত মহাসাগৰীয় অঞ্চলত ক্রমৱর্ধমান দ্বিপাক্ষিক সহযোগিতা আৰু এই অঞ্চলত সুস্থিতিৰতা আৰু নিৰাপত্তা বৃদ্ধিত ভাৰত-ফ্রান্সৰ অংশীদাৰিত্বৰ গুৰুত্বপূর্ণ ভূমিকাৰ বিষযয়েও দুয়োগৰাকী নেতাই পর্যালোচনা কৰে৷
ভাৰত-ফ্রান্সে কৌশলগত অংশীদাৰিত্বৰ প্রেক্ষাপটত উভয় দেশৰ মাজত ঘনিষ্ঠ আৰু নিয়মীয়া পৰামর্শ বজাই ৰাখিবলৈ সহমত প্ৰকাশ কৰে৷
