Quoteটুমাকুৰু ঔদ্যোগিক টাউনশ্বিপ আৰু টুমাকুৰুত দুটা জল জীৱন মিছন প্ৰকল্পৰ আধাৰশিলা স্থাপন
Quote“ডাবল ইঞ্জিন চৰকাৰে কৰ্ণাটকক বিনিয়োগকাৰীৰ প্ৰথম পছন্দ কৰি তুলিছে”
Quote“আমাৰ প্ৰতিৰক্ষাৰ প্ৰয়োজনীয়তাৰ বাবে আমি বিদেশী নিৰ্ভৰশীলতা কম কৰিব লাগিব”
Quote“‘ৰাষ্ট্ৰ প্ৰথম’ৰ মনোভাৱেৰে সফলতা নিশ্চিত”
Quote“এই কাৰখানা আৰু হলৰ বৰ্ধিত শক্তিয়ে মিথ্যাচাৰৰ পৃষ্ঠপোষকসকলক ছবি উদঙাই দিছে”
Quote“ফুড পাৰ্ক আৰু হলৰ পিছত টুমাকুৰুলৈ ঔদ্যোগিক চহৰখন এক বৃহৎ উপহাৰ, যিয়ে টুমাকুৰুক দেশৰ এটা ডাঙৰ ঔদ্যোগিক কেন্দ্ৰ হিচাপে গঢ়ি তোলাত সহায় কৰিব”
Quote“ডাবল ইঞ্জিন চৰকাৰে সামাজিক আন্তঃগাঁথনিৰ লগতে ভৌতিক আন্তঃগাঁথনিৰ প্ৰতিও সমান মনোযোগ দিছে”
Quote“সমৰ্থ ভাৰত, সম্পন্ন ভাৰত, স্বয়ংপুৰ্ণ ভাৰত, শক্তিমান ভাৰত,গতিৱান ভাৰতৰ দিশত এই বাজেট এক ডাঙৰ পদক্ষেপ”
Quoteএই বাজেটৰ কৰ সুবিধাৰ বাবে মধ্যবিত্ত শ্ৰেণীৰ মাজত বিপুল উৎসাহ-উদ্দীপনা পৰিলক্ষিত হৈছে”
Quote “মহিলাৰ আৰ্থিক অন্তৰ্ভুক্তিয়ে ঘৰুৱা ক্ষেত্ৰত তেওঁলোকৰ কণ্ঠ শক্তিশালী কৰে আৰু এই বাজেটত তাৰ বাবে বহু ব্যৱস্থা আছে”

প্ৰধানমন্ত্ৰী শ্ৰী নৰেন্দ্ৰ মোদীয়ে আজি টুমাকুৰুত হল হেলিকপ্টাৰ কাৰখানা ৰাষ্ট্ৰৰ নামত উৎসৰ্গা কৰে। তদুপৰি তেওঁ টুমাকুৰুৰ টিপটুৰ আৰু চিক্কানায়াকানাহল্লীত টুমাকুৰু ঔদ্যোগিক টাউনশ্বিপ আৰু দুটা জল জীৱন মিছন প্ৰকল্পৰ আধাৰশিলা স্থাপন কৰে। প্ৰধানমন্ত্ৰীয়ে হেলিকপ্টাৰ সুবিধা পৰিদৰ্শন কৰাৰ লগতে আৰু গাঁথনি হেংগাৰ আৰু লাইট ইউটিলিটি হেলিকপ্টাৰ উন্মোচন কৰে৷

