কৰ্ণাটকৰ হুবলীত আজি প্ৰধানমন্ত্ৰী শ্ৰীযুত নৰেন্দ্ৰ মোদীয়ে ২৬ সংখ্যক ৰাষ্ট্ৰীয় যুৱ মহোৎসৱৰ শুভাৰম্ভ কৰে। স্বামী বিবেকানন্দৰ জন্ম বাৰ্ষিকীত উদযাপন কৰা ৰাষ্ট্ৰীয় যুৱ দিৱসত তেওঁৰ আদৰ্শ, শিক্ষা আৰু অৱদানক সন্মান আৰু লালন-পালন কৰাৰ উদ্দেশ্যে এই কাৰ্যসূচীৰ আয়োজন কৰা হৈছে। এই মহোৎসৱৰ বিষয়বস্তু হৈছে ‘বিকশিত যুৱ-বিকশিত ভাৰত’ আৰু ই দেশৰ সকলো প্ৰান্তৰ বিভিন্ন সংস্কৃতিক এক উমৈহতীয়া মঞ্চত আনি অংশগ্ৰহণকাৰীসকলক এক ভাৰত, শ্ৰেষ্ঠ ভাৰতৰ মনোভাৱেৰে একত্ৰিত কৰে।
সভাত ভাষণ দি প্ৰধানমন্ত্ৰীয়ে কয় যে কৰ্ণাটকৰ হুব্বলী অঞ্চল সংস্কৃতি, পৰম্পৰা আৰু জ্ঞানৰ বাবে পৰিচিত য’ত বহু মহান ব্যক্তিক জ্ঞানপীঠ পুৰস্কাৰো প্ৰদান কৰা হৈছে। এই অঞ্চলত পণ্ডিত কুমাৰ গন্ধৰ্ৱ, পণ্ডিত বাসৰাজ ৰাজগুৰু, পণ্ডিত মল্লিকাৰ্জুন মনছুৰ, ভাৰত ৰত্ন শ্ৰী ভীমসেন যোশী আৰু পণ্ডিত গাংগুবাই হাংগলৰ দৰে কেইবাগৰাকীও মহান সংগীতজ্ঞৰ জন্ম হোৱা বুলি প্ৰধানমন্ত্ৰীয়ে জনায় আৰু এই ব্যক্তিসকলৰ প্ৰতি তেওঁ শ্ৰদ্ধাঞ্জলি জ্ঞাপন কৰে।
২০২৩ চনত ৰাষ্ট্ৰীয় যুৱ দিৱসৰ গুৰুত্বৰ ওপৰত আলোকপাত কৰি প্ৰধানমন্ত্ৰীয়ে মন্তব্য কৰে যে এফালে আমাৰ উচ্ছল ৰাষ্ট্ৰীয় যুৱ মহোৎসৱ আৰু আনফালে আজাদী কা অমৃত মহোৎসৱ। “উঠা, জাগা আৰু লক্ষ্যত উপনীত নোহোৱালৈকে স্তব্ধ নহ’বা”, স্বামী বিবেকানন্দৰ এই উদ্ধৃতি উচ্চাৰণ কৰি প্ৰধানমন্ত্ৰীয়ে কয় যে এয়া ভাৰতৰ যুৱক-যুৱতীসকলৰ জীৱন মন্ত্ৰ আৰু অমৃত কালত দেশক আগুৱাই নিয়াৰ বাবে আমি আমাৰ কৰ্তব্যৰ ওপৰত গুৰুত্ব দিব লাগিব আৰু ইয়াক বুজিব লাগিব। “এই বিশেষ অনুষ্ঠানত স্বামী বিবেকানন্দ জীৰ চৰণত মই মূৰ দোৱাই শ্ৰদ্ধা জনাইছো।”, প্ৰধানমন্ত্ৰীয়ে মন্তব্য কৰে। শেহতীয়াকৈ মৃত্যু হোৱা শ্ৰী সিদ্ধেশ্বৰ স্বামীলৈও প্ৰধানমন্ত্ৰীয়ে শ্ৰদ্ধাঞ্জলি জ্ঞাপন কৰে।
