প্ৰধানমন্ত্ৰী মোদীয়ে সদায় পানী আৰু পৰিৱেশ সংৰক্ষণৰ প্ৰয়োজনীয়তাত গুৰুত্ব আৰোপ কৰি আহিছে। জল জীৱন মিছন, স্বচ্ছ ভাৰত অভিযান, জল শক্তি অভিযান আৰু মিছন লাইভৰ দৰে পদক্ষেপসমূহ ইয়াৰ উৎকৃষ্ট প্ৰমাণ।
গুজৰাট চৰকাৰৰ অৱসৰপ্ৰাপ্ত বন বিষয়া এইচ এছ সিঙে ৰাজ্যখনত জলাশয়সমূহৰ পুনৰুদ্ধাৰ আৰু পুনৰুত্থানৰ বাবে তদানীন্তন মুখ্যমন্ত্ৰী মোদীয়ে উদ্ভাৱন কৰা 'জল মন্দিৰ'ৰ ধাৰণাৰ বিষয়ে এটা ঘটনা বৰ্ণনা কৰিছিল। যিহেতু গুজৰাটত প্ৰতিখন গাঁৱত একৰ পৰা পাঁচটা পানীৰ পুখুৰী থকা ১৮,০০০ তকৈও অধিক গাঁও আছে, সেয়েহে মুখ্যমন্ত্ৰী মোদীয়ে পৰামৰ্শ দিছিল যে পুখুৰীবোৰৰ চাৰিওফালৰ এলেকাকাৰ সৌন্দৰ্যবৰ্ধন কৰিব লাগে। ইয়াৰ ফলত প্ৰণালীবদ্ধ বৃক্ষ ৰোপণো সম্ভৱ হ'ব। যিহেতু জলাশয়সমূহে গাঁওসমূহৰ বাবে এক গভীৰ সাংস্কৃতিক গুৰুত্ব বহন কৰে, সেয়েহে মুখ্যমন্ত্ৰী মোদীয়ে 'জল মন্দিৰ'ক ৰাজ্যখনত জলাশয়সমূহৰ ৰক্ষণাবেক্ষণ আৰু পুনৰুজ্জীৱিত কৰাৰ এক ফলপ্ৰসু ব্যৱস্থা হিচাপে অভিহিত কৰিছিল। ইয়াৰ ফলত সাংস্কৃতিক পুনৰুদ্ধাৰ, চৰাই আৰু পৰিৱেশ সংৰক্ষণৰ বাবে সমৰ্থন, বিনোদনমূলক পৰ্যটনৰ লগতে তৃণমূল পৰ্যায়ত পানী সংৰক্ষণ কৰাটো সম্ভৱ হ'ব।
CM Narendra Modi introduced the groundbreaking 'Jal Mandir' concept in Gujarat, a visionary approach to rejuvenate water bodies. Dive into the details by watching this #ModiStory! pic.twitter.com/jQj9oIhvJd
— Modi Story (@themodistory) September 13, 2023