সভাত আগবঢ়োৱা ভাষণত প্ৰধানমন্ত্ৰীয়ে কয় যে কৰ্ণাটক এখন সন্ত আৰু ঋষিৰ দেশ যিয়ে ভাৰতীয় আধ্যাত্মিকতা, জ্ঞান আৰু বৈজ্ঞানিক মূল্যবোধৰ পৰম্পৰাক সদায় শক্তিশালী কৰি আহিছে। তেওঁ টুমকুৰুৰ বিশেষ তাৎপৰ্য আৰু চিদ্দাগংগা মঠৰ অৱদানৰ ওপৰতো আলোকপাত কৰে। তেওঁ জনোৱা মতে পূজ্য শিৱকুমাৰ স্বামীয়ে এৰি থৈ যোৱা আন্না, অক্ষৰ আৰু আশ্ৰয়ৰ ঐতিহ্যক আজি শ্ৰী সিদ্দালিংগ স্বামীয়ে আগুৱাই লৈ গৈছে।

|

প্ৰধানমন্ত্ৰীয়ে কয় যে আজি যুৱক-যুৱতীসকলৰ কৰ্মসংস্থাপনৰ সুযোগ, গ্ৰাম্য সমাজ আৰু মহিলাৰ জীৱন-যাপনৰ সহজতা, সশস্ত্ৰ বাহিনীক শক্তিশালী কৰা আৰু মেড ইন ইণ্ডিয়াৰ ধাৰণাৰ সৈতে জড়িত বহু শ শ কোটিৰ প্ৰকল্প উৎসৰ্গা কৰাৰ লগতে আধাৰশিলা কৰা হৈছে ৰখা হৈছে।

প্ৰধানমন্ত্ৰীয়ে কৰ্ণাটকৰ যুৱক-যুৱতীসকলৰ প্ৰতিভা আৰু উদ্ভাৱনক প্ৰশংসা কৰি কয় যে উৎপাদন খণ্ডৰ শক্তি ড্ৰ’নৰ পৰা আৰম্ভ কৰি তেজছ যুদ্ধ বিমানলৈকে সামগ্ৰীত প্ৰকাশ পায়। “ডাবল ইঞ্জিন চৰকাৰে কৰ্ণাটকক বিনিয়োগকাৰীৰ প্ৰথম পছন্দ কৰি তুলিছে” প্ৰধানমন্ত্ৰীয়ে এই কথাটো দৃঢ়তাৰে কয় আৰু আজি উৎসৰ্গিত হল প্ৰকল্পৰ দ্বাৰা ইয়াৰ উদাহৰণ দাঙি ধৰে যাৰ বাবে প্ৰধানমন্ত্ৰীয়ে ২০১৬ চনত প্ৰতিৰক্ষা প্ৰয়োজনীয়তাৰ বাবে বিদেশী নিৰ্ভৰশীলতা হ্ৰাস কৰাৰ প্ৰতিশ্ৰুতিৰে আধাৰশিলা স্থাপন কৰিছিল৷

প্ৰধানমন্ত্ৰীয়ে আনন্দ প্ৰকাশ কৰে যে ভাৰতত শ শ অস্ত্ৰ আৰু প্ৰতিৰক্ষা সঁজুলি নিৰ্মাণ কৰা হৈছে যিবোৰ আজি সশস্ত্ৰ বাহিনীয়ে ব্যৱহাৰ কৰি আছে। “উন্নত এছল্ট ৰাইফলৰ পৰা আৰম্ভ কৰি টেংক, বিমানবাহী জাহাজ, হেলিকপ্টাৰ, যুঁজাৰু বিমান, পৰিবহণ বিমানলৈকে, ভাৰতে এই সকলোবোৰ নিৰ্মাণ কৰি আছে”, প্ৰধানমন্ত্ৰীয়ে কয়। মহাকাশ খণ্ডৰ ওপৰত আলোকপাত কৰি প্ৰধানমন্ত্ৰীয়ে আঙুলিয়াই দিয়ে যে বিগত ৮-৯ বছৰত এই খণ্ডত কৰা বিনিয়োগ ২০১৪ চনৰ আগতে কৰা বিনিয়োগৰ পাঁচগুণ আৰু ইয়াৰ আগৰ ১৫ বছৰ। প্ৰধানমন্ত্ৰীয়ে আলোকপাত কৰি কয় যে মেড ইন ইণ্ডিয়া অস্ত্ৰ কেৱল আমাৰ সশস্ত্ৰ বাহিনীক যোগান ধৰা নহয়, বৰঞ্চ ২০১৪ চনৰ আগৰ বছৰবোৰৰ তুলনাত প্ৰতিৰক্ষা সামগ্ৰী ৰপ্তানিও বহুগুণে বৃদ্ধি পাইছে অদূৰ ভৱিষ্যতে যিয়ে ৪ লাখ কোটি টকাৰ ব্যৱসায়ৰ জন্ম দিব। “যেতিয়া এনে উৎপাদন ইউনিট স্থাপন কৰা হয়, তেতিয়া ই কেৱল সশস্ত্ৰ বাহিনীক শক্তিশালী কৰাই নহয়, কৰ্মসংস্থাপন আৰু আত্মনিয়োগৰ সুযোগো সৃষ্টি কৰে”, টুমকুৰুৰ হেলিকপ্টাৰ নিৰ্মাণ কেন্দ্ৰৰ ওচৰৰ ক্ষুদ্ৰ ব্যৱসায়ীসকলে ক্ষমতাশালী হ’ব বুলি শ্ৰী মোদীয়ে আঙুলিয়াই দিয়ে৷

