৮ ফেব্ৰুৱাৰী ২০১৯ তাৰিখে প্ৰধানমন্ত্ৰী শ্ৰী নৰেন্দ্ৰ মোদীয়ে জলপাইগুৰি ভ্ৰমণ কৰিব৷ তাতে তেওঁ ৩১নং ৰাষ্ট্ৰীয় ঘাইপথৰ ফালাকাটা-ছালছালবাৰী অংশৰ চাৰিলেনযুক্ত পথটোৰ আধাৰশিলা স্থাপন কৰিব৷ এই ৪১.৭ কিলোমিটাৰ দৈৰ্ঘৰ অংশটো পশ্চিমবংগৰ জলপাইগুৰি জিলাত পৰে আৰু ইয়াক প্ৰায় ১৯৩৮ কোটি টকাৰে নিৰ্মাণে কৰা হ’ব৷
এই প্ৰকল্পটোৰ জৰিয়তে ছালছালবাৰী আৰু আলিপুৰদুৱাৰৰ পৰা শিলিগুড়িলৈ প্ৰায় ৫০ কিলোমিটাৰৰ দৈৰ্ঘ হ্ৰাস কৰিব৷ আৰু শিলিগুড়িৰ পৰা ৰে’লৱে আৰু বিমানবন্দৰলৈ অতিসহজে যাব পাৰি৷ এই ৰাষ্ট্ৰীয় ঘাইপথটোৰ জৰিয়তে চাহ আৰু অন্যান্য কৃষিজাত সামগ্ৰীৰ পৰিবহণতো সহায়ক হ’ব৷ অঞ্চলটোৰ পৰ্যটন বিকশিত হোৱাৰ উপৰিও ৰাজ্যখনৰ আৰ্থ-সামাজিক কাৰ্যকলাপ বৃদ্ধি হ’ব আৰু ফলত নিয়োজন বৃদ্ধি হ’ব৷
এই ৰাষ্ট্ৰীয় ঘাইপথে পথ ব্যৱহাৰকীসকলক প্ৰয়োজনীয় সুৰক্ষা প্ৰদান কৰিব৷ ইয়াত ৩খন ৰে’লৱে অভাৰব্ৰীজ, ২খন উৰণীয়া সেতু, ৩খন ভেহিকুলাৰ আণ্ডাৰপাছ, ৮খন প্ৰদান দলং আৰু ১৭খন সৰু দলং থাকিব৷
প্ৰধানমন্ত্ৰী শ্ৰী নৰেন্দ্ৰ মোদীয়ে জলপাইগুৰিত নতুন উচ্চ ন্যায়ালয় চাৰ্কিট বেঞ্চো মুকলি কৰিব৷ কলকাতা উচ্চ ন্যায়ালয়ৰ জলপাইগুৰিস্থিত চাৰ্কিট বেঞ্চে দাৰ্জিলিং, কালিমপং, জলপাইগুৰি, কোঁচবিহাৰ আৰু উত্তৰ বংগৰ লোকসকলক দ্ৰুত ন্যায় প্ৰদানত সহায় কৰিব৷ এই চাৰিখন জিলাৰ বাসিন্দাই এতিয়া পূৰ্বৰ কলিকতা উচ্চ ন্যায়ালয়লৈ ৬০০ কিলোমিটাৰ যোৱাৰ পৰিৱৰ্তে এতিয়া ১০০ কিলোমিটাৰতে এই সুবিধা লাভ কৰিব পাৰিব৷
