“একেলগে ধ্যান কৰিলে ফলপ্ৰসূ পৰিণাম পোৱা যায়, এয়া একতাৰ অনুভূতি, একতাৰ শক্তি, বিকশিত ভাৰতৰ বহুত ডাঙৰ ভিত্তি”
“এক জীৱন, এক মিছন’ৰ এক নিখুঁত উদাহৰণ, আচাৰ্য গোৱেংকাৰ মাত্ৰ এটাই মিছন আছিল – বিপাসনা”“বিপাসনা হৈছে আত্ম-পৰ্যবেক্ষণৰ জৰিয়তে আত্ম-পৰিৱৰ্তনৰ পথ”“আজিৰ প্ৰত্যাহ্বানপূৰ্ণ সময়ত বিপাসনাৰ গুৰুত্ব আৰু অধিক বৃদ্ধি পাইছে; কৰ্ম-জীৱনৰ ভাৰসাম্য, জীৱনশৈলী আৰু অন্যান্য সমস্যাৰ বাবে আজিৰ যুৱক-যুৱতীসকল মানসিক চাপৰ বলি হৈছে”“বিপাসনাক অধিক গ্ৰহণযোগ্য কৰি তোলাৰ ক্ষেত্ৰত ভাৰতে অগ্ৰণী ভূমিকা লোৱাৰ প্ৰয়োজন”প্ৰধানমন্ত্ৰী শ্ৰী নৰেন্দ্ৰ মোদীয়ে আজি আচাৰ্য শ্ৰী সত্যনাৰায়ণ গোৱেংকাৰ এশতম জন্ম জয়ন্তীৰ বছৰজোৰা সমাৰোহৰ সামৰণি অনুষ্ঠানত ভিডিঅ' বাৰ্তাৰ জৰিয়তে সম্বোধন কৰে।
এবছৰৰ পূৰ্বে বিপাসনা ধ্যান গুৰু আচাৰ্য শ্ৰী এছএন গোৱেংকাৰ জন্ম শতবাৰ্ষিকী উদযাপনৰ শুভাৰম্ভণিৰ কথা সোঁৱৰাই প্ৰধানমন্ত্ৰীয়ে কয় যে ৰাষ্ট্ৰই ‘অমৃত মহোৎসৱ’ উদযাপন কৰাৰ লগতে কল্যাণ মিত্ৰ গোৱেংকাৰ আদৰ্শকো স্মৰণ কৰে। তেওঁ পুনৰ কয় যে আজি যি সময়ত, এই উৎসৱ সমাপ্ত হৈ আছে, সেই সময়ত, দেশে এখন বিকশিত ভাৰতৰ সংকল্প পূৰণৰ দিশত দ্ৰুত গতিত আগবাঢ়িছে। প্ৰধানমন্ত্ৰীয়ে কয় যে গুৰুজীৰ ভগৱান বুদ্ধৰ মন্ত্ৰ - समग्गा-नम् तपोसुखो - অৰ্থাৎ যেতিয়া মানুহে একেলগে ধ্যান কৰে তেতিয়া ই অতি ফলপ্ৰসূ পৰিণাম দিয়ে। এই সংহতিৰ অনুভূতি, একতাৰ শক্তি, বিকশিত ভাৰতৰ বহুত ডাঙৰ ভিত্তি। গোটেই বছৰটো এই মন্ত্ৰৰ প্ৰচাৰ-প্ৰসাৰ কৰা বাবে তেওঁ সকলোকে আন্তৰিক শুভেচ্ছা জ্ঞাপন কৰে।
প্ৰধানমন্ত্ৰীয়ে শ্ৰী গোৱেংকাৰ সৈতে থকা নিজৰ সম্পৰ্কৰ কথা স্মৰণ কৰি কয় যে ৰাষ্ট্ৰসংঘত অনুষ্ঠিত বিশ্ব ধৰ্ম সন্মিলনত প্ৰথম লগ পোৱাৰ পিছত তেওঁলোক গুজৰাটত কেইবাবাৰো সাক্ষাৎ হৈছিল। আচাৰ্য শ্ৰীক জীৱনৰ শেষ পৰ্যায়ত দেখাৰ সৌভাগ্য লাভ কৰি তেওঁক নিবিড়ভাৱে চিনি পোৱা আৰু বুজিপোৱাৰ সৌভাগ্য লাভ কৰি তেওঁ নিজকে সৌভাগ্যৱান বুলি গণ্য কৰে। প্ৰধানমন্ত্ৰীয়ে শ্ৰী গোৱেংকাৰ শান্ত আৰু গম্ভীৰ ব্যক্তিত্বৰ লগতে বিপাসনাৰ গভীৰ হৃদয়ঙ্গম কৰাৰ শলাগ লয়, যাৰ ফলত তেওঁ য’লৈকে গৈছিল তাতেই সত্ত্বিকতাৰ পৰিৱেশৰ সৃষ্টি হৈছিল। আচাৰ্য শ্ৰীৰ জীৱন আছিল "এক জীৱন, এক মিছন'ৰ এক নিখুঁত নিদৰ্শন, তেওঁৰ এটাই মিছন আছিল - বিপাসনা!" প্ৰধানমন্ত্ৰীয়ে মানৱতা আৰু বিশ্বৰ প্ৰতি তেওঁৰ মহৎ অৱদানৰ প্ৰশংসা কৰি কয় যে তেওঁ নিজৰ বিপাসনা জ্ঞানৰ সুফল সকলোকে দিলে। সেয়েহে তেওঁৰ অৱদান আছিল সমগ্ৰ মানৱতা আৰু সমগ্ৰ বিশ্বৰ বাবে।
প্ৰধানমন্ত্ৰীয়ে কয় যে বিপাসনা সমগ্ৰ বিশ্বৰ বাবে প্ৰাচীন ভাৰতীয় জীৱনশৈলীৰ এক উৎকৃষ্ট উপহাৰ, কিন্তু আমাৰ এই ঐতিহ্যক পাহৰাই দিয়া হৈছে। ভাৰতবৰ্ষত এটা দীঘলীয়া সময় আছিল য'ত বিপাসনা শিকোৱা-শিকাৰ কলা ক্ৰমান্বয়ে নোহোৱা হৈ আহিছিল। প্ৰধানমন্ত্ৰীয়ে কয় যে আচাৰ্য শ্ৰীয়ে ম্যানমাৰত ১৪ বছৰ তপস্যা কৰি দীক্ষা লৈ ভাৰতৰ এই প্ৰাচীন গৌৰৱ লৈ স্বদেশলৈ উভতি আহিছিল। বিপাসনাৰ গুৰুত্বৰ ওপৰত আলোকপাত কৰি প্ৰধানমন্ত্ৰীয়ে কয় যে ই হৈছে আত্মপৰ্যবেক্ষণৰ জৰিয়তে আত্ম-পৰিৱৰ্তনৰ পথ। প্ৰধানমন্ত্ৰীয়ে কয় যে ইয়াৰ গুৰুত্ব তেতিয়াও আছিল যেতিয়া হাজাৰ হাজাৰ বছৰৰ আগতে ইয়াৰ উত্থান ঘটিছিল। প্ৰধানমন্ত্ৰীয়ে কয় যে আজিৰ জীৱনত ইয়াৰ প্ৰাসংগিকতা আৰু অধিক বৃদ্ধি পাইছে, কাৰণ ইয়াত বিশ্বৰ বৰ্তমানৰ প্ৰত্যাহ্বানসমূহ সমাধানৰ শক্তি সন্নিবিষ্ট হৈ আছে। তেওঁ কয় যে গুৰুজীৰ এই প্ৰচেষ্টাৰ বাবেই বিশ্বৰ ৮০খনতকৈও অধিক দেশে ধ্যানৰ গুৰুত্ব বুজি ইয়াক গ্ৰহণ কৰিছিল। “আচাৰ্য শ্ৰী গোৱেংকাই পুনৰবাৰ বিপাসনাক বিশ্বব্যাপী স্বীকৃতি দিছে। আজি ভাৰতে সেই সংকল্পক সম্পূৰ্ণ দৃঢ়তাৰে নতুন সম্প্ৰসাৰণ দিছে,” ৰাষ্ট্ৰসংঘত আন্তঃৰাষ্ট্ৰীয় যোগ দিৱস উদযাপনৰ বাবে ভাৰতৰ প্ৰস্তাৱৰ কথা স্মৰণ কৰি প্ৰধানমন্ত্ৰীয়ে কয় যে যাৰ ফলত ১৯০খন দেশত, যোগ এতিয়া বিশ্বজুৰি জীৱনৰ অংগ হৈ পৰিছে।
