প্ৰধানমন্ত্ৰী শ্ৰী নৰেন্দ্ৰ মোদীয়ে আজি ইটালীৰ আপুলিয়াত অনুষ্ঠিত জি-৭ সন্মিলনৰ সমান্তৰালভাৱে ব্ৰিটেইনৰ ঋষি সুনাকৰ সৈতে বৈঠকত মিলিত হয়। একেৰাহে তৃতীয়বাৰৰ বাবে প্ৰধানমন্ত্ৰী হিচাপে দায়িত্ব গ্ৰহণ কৰাৰ বাবে শ্ৰী মোদীক প্ৰধানমন্ত্ৰী সুনাকে অভিনন্দন জনায়। দুয়োগৰাকী নেতাই দ্বিপাক্ষিক সম্পৰ্ক আৰু অধিক শক্তিশালী কৰাৰ বাবে দুয়োখন দেশৰ মিলিত দায়বদ্ধতাক পুনৰ দোঁহাৰে।
দুয়োগৰাকী নেতাই ৰোডমেপ, ২০৩০ ৰূপায়ণৰ বিষয়ে আলোচনা কৰি নিয়মীয়াকৈ উচ্চ পৰ্যায়ৰ ৰাজনৈতিক আলোচনা, প্ৰতিৰক্ষা আৰু নিৰাপত্তা, বাণিজ্য আৰু অৰ্থনৈতিক সহযোগিতা, জটিল আৰু উচ্চ প্ৰযুক্তি খণ্ড আৰু জনসাধাৰণৰ সম্পৰ্ককে ধৰি সৰ্বাংগীন কৌশলগত অংশীদাৰিত্বকে ধৰি সকলো ক্ষেত্ৰতে অগ্ৰগতিৰ বাবে আনন্দ প্ৰকাশ কৰে। লগতে দুয়োখন দেশৰ মাজত মুক্ত বাণিজ্য চুক্তিৰ আলোচনাত যি অগ্ৰগতি লাভ কৰিছে তাক লৈয়ো সন্তুষ্টি প্ৰকাশ কৰে। দুয়োগৰাকী নেতাই পাৰস্পৰিক স্বাৰ্থৰ আঞ্চলিক আৰু বহুপাক্ষিক বিষয়সমূহৰ সন্দৰ্ভতো আলোচনা কৰে।
প্ৰধানমন্ত্ৰী শ্ৰী নৰেন্দ্ৰ মোদীয়ে অহা মাহত হ’বলগায়ী সাধাৰণ নিৰ্বাচনৰ প্ৰস্তুতিৰ বাবে ব্ৰিটেইনৰ জনসাধাৰণক শুভেচ্ছা জ্ঞাপন কৰে।
It was a delight to meet PM @RishiSunak in Italy. I reiterated my commitment to further strengthen the India-UK Comprehensive Strategic Partnership in the third term of the NDA Government. There is great scope to deepen ties in sectors like semiconductors, technology and trade.… pic.twitter.com/ehjhFY89cE
— Narendra Modi (@narendramodi) June 14, 2024