|

প্ৰধানমন্ত্ৰীয়ে জোৰ দি কয় যে ‘ৰাষ্ট্ৰ প্ৰথম’ৰ মনোভাৱেৰে সফলতা নিশ্চিত। তেওঁ ৰাজহুৱা খণ্ডৰ উদ্যোগসমূহৰ কাম-কাজৰ সংস্কাৰ আৰু সংস্কাৰৰ লগতে ব্যক্তিগত খণ্ডৰ বাবে সুযোগ মুকলি কৰাৰ বিষয়েও কয়।

শেহতীয়াকৈ হলৰ নামত চৰকাৰক লক্ষ্য কৰি লোৱা অপপ্ৰচাৰৰ কথা উল্লেখ কৰি প্ৰধানমন্ত্ৰীয়ে কয় যে মিছা কথা যিমানেই ডাঙৰ, সঘনাই বা উচ্চ নহওক কিয়, সত্যৰ সন্মুখত সদায় পৰাজিত হয়। “এই কাৰখানা আৰু হলৰ বৰ্ধিত শক্তিয়ে মিথ্যাচাৰৰ পৃষ্ঠপোষকসকলক ছবি উদঙাই দিছে। বাস্তৱতাই নিজৰ কথা কৈছে” তেওঁ লগতে কয় যে আজি একেটা হলে ভাৰতীয় সশস্ত্ৰ বাহিনীৰ বাবে আধুনিক তেজ নিৰ্মাণ কৰি আছে আৰু প্ৰতিৰক্ষা খণ্ডত ভাৰতৰ আত্মনিৰ্ভৰত বিশ্বব্যাপী আকৰ্ষণৰ কেন্দ্ৰ আৰু শক্তিশালী কৰিছে।

প্ৰধানমন্ত্ৰীয়ে কয় যে ফুড পাৰ্ক আৰু হলৰ পিছত টুমাকুৰুলৈ ঔদ্যোগিক চহৰখন এক বৃহৎ উপহাৰ যিয়ে টুমাকুৰুক দেশৰ এক বৃহৎ ঔদ্যোগিক কেন্দ্ৰ হিচাপে গঢ়ি তোলাত সহায় কৰিব। প্ৰধানমন্ত্ৰীয়ে আনন্দ প্ৰকাশ কৰে যে এই টাউনশ্বিপখন প্ৰধানমন্ত্ৰী গতিশক্তি মাষ্টাৰপ্লেনৰ অধীনত গঢ়ি তোলা হৈছে যিখন চহৰখন মুম্বাই-চেন্নাই ঘাইপথ, বেংগালুৰু বিমানবন্দৰ, টুমাকুৰু ৰে’লৱে ষ্টেচন, মাংগুলুৰু বন্দৰৰ জৰিয়তে মাল্টিম’ডেল সংযোগৰ সৈতে সংযুক্ত হ’ব।