প্ৰধানমন্ত্ৰীয়ে কয় যে আমাৰ পূৰ্বপুৰুষসকলে বিপাসনাৰ দৰে যোগ প্ৰক্ৰিয়াৰ ওপৰত গৱেষণা কৰে, প্ৰধানমন্ত্ৰীয়ে সেই বিড়ম্বনাৰ কথা আঙুলিয়াই দিলে য’ত পৰৱৰ্তী প্ৰজন্মই বিপাসনাৰ গুৰুত্ব আৰু ব্যৱহাৰ পাহৰি গৈছে। তেওঁ কয় যে বিপাসনা, ধ্যান, ধাৰণাক কেৱল বৈৰাগ্যৰ বিষয় হিচাপেহে গণ্য কৰা হৈছে আৰু ইয়াৰ ভূমিকা পাহৰি যোৱা হৈছে। তেওঁ আচাৰ্য শ্ৰী সত্যনাৰায়ণ গোৱেংকাৰ দৰে বিশিষ্ট ব্যক্তিসকলক তেওঁলোকৰ নেতৃত্বৰ বাবে প্ৰশংসা কৰে। গুৰুজীৰ উদ্ধৃতি দি প্ৰধানমন্ত্ৰীয়ে কয়, ‘সুস্থ জীৱন আমাৰ সকলোৰে নিজৰ বাবে এটা ডাঙৰ দায়িত্ব।’ আজিৰ প্ৰত্যাহ্বানমূলক সময়ত বিপাসনাৰ চৰ্চা আৰু অধিক গুৰুত্বপূৰ্ণ হৈ পৰিছে বুলি তেওঁ কয়। আজি যুৱক-যুৱতীসকলে কৰ্মশৈলী, জীৱনৰ ভাৰসাম্য, প্ৰচলিত জীৱনশৈলী আৰু অন্যান্য সমস্যাৰ বাবে মানসিক চাপত ভুগিছে। তেওঁ জোৰ দি কয় যে বিপাসনা কেৱল যুৱক-যুৱতীসকলৰ বাবেই সমাধান নহয়, বৰং একক পৰিয়ালৰ সদস্যসকলৰ বাবেও সমাধান। এনে পৰিয়ালত বৃদ্ধ পিতৃ-মাতৃ যথেষ্ট মানসিক চাপত থাকে। তেওঁ সকলোকে এনে পদক্ষেপত বৃদ্ধসকলক জড়িত কৰিবলৈ আহ্বান জনায়।
প্ৰধানমন্ত্ৰীয়ে আচাৰ্য গোৱেংকাৰ প্ৰচেষ্টাক প্ৰশংসা কৰি কয় যে আচাৰ্য শ্ৰীয়ে সকলোৰে জীৱন শান্তিপূৰ্ণ, সুখী আৰু সামঞ্জস্যপূৰ্ণ কৰিবলৈ কাম কৰিছিল। তেওঁৰ প্ৰচেষ্টা আছিল যে তেওঁৰ অভিযানৰ সুবিধাসমূহ যাতে আগন্তুক প্ৰজন্মৰ বাবে উপলব্ধ হৈ থাকে, সেয়েহে তেওঁ নিজৰ জ্ঞান প্ৰসাৰ কৰিছিল। তেওঁ বিপাসনাৰ প্ৰসাৰ কৰাৰ লগতে ইয়াৰ দক্ষ শিক্ষক সৃষ্টিৰ দায়িত্বও কান্ধ পাতি লৈছিল। প্ৰধানমন্ত্ৰীয়ে পুনৰ এবাৰ বিপাসনাৰ কথা কৈ কয় যে ই আত্মাৰ ভিতৰলৈ যাত্ৰা, ই নিজৰ ভিতৰত ডুব যোৱাৰ এক উপায়। কিন্তু ই কেৱল এটা বিধান নহয়, ই এটা বিজ্ঞানো, সেয়েহে সময়ৰ প্ৰয়োজনীয়তা হ’ল আমি ইয়াৰ প্ৰমাণ আধুনিক মানদণ্ডত, আধুনিক বিজ্ঞানৰ ভাষাত উপস্থাপন কৰা। তেওঁ কয় যে বিশ্ব পৰ্যায়ত এই দিশত কাম চলি আছে যদিও ভাৰতে অগ্ৰণী ভূমিকা পালন কৰিব লাগিব। নতুন গৱেষণাই ইয়াৰ গ্ৰহণযোগ্যতা বৃদ্ধি কৰিব আৰু বিশ্বৰ অধিক কল্যাণ সাধন কৰিব।
ভাষণৰ সামৰণিত প্ৰধানমন্ত্ৰীয়ে কয় যে আচাৰ্য এছ এন গোৱেংকাৰ জন্ম শতবাৰ্ষিকী সমাৰোহৰ এই বছৰটো আমাৰ সকলোৰে বাবে প্ৰেৰণাদায়ক হৈ পৰিছে। তেওঁ আস্থা প্ৰকাশ কৰে যে মানৱ সেৱাৰ বাবে তেওঁৰ প্ৰচেষ্টাক অবিৰতভাৱে আগুৱাই নিব লাগে।
