প্ৰধানমন্ত্ৰী শ্ৰী নৰেন্দ্ৰ মোদীয়ে ১১ ফেব্ৰুৱাৰীৰ দিনৰ প্ৰায় ২:৩০ বজাত ওৱান অ’চিয়ান ছামিটৰ উচ্চ-স্তৰীয় খণ্ডত ভিডিঅ' বাৰ্তাৰ জৰিয়তে সম্বোধন কৰিব। এই ছামিটৰ উচ্চ-স্তৰীয় খণ্ডটোত জাৰ্মানী, যুক্তৰাজ্য, দক্ষিণ কোৰিয়া, জাপান, কানাডাকে ধৰি কেইবাখনো ৰাষ্ট্ৰ আৰু চৰকাৰৰ মুৰব্বীসকলেও ভাষণ দিব।
ৰাষ্ট্ৰসংঘ আৰু বিশ্ব বেংকৰ সহযোগত ফ্ৰান্সে ৯-১১ ফেব্ৰুৱাৰীত ফ্ৰান্সৰ ব্ৰেষ্টত ওৱান অ’চিয়ান ছামিটৰ আয়োজন কৰিছে। এই ছামিটৰ উদ্দেশ্য হৈছে সুস্থ আৰু বহনক্ষম মহাসাগৰীয় পৰিস্থিতিতন্ত্ৰৰ সংৰক্ষণ আৰু সমৰ্থনৰ দিশত বাস্তৱ কৰ্ম সম্পাদনৰ অৰ্থে আন্তঃৰাষ্ট্ৰীয় সমাজখনক একত্ৰিত কৰা।
