প্ৰধানমন্ত্ৰী শ্ৰী নৰেন্দ্ৰ মোদীয়ে ৪ অক্টোবৰৰ সন্ধিয়া প্ৰায় ৬:৩০ বজাত নতুন দিল্লীৰ তাজ পেলেচ হোটেলত অনুষ্ঠিত হ’বলগীয়া কৌটিল্য অৰ্থনৈতিক সন্মিলনত অংশগ্ৰহণ কৰিব। তেওঁ অনুষ্ঠানটোত সমবেত লোকসকলক সম্বোধন কৰিব।
কৌটিল্য অৰ্থনৈতিক সন্মিলনৰ তৃতীয় সংস্কৰণ ৪ ৰ পৰা ৬ অক্টোবৰলৈ অনুষ্ঠিত হ'ব। এই বছৰৰ সন্মিলনত সেউজ পৰিবৰ্তনক বিত্তীয় সহায়তা, ভূ-অৰ্থনৈতিক বিভাজন আৰু বিকাশৰ ক্ষেত্ৰত প্ৰভাৱ, সহনশীলতা সংৰক্ষণৰ বাবে নীতিগত পদক্ষেপকে ধৰি বিভিন্ন বিষয়ত গুৰুত্ব আৰোপ কৰা হ'ব।
ভাৰতীয় আৰু আন্তঃৰাষ্ট্ৰীয় পণ্ডিত আৰু নীতি নিৰ্ধাৰকসকলে ভাৰতীয় অৰ্থনীতি আৰু গ্লোবেল ছাউথৰ অৰ্থনীতিয়ে সন্মুখীন হোৱা কিছুমান গুৰুত্বপূৰ্ণ বিষয় আলোচনা কৰিব। বিশ্বৰ বিভিন্ন প্ৰান্তৰ বক্তাই সন্মিলনত অংশগ্ৰহণ কৰিব।
বিত্ত মন্ত্ৰালয়ৰ সহযোগিতাৰে অৰ্থনৈতিক বিকাশ প্ৰতিষ্ঠানৰ উদ্যোগত কৌটিল্য অৰ্থনৈতিক সন্মিলনৰ আয়োজন কৰা হৈছে।
