বিহাৰৰ মধুবানীত ৰাষ্ট্ৰীয় পঞ্চায়তী ৰাজ দিৱসৰ অনুষ্ঠানত অংশগ্ৰহণ কৰিব প্ৰধানমন্ত্ৰীয়ে
বিহাৰত ১৩,৪৮০ কোটি টকাৰো অধিক মূল্যৰ কেইবাটাও উন্নয়নমূলক প্ৰকল্প উদ্বোধন, আধাৰশিলা স্থাপন আৰু ৰাষ্ট্ৰৰ নামত উৎসৰ্গা কৰিব প্ৰধানমন্ত্ৰীয়েবিহাৰৰ অমৃত ভাৰত এক্সপ্ৰেছ আৰু নমো ভাৰত দ্ৰুত ৰে’লৰ ফ্লেগ অফ কৰিব প্ৰধানমন্ত্ৰীয়েপ্ৰধানমন্ত্ৰী শ্ৰী নৰেন্দ্ৰ মোদীয়ে ২৪ এপ্ৰিলত বিহাৰ ভ্ৰমণ কৰিব। তেওঁ মধুবানী ভ্ৰমণ কৰি ৰাষ্ট্ৰীয় পঞ্চায়তী ৰাজ দিৱস উপলক্ষে পুৱা প্ৰায় ১১:৪৫ বজাত আয়োজিত কাৰ্যসূচীত অংশগ্ৰহণ কৰিব। তেওঁ ১৩,৪৮০ কোটি টকাৰো অধিক মূল্যৰ কেইবাটাও উন্নয়নমূলক প্ৰকল্প উদ্বোধন, আধাৰশিলা স্থাপন আৰু ৰাষ্ট্ৰৰ উৎসৰ্গা কৰিব। এই উপলক্ষে এখন ৰাজহুৱা সভাতো ভাষণ প্ৰদান কৰিব প্ৰধানমন্ত্ৰীয়ে।
প্ৰধানমন্ত্ৰীয়ে বিহাৰৰ মধুবানীত ৰাষ্ট্ৰীয় পঞ্চায়তীৰাজ দিৱসৰ কাৰ্যসূচীত অংশগ্ৰহণ কৰিব। এই উপলক্ষে তেওঁ শ্ৰেষ্ঠ প্ৰদৰ্শন কৰা পঞ্চায়তসমূহক স্বীকৃতি আৰু উৎসাহিত কৰাৰ উদ্দেশ্যে ৰাষ্ট্ৰীয় পঞ্চায়ত বঁটাও প্ৰদান কৰিব।
প্ৰধানমন্ত্ৰীয়ে প্ৰায় ৩৪০ কোটি টকা ব্যয়ৰে বিহাৰৰ গোপালগঞ্জ জিলাৰ হাথুৱাত নিৰ্মাণ হ’বলগীয়া এলপিজি বটলিং প্লাণ্ট আৰু ৰে’ল আনলোডিং সুবিধাৰ আধাৰশিলা স্থাপন কৰিব। ইয়াৰ দ্বাৰা যোগান শৃংখল সুশৃংখলিত কৰাত সহায়ক হ’ব আৰু বাল্ক এলপিজি পৰিবহণৰ কাৰ্যক্ষমতা বৃদ্ধি পাব।
অঞ্চলটোৰ বিদ্যুৎ আন্তঃগাঁথনিক উদগনি যোগাই প্ৰধানমন্ত্ৰীয়ে বিহাৰত ১,১৭০ কোটিৰো অধিক মূল্যৰ প্ৰকল্পৰ আধাৰশিলা স্থাপন কৰাৰ লগতে পুনৰ গঠন বিতৰণ খণ্ড আঁচনিৰ অধীনত ৫,০৩০ কোটিৰো অধিক মূল্যৰ কেইবাটাও প্ৰকল্প উদ্বোধন কৰিব।
সমগ্ৰ দেশতে ৰে’ল সংযোগ প্ৰসাৰিত কৰাৰ প্ৰতিশ্ৰুতি অনুসৰি প্ৰধানমন্ত্ৰীয়ে সহৰ্ষ আৰু মুম্বাইৰ মাজত অমৰুট ভাৰত এক্সপ্ৰেছ, জয়নগৰ আৰু পাটনাৰ মাজত নামো ভাৰত দ্ৰুত ৰে’ল আৰু পিপৰা আৰু সহৰ্ষ আৰু সহৰ্ষ আৰু সমষ্টিপুৰৰ মাজত চলাচল কৰিবলগীয়া ৰে’লৰ ফ্লেগ অফ কৰিব। তদুপৰি চাপ্ৰা আৰু বগাহাত ছুপৌল পিপৰা ৰে’ল লাইন, হাছানপুৰ বিথান ৰে’ল লাইন আৰু দুখন দ্বৈতপথৰ ৰে’ল অভাৰ ব্ৰীজ উদ্বোধন কৰিব। তেওঁ খগড়িয়া-আলাউলীয়া ৰে’লপথ ৰাষ্ট্ৰৰ উৎসৰ্গা কৰিব। এই প্ৰকল্পসমূহে সংযোগৰ উন্নতি সাধন কৰাৰ লগতে অঞ্চলটোৰ সামগ্ৰিক আৰ্থ-সামাজিক বিকাশৰ সূচনা কৰিব।
প্ৰধানমন্ত্ৰীয়ে দীনদয়াল অন্ত্যোদয় যোজনা-ৰাষ্ট্ৰীয় গ্ৰামীঁণ জীৱিকা অভিযান (DAY-NRLM)ৰ অধীনত বিহাৰৰ ২ লক্ষাধিক আত্মসহায়ক গোটক প্ৰায় ৯৩০ কোটি টকাৰ সামূহিক বিনিয়োগ পুঁজিৰ সুবিধা প্ৰদান কৰিব।
প্ৰধানমন্ত্ৰীয়ে পিএমএৱাই-গ্ৰামীণৰ ১৫ লাখ নতুন হিতাধিকাৰীক অনুমোদন পত্ৰ প্ৰদান কৰাৰ লগতে সমগ্ৰ দেশৰ পিএমএৱাই-জিৰ ১০লাখ হিতাধিকাৰীক কিস্তি মুকলি কৰি দিব। তেওঁ একাংশ হিতাধিকাৰীক চাবি গতাই দিয়াক লগতে বিহাৰত ১ লাখ পিএমএৱাই-জি আৰু ৫৪ হাজাৰ পিএমএৱাই-নগৰায়ী আৱাসৰ গৃহপ্ৰৱেশৰ সাক্ষী হ’ব।