|

 “ডাবল ইঞ্জিন চৰকাৰে ভৌতিক আন্তঃগাঁথনিৰ প্ৰতি যিমান গুৰুত্ব দিছে সিমানেই সামাজিক আন্তঃগাঁথনিৰ প্ৰতিও সমান মনোযোগ দিছে”, শ্ৰী মোদীয়ে কয়। চলিত বৰ্ষৰ বাজেটৰ ওপৰত আলোকপাত কৰি প্ৰধানমন্ত্ৰীয়ে জল জীৱন অভিযানৰ বাজেট আবণ্টন যোৱা বছৰৰ তুলনাত ২০,০০০ কোটি বৃদ্ধি হোৱা বুলি অৱগত কৰি কয় যে এই আঁচনিৰ আটাইতকৈ ডাঙৰ হিতাধিকাৰী হৈছে সেইসকল মাতৃ-ভগ্নী যিয়ে দূৰলৈ যাত্ৰা কৰিব নালাগে ঘৰৰ বাবে পানী আনিবলৈ। তেওঁ আলোকপাত কৰে যে বিগত তিনি বছৰত এই প্ৰকল্পৰ পৰিসৰ ৩ কোটি গ্ৰাম্য পৰিয়ালৰ পৰা ১১ কোটি গ্ৰাম্য পৰিয়াললৈ বৃদ্ধি পাইছে। ডাবল ইঞ্জিন চৰকাৰৰ দায়বদ্ধতাক আলোকপাত কৰি প্ৰধানমন্ত্ৰীয়ে উল্লেখ কৰে যে আপাৰ ভদ্ৰা প্ৰকল্পৰ বাবে ৫৫০০ কোটি টকা আবণ্টন দিয়া হৈছে যিয়ে টুমাকুৰু, চিকমংগালুৰু, চিত্ৰদুৰ্গা, দভাংগেৰে আৰু মধ্য কৰ্ণাটকৰ খৰাং প্ৰভাৱিত অঞ্চলসমূহ লাভৱান কৰিব। প্ৰধানমন্ত্ৰীয়ে বৰষুণৰ পানীৰ ওপৰত নিৰ্ভৰশীল কৃষকসকলৰ লাভৰ ওপৰতো আলোকপাত কৰে।

প্ৰধানমন্ত্ৰীয়ে কয় যে এইবাৰৰ মধ্যবিত্তীয়-বন্ধুত্বপূৰ্ণ বাজেটে ‘বিকশিত ভাৰত’ৰ বাবে সকলোৰে প্ৰচেষ্টাক শক্তি প্ৰদান কৰিব। ‘সমৰ্থ ভাৰত, সম্পন্ন ভাৰত, স্বয়ংপুৰ্ণ ভাৰত, শক্তিমান ভাৰত,গতিৱান ভাৰতৰ দিশত এই বাজেট এক ডাঙৰ পদক্ষেপ। এয়া এক জনপ্ৰিয়, সৰ্বাংগীন, সামগ্ৰিক বাজেট যিয়ে সকলোকে স্পৰ্শ কৰে” প্ৰধানমন্ত্ৰীয়ে কয়। তেওঁ কৃষিক্ষেত্ৰত বঞ্চিত, যুৱক-যুৱতী, আৰু মহিলাসকলৰ বাবে বাজেটৰ সুবিধাসমূহৰ বিষয়ে বিশদভাৱে কয়। “আমি তিনিওটা দিশ, আপোনাৰ প্ৰয়োজনীয়তা, আপোনাক প্ৰদান কৰিবলগীয়া সহায় আৰু আপোনাৰ আয়ৰ কথা মনত ৰাখিলোঁ”, তেওঁ কয়।

