আনুষ্ঠানিক ভ্ৰমণ সূচী লৈ ১৩ৰ পৰা ১৫ ছেপ্টেম্বৰলৈ তিনিদিনৰ বাবে ভাৰতত উপস্থিত হোৱা ফ্ৰান্সৰ ইউৰোপ তথা বৈদেশিক পৰিক্ৰমা দপ্তৰৰ মন্ত্ৰী শ্ৰীমতী কেথেৰিন কলোন্নাই আজি প্ৰধানমন্ত্ৰী শ্ৰী নৰেন্দ্ৰ মোদীক সাক্ষাত্ কৰে। দুযোখন দেশৰ স্বাৰ্থ বিজড়িত দ্বিপাক্ষিক প্ৰসংগসমূহৰ আলোচনাৰ লগতে মন্ত্ৰীগৰাকীয়ে ৰাষ্ট্ৰপতি মেক্ৰনে প্ৰেৰণ কৰা বন্ধুত্ব আৰু সহযোগিতাৰ বাৰ্তাও প্ৰধানমন্ত্ৰীৰ ওচৰত অৱগত কৰে। আলোচনা কালত প্ৰধানমন্ত্ৰী মোদীয়ে পেৰিছত ৰাষ্ট্ৰপতি মেক্ৰন আৰু জাৰ্মানীত স্কলোছ এলম’ৰ সৈতে অলপতে হোৱা সাক্ষাতৰ কথা আনন্দৰে স্মৰণ কৰাৰ লগতে ৰাষ্ট্ৰপতিগৰাকীক অচিৰেই ভাৰতলৈ আদৰণি জনোৱাৰ বাবে থকা তেওঁৰ আগ্ৰহৰ কথা জানিবলৈ দিয়ে।
