প্ৰধানমন্ত্ৰী শ্ৰী নৰেন্দ্ৰ মোদীয়ে ভিডিঅ’ কনফাৰেন্সিংযোগে ৫ ফেব্ৰুৱাৰী, ২০২৩ৰ দুপৰীয়া ১ বজাত জয়পুৰ মহাখেলত অংশগ্ৰহণকাৰীক সম্বোধন কৰিব৷
২০১৭ চনৰ পৰা জয়পুৰ গ্ৰাম্য লোকসভা সমষ্টিৰ সাংসদ শ্ৰী ৰাজ্যৱৰ্ধন সিং ৰাথোড়ে জয়পুৰত এই জয়পুৰ মহাখেল আয়োজন কৰি আহিছে৷
এই বছৰ কাবাদী প্ৰতিযোগিতাত গুৰুত্ব আৰোপ কৰা মহাখেল ১২ জানুৱাৰী, ২০২৩ত ৰাষ্ট্ৰীয় যুৱ দিৱসৰ পৰা আৰম্ভ হয়৷ এই প্ৰতিযোগিতাত জয়পুৰ গ্ৰাম্য লোকসভা সমষ্টিৰ অন্তৰ্গত ৮টা বিধানসভা সমষ্টিৰ ৪৫০খনতকৈ অধিক গাওঁ পঞ্চায়ত, পৌৰ নিগম আৰু ৱাৰ্ডৰ ৬,৪০০তকৈ অধিক যুৱক-যুৱতী আৰু ক্ৰীড়িবিদে অংশগ্ৰহণ কৰিছে৷ মহাখেল আয়োজনে জয়পুৰত যুৱক-যুৱতীসকলক তেওঁলোকৰ ক্ৰীড়া প্ৰতি প্ৰদৰ্শনৰ সুযোগ প্ৰদান কৰাৰ লগতে ক্ৰীড়াক বিকল্প কেৰিয়াৰ হিচাপে গ্ৰহণ কৰিবলৈ প্ৰেৰণা যোগায়৷