|

প্ৰধানমন্ত্ৰীয়ে ২০১৪ চনৰ পৰা চৰকাৰে সমাজৰ সেই শ্ৰেণীটোক সৱলীকৰণৰ প্ৰচেষ্টাত গুৰুত্ব আৰোপ কৰে, যাৰ বাবে চৰকাৰী সাহায্য লাভ কৰাটো এক কঠিন কাম। “হয়তো চৰকাৰী আঁচনি তেওঁলোকৰ ওচৰলৈ অহা নাছিল, অথবা মধ্যভোগীয়ে লুটি লৈ গ’ল”, পূৰ্বতে বঞ্চিত হোৱা প্ৰতিটো শাখালৈ তেওঁৰ চৰকাৰে আগবঢ়োৱা সাহায্যৰ ওপৰত আলোকপাত কৰি প্ৰধানমন্ত্ৰীয়ে কয়। প্ৰধানমন্ত্ৰীয়ে কয় যে ‘কৰ্মচাৰী-শ্ৰমিক’ শ্ৰেণীয়ে প্ৰথমবাৰৰ বাবে পেঞ্চন আৰু বীমাৰ সুবিধা লাভ কৰিছে। তেওঁ ক্ষুদ্ৰ কৃষকক সহায় কৰাৰ বাবে প্ৰধানমন্ত্ৰী-কিষাণ সন্মান নিধিক স্পৰ্শ কৰি ৰাজপথৰ ব্যৱসায়ীসকলে লাভ কৰা ঋণৰ কথা উল্লেখ কৰে। এইবাৰৰ বাজেটেও একে মনোভাৱক আগুৱাই লৈ যোৱাটো পৰ্যবেক্ষণ কৰি প্ৰধানমন্ত্ৰীয়ে প্ৰধানমন্ত্ৰী বিকাশ যোজনাৰ ওপৰত আলোকপাত কৰে য’ত কুমাৰ, কাম্মাৰা, আক্কাছালিগা, শিল্পী, গৰেকেলাসদৱ, বদগী আদিৰ দৰে কাৰিকৰ বা বিশ্বকৰ্মা, যিসকলে নিজৰ দক্ষতাৰে কিবা এটা নিৰ্মাণ কৰে হাত আৰু হাতৰ সঁজুলি, তেওঁলোকৰ শিল্প আৰু দক্ষতাক আৰু অধিক সমৃদ্ধ কৰে।

প্ৰধানমন্ত্ৰীয়ে বঞ্চিত আৰু দৰিদ্ৰ লোকক সহায়ৰ বাবে বহু ব্যৱস্থাৰ তালিকা প্ৰস্তুত কৰে। মহামাৰীৰ সময়ত দৰিদ্ৰ লোকৰ বাবে বিনামূলীয়া ৰেচনৰ বাবে চৰকাৰে ৪ লাখ কোটি টকা ব্যয় কৰিছে। অভূতপূৰ্ব ৭০ হাজাৰ কোটি টকা দৰিদ্ৰ লোকৰ বাবে গৃহ নিৰ্মাণৰ বাবে আবণ্টন দিয়া হৈছে।

মধ্যবিত্ত শ্ৰেণীক উপকৃত কৰিব পৰা বাজেটৰ বিধানসমূহৰ ওপৰত আলোকপাত কৰি প্ৰধানমন্ত্ৰীয়ে আয়কৰত কৰ লাভৰ বিষয়ে ব্যাখ্যা কৰে। ‘৭ লাখ টকা পৰ্যন্ত আয়ৰ ওপৰত আয়কৰ শূন্য হোৱাৰ বাবে মধ্যবিত্ত শ্ৰেণীৰ মাজত যথেষ্ট উৎসাহৰ সৃষ্টি হৈছে। বিশেষকৈ ৩০ বছৰৰ তলৰ যুৱক-যুৱতীসকল, যিসকলৰ নতুন চাকৰি, নতুন ব্যৱসায়, প্ৰতিমাহে তেওঁলোকৰ একাউণ্টত অধিক ধন আহিব”, তেওঁ কয়। একেদৰে জমা ধনৰ সীমা ১৫ লাখৰ পৰা দুগুণে ৩০ লাখলৈ বৃদ্ধি কৰিলে অৱসৰপ্ৰাপ্ত কৰ্মচাৰী আৰু জ্যেষ্ঠ নাগৰিকসকলো সহায়ক হ’ব। ছুটী নগদ ধনৰ ওপৰত কৰ ৰেহাই পূৰ্বৰ ৩ লাখ আছিল বিপৰীতে এতিয়া ২৫ লাখ পৰ্যন্ত হৈছে৷

