২২ জানুৱাৰী ২০১৯ তাৰিখে প্ৰধানমন্ত্ৰী শ্ৰী নৰেন্দ্ৰ মোদীয়ে উত্তৰ প্ৰদেশৰ বাৰাণসীত ১৫তম প্ৰবাসী ভাৰতীয় দিৱস সন্মিলন মুকলি কৰিব৷
প্ৰথমবাৰলৈ এই সন্মিলন তিনিদিনীয়াকৈ অৰ্থাৎ ২১ তাৰিখৰ পৰা ২৩ জানুৱাৰীলৈ বাৰাণসীত উদযাপন কৰিবলৈ লোৱা হৈছে৷ এই পিবিডি সন্মিলন ২০১৯ৰ মূল বিষয় হ’ল ‘‘নতুন ভাৰত গঠনত প্ৰবাসী ভাৰতীয়ৰ ভূমিকা’’৷
কুম্ভ মেলা আৰু অনাগত গণতন্ত্ৰ দিৱস উপলক্ষে ১৫তম পিবিডি সন্মিলন ৯ জানুৱাৰীৰ পৰিৱৰ্তে ২১ৰ পৰা ২৩ জানুৱাৰীলৈ উদযাপন কৰাৰ সিদ্ধান্ত লোৱা হৈছে৷ এই সন্মিলনৰ পিছত অংশগ্ৰহণকাৰীসকলে ২৪ জানুৱাৰীৰ দিনা প্ৰয়াগৰাজৰ কুম্ভ মেলাত অংশগ্ৰহণ কৰিব৷ ইয়াৰ পিছত তেওঁলোকে ২৫ জানুৱাৰীত দিল্লীত উপস্থিত হ’ব আৰু ২৬ জানুৱাৰীৰ দিনা নতুন দিল্লীত গণতন্ত্ৰ দিৱসৰ পেৰেড প্ৰত্যক্ষ কৰিব৷
পিবিডি সন্মিলনত মুখ্য অতিথিৰূপে উপস্থিত থাকিব মৰিছাছৰ প্ৰধানমন্ত্ৰী প্ৰৱিন্দ জুগনাথ৷ বিশেষ অতিথি হিচাপে উপস্থিত থাকিব হিমাংশু গুলাটি৷ আনহাতে সন্মানীয় অতিথি হিচাপে উপস্থিত থাকিব নিউজিলেণ্ডৰ সাংসদ কানৱালজিৎ সিং বক্সীয়ে৷
এই অনুষ্ঠানৰ প্ৰধান কাৰ্যসূচীসমূহ হ’ল-
২১ জানুৱাৰী ২০১৯- যুৱ প্ৰবাসী ভাৰতীয় দিৱস৷ এই অনুষ্ঠানত যুৱ প্ৰবাসীসকলে নতুন ভাৰতৰ সৈতে জড়িত হোৱাৰ অৱকাশ পাব৷
২২ জানুৱাৰী ২০১৯- মৰিছাছৰ প্ৰধানমন্ত্ৰী প্ৰৱিন্দ জুগনাথৰ উপস্থিতিত প্ৰধানমন্ত্ৰীয়ে পিবিডি সন্মিলনৰ মুকলি কৰিব৷
২৩ জানুৱাৰী ২০১৯- ভাৰতৰ ৰাষ্ট্ৰপতিৰ দ্বাৰা বিদায় অধিবেশন তথা প্ৰবাসী ভাৰতীয় সন্মান বঁটা৷
এই অনুষ্ঠানত আৰু বিভিন্ন পৰিকল্পনা অধিবেশনো অনুষ্ঠিত হ’ব৷ সন্ধিয়া সাংস্কৃতিক অনুষ্ঠান উদযাপিত হ’ব৷
প্ৰবাসী ভাৰতীয় দিৱসৰ বিষয়েঃ
স্বৰ্গীয় অটল বিহাৰী বাজপেয়ীয়ে প্ৰবাসী ভাৰতীয় দিৱস উদযাপনৰ সিদ্ধান্ত গ্ৰহণ কৰিছিল৷
নতুন দিল্লীত ২০০৩ চনৰ ৯ জানুৱাৰীত প্ৰথমখন প্ৰবাসী ভাৰতীয় দিৱস অনুষ্ঠিত হৈছিল৷ মহাত্মা গান্ধীয়ে ১৯১৫ চনৰ ৯ জানুৱাৰীত দক্ষিণ আফ্ৰিকাৰ পৰা দেশলৈ ঘূৰি অহাৰ দিনটোক স্মৰণীয় কৰি ৰখাৰ উদ্দেশ্যে এই দিনটোত প্ৰবাসী ভাৰতীয় দিৱস পালন কৰা হয়৷