মহিলাৰ আৰ্থিক অন্তৰ্ভুক্তিৰ কেন্দ্ৰীয়তাক গুৰুত্ব আৰোপ কৰি প্ৰধানমন্ত্ৰীয়ে কয় যে “মহিলাৰ আৰ্থিক অন্তৰ্ভুক্তিয়ে পৰিয়ালত তেওঁলোকৰ কণ্ঠ শক্তিশালী কৰে আৰু ঘৰুৱা সিদ্ধান্তত তেওঁলোকৰ অংশগ্ৰহণ বৃদ্ধি কৰে। এই বাজেটত আমি আমাৰ মাতৃ, ভগ্নী আৰু কন্যাই অধিকতম বেংকত যোগদান কৰাৰ বাবে ডাঙৰ পদক্ষেপ লৈছো। আমি মহিলা সন্মান সঞ্চয়ৰ প্ৰমাণ পত্ৰ লৈ আহিছো।” প্ৰধানমন্ত্ৰীয়ে কয় যে সুকন্যা সমৃদ্ধি, মুদ্ৰা, জন-ধন আঁচনি আৰু প্ৰধানমন্ত্ৰী আৱাসৰ পিছত মহিলাসকলৰ অৰ্থনৈতিক সবলীকৰণৰ বাবে এক বৃহৎ পদক্ষেপ।

|

ডিজিটেল প্ৰযুক্তি বা সমবায় সম্প্ৰসাৰণৰ জৰিয়তে কৃষকসকলক প্ৰতিটো পদক্ষেপতে সহায় কৰাৰ সমান্তৰালকৈ এই বাজেটৰ সৰ্বোচ্চ গুৰুত্ব গ্ৰাম্য অৰ্থনীতিৰ ওপৰত দিয়া হৈছে বুলি প্ৰধানমন্ত্ৰীয়ে গুৰুত্ব আৰোপ কৰে। তেওঁ কয় যে ইয়াৰ দ্বাৰা কৃষক, পশুপালক আৰু মাছমৰীয়াসকল উপকৃত হোৱাৰ বিপৰীতে কৰ্ণাটকৰ কুঁহিয়াৰ খেতিয়কসকলে কুঁহিয়াৰৰ সমবায় স্থাপনৰ ক্ষেত্ৰত সহায় লাভ কৰিব। তেওঁ জনায় যে অদূৰ ভৱিষ্যতে বহুতো নতুন সমবায় সমিতিও গঠন কৰা হ’ব আৰু সমগ্ৰ দেশতে খাদ্যশস্যৰ মজুতকৰণৰ বাবে বৃহৎ সংখ্যক ষ্ট’ৰ নিৰ্মাণ কৰা হ’ব। ইয়াৰ দ্বাৰা ক্ষুদ্ৰ কৃষকসকলেও নিজৰ শস্য মজুত কৰি উন্নত মূল্যত বিক্ৰী কৰিব পাৰিব। প্রধানমন্ত্রীয়ে উল্লেখ কৰে যে প্রাকৃতিক খেতিৰ জৰিয়তে ক্ষুদ্র কৃষকৰ খৰচ কমোৱাৰ বাবে হাজাৰ হাজাৰ সহায়ক কেন্দ্রও স্থাপন কৰা হৈছে৷

|

কৰ্ণাটকত বাজৰাৰ গুৰুত্ব পৰ্যবেক্ষণ কৰি প্ৰধানমন্ত্ৰীয়ে কয় যে মোটা শস্যক ‘শ্ৰী আন্না’ৰ পৰিচয় দিয়া হৈছে, সেই বিশ্বাস দেশখনেও আগবঢ়াই লৈ গৈছে। তেওঁ এইবাৰৰ বাজেটত বাজৰাৰ উৎপাদনৰ ওপৰত গুৰুত্ব আৰোপ কৰি কৰ্ণাটকৰ ক্ষুদ্ৰ কৃষকসকলক যথেষ্ট উপকৃত কৰিব বুলিও কয়৷

|

এই উপলক্ষে কৰ্ণাটকৰ মুখ্যমন্ত্ৰী শ্ৰী বাসৰাজ বোম্মাই, কেন্দ্ৰীয় প্ৰতিৰক্ষা মন্ত্ৰী শ্ৰী ৰাজনাথ সিং, কেন্দ্ৰীয় সামাজিক ন্যায় আৰু সৱলীকৰণ মন্ত্ৰী শ্ৰী এ নাৰায়ণস্বামী আৰু কৰ্ণাটক চৰকাৰৰ মন্ত্ৰীসকল আৰু অন্যান্যসকলৰ লগতে উপস্থিত থাকে।

সম্পূৰ্ণ ভাষণ পঢ়িবলৈ ইয়াত ক্লিক কৰক

  • Reena chaurasia September 01, 2024

    BJP BJP
  • Babla sengupta December 31, 2023

    Babla sengupta
  • maingal Singh April 11, 2023

    BJP modi ji jai Shri RAM
  • maingal Singh April 07, 2023

    jai Hanuman ji BJP Modi ji Jai shree ram
  • maingal Singh March 17, 2023

    BJP Yogi modi sarkar3bar Jai Shri ram
  • Ramphal Sharma March 17, 2023

    हम भी चाहते हैं कि हमारे यहां बरेली जनपद (उ०प्र०) के आंवला तहसील ब्लाक रामनगर में ब्योंधन खुर्द का एरिया सबसे पिछड़ा क्षेत्र है। यहां नदी की तरफ की जमीन किसी भी उद्योग के लिए उपयुक्त है और सस्ती भी मिल सकती है। कोई उद्योग लाकर क्षेत्र का विकास करने की कृपा करें। स्थानीय प्रतिनिधियों ने कभी इस प्रकार का प्रस्ताव विधानसभा में नहीं रखा।
  • maingal Singh March 16, 2023

    JAi Shri ram
  • maingal Singh March 15, 2023

    JAi Hind Jai Bharat
  • maingal Singh March 06, 2023

    Happy Holi sir Jai Shri ram BJP modi sarkar3bar
  • maingal Singh March 03, 2023

    yes Sir Jai Shri ram
Explore More
140 crore Indians have taken a collective resolve to build a Viksit Bharat: PM Modi on Independence Day

Popular Speeches

140 crore Indians have taken a collective resolve to build a Viksit Bharat: PM Modi on Independence Day
Bharat Tex showcases India's cultural diversity through traditional garments: PM Modi

Media Coverage

Bharat Tex showcases India's cultural diversity through traditional garments: PM Modi
NM on the go

Nm on the go

Always be the first to hear from the PM. Get the App Now!
...
PM Modi urges everyone to stay calm and follow safety precautions after tremors felt in Delhi
February 17, 2025

The Prime Minister, Shri Narendra Modi has urged everyone to stay calm and follow safety precautions after tremors felt in Delhi. Shri Modi said that authorities are keeping a close watch on the situation.

The Prime Minister said in a X post;

“Tremors were felt in Delhi and nearby areas. Urging everyone to stay calm and follow safety precautions, staying alert for possible aftershocks. Authorities are keeping a close watch on the situation.”