শ্ৰী মোদীয়ে কৰ্ণাটকৰ ভূমিৰ সৈতে স্বামী বিবেকানন্দৰ সম্পৰ্কৰ ওপৰত আলোকপাত কৰে। তেওঁ উল্লেখ কৰিছিল যে স্বামীজীয়ে বহুবাৰ কৰ্ণাটক ভ্ৰমণ কৰিছিল আৰু মহীশূৰ মহাৰাজা তেওঁৰ চিকাগো ভ্ৰমণৰ অন্যতম মুখ্য সমৰ্থক আছিল। "স্বামীজীৰ ভাৰত ভ্ৰমণে ৰাষ্ট্ৰৰ চেতনাৰ একতাৰ সাক্ষ্য দিয়ে আৰু এয়া এক ভাৰত শ্ৰেষ্ঠ ভাৰতৰ আত্মাৰ এক চিৰন্তন উদাহৰণ", তেওঁ কয়।
স্বামী বিবেকানন্দজীৰ উদ্ধৃতি দি প্ৰধানমন্ত্ৰীয়ে কয়, "যেতিয়া আমাৰ ওচৰত যুৱশক্তি থাকে তেতিয়া ভৱিষ্যত আৰু এখন ৰাষ্ট্ৰৰ বিকাশ সহজ হৈ পৰে।" তেওঁ উল্লেখ কৰে যে কৰ্ণাটকৰ ভূমিয়ে দেশখনক বহুতো ব্যক্তিত্ব উপহাৰ দিছে যিয়ে দেশৰ প্ৰতি তেওঁলোকৰ কৰ্তব্যক সৰ্বাধিক গুৰুত্ব দিছিল আৰু অতি কম বয়সতে অসাধাৰণ কৃতিত্ব লাভ কৰিছিল। প্ৰধানমন্ত্ৰীয়ে চিত্তুৰ আৰু চাংগোলী ৰায়ন্নাৰ মহাৰাণী চিন্নাম্মাৰ উদাহৰণ দাঙি ধৰে যাৰ সাহসে ব্ৰিটিছ সাম্ৰাজ্যৰ সংকল্প ভংগ কৰে আৰু লগতে নাৰায়ণ মহাদেৱ ডোনিৰ কথা উল্লেখ কৰে যিয়ে ১৪ বছৰ বয়সত দেশৰ বাবে প্ৰাণ ত্যাগ কৰিছিল। তেওঁ ছিয়াচেনত -৫৫ ডিগ্ৰী চেলছিয়াছ উষ্ণতাত জীয়াই থকা লেন্স নায়ক হনুমন্তপ্পা কোপ্পাড়ৰ কথাও উল্লেখ কৰে। জাতিৰ বহুমুখী যুৱ প্ৰতিভাৰ সন্দৰ্ভত মন্তব্য কৰি প্ৰধানমন্ত্ৰীয়ে কয় যে ভাৰতীয় যুৱকে প্ৰতিটো ক্ষেত্ৰতে নতুন অগ্ৰগতি লাভ কৰিছে।
প্ৰধানমন্ত্ৰীয়ে পৰিৱৰ্তনশীল সময়ৰ পৰিপ্ৰেক্ষিতত ৰাষ্ট্ৰীয় লক্ষ্যৰ পৰিৱৰ্তনশীল প্ৰকৃতিৰ কথা সোঁৱৰাই দি কয় যে একবিংশ শতিকাৰ এই সময়অতি গুৰুত্বপূৰ্ণ কিয়নো আজি ভাৰত হৈছে এক বিশাল যুৱ জনসংখ্যাৰ এখন যুৱ দেশ। "যুৱ শক্তি হৈছে ভাৰতৰ যাত্ৰাৰ চালিকা শক্তি", প্ৰধানমন্ত্ৰীয়ে কয়। পৰৱৰ্তী ২৫ বছৰ ৰাষ্ট্ৰ নিৰ্মাণৰ বাবে গুৰুত্বপূৰ্ণ। যুৱ শক্তিৰ সপোন আৰু আকাংক্ষাই ভাৰতৰ দিশ আৰু গন্তব্য স্থান নিৰ্ধাৰণ কৰে আৰু যুৱ শক্তিৰ আবেগে ভাৰতৰ পথ নিৰ্ধাৰণ কৰে।
এই যুৱ শক্তিক ব্যৱহাৰ কৰিবলৈ আমি আমাৰ চিন্তাৰে, আমাৰ প্ৰচেষ্টাৰে যুৱ হ'ব লাগিব! যুৱ হোৱাৰ অৰ্থ হৈছে আমাৰ প্ৰচেষ্টাক গতিশীল কৰা। যুৱ হোৱাৰ অৰ্থ হৈছে আমাৰ দৃষ্টিকোণক মনোৰম কৰা, যুৱ হোৱাৰ অৰ্থ হৈছে ব্যৱহাৰিক হোৱা! যদি বিশ্বই সমাধানৰ বাবে আমাক বিচাৰে, ইয়াৰ কাৰণ হৈছে আমাৰ 'অমৃত' প্ৰজন্মৰ সমৰ্পণ, তেওঁ লগতে কয়।
প্ৰধানমন্ত্ৰীয়ে কয় যে ভাৰত আজি পঞ্চম বৃহত্তম অৰ্থনীতি আৰু "আমাৰ লক্ষ্য হৈছে ইয়াক শীৰ্ষ তৃতীয় স্থানলৈ উন্নীত কৰা।" প্ৰধানমন্ত্ৰীয়ে কৃষি আৰু ক্ৰীড়া ক্ষেত্ৰত উদীয়মান সুযোগৰ কথা দোহাৰে আৰু এই বিপ্লৱৰ বাবে যুৱপ্ৰজন্মৰ শক্তিক কৃতিত্ব দিয়ে। ৰাষ্ট্ৰৰ ইতিহাসত বৰ্তমানৰ মুহূৰ্তৰ গুৰুত্বৰ ওপৰত গুৰুত্ব আৰোপ কৰি প্ৰধানমন্ত্ৰীয়ে উল্লেখ কৰে যে অৰ্থনীতি, শিক্ষা, ক্ৰীড়া আৰু ষ্টাৰ্টআপৰ ক্ষেত্ৰত শক্তিশালী ভেটি স্থাপন কৰা হৈছে।
এই যুৱ শক্তিক ব্যৱহাৰ কৰিবলৈ আমি আমাৰ চিন্তাৰে, আমাৰ প্ৰচেষ্টাৰে যুৱ হ'ব লাগিব! যুৱ হোৱাৰ অৰ্থ হৈছে আমাৰ প্ৰচেষ্টাক গতিশীল কৰা। যুৱ হোৱাৰ অৰ্থ হৈছে আমাৰ দৃষ্টিকোণক মনোৰম কৰা, যুৱ হোৱাৰ অৰ্থ হৈছে ব্যৱহাৰিক হোৱা! যদি বিশ্বই সমাধানৰ বাবে আমাক বিচাৰে, ইয়াৰ কাৰণ হৈছে আমাৰ 'অমৃত' প্ৰজন্মৰ সমৰ্পণ, তেওঁ লগতে কয়।
প্ৰধানমন্ত্ৰীয়ে কয় যে ভাৰত আজি পঞ্চম বৃহত্তম অৰ্থনীতি আৰু "আমাৰ লক্ষ্য হৈছে ইয়াক শীৰ্ষ তৃতীয় স্থানলৈ উন্নীত কৰা।" প্ৰধানমন্ত্ৰীয়ে কৃষি আৰু ক্ৰীড়া ক্ষেত্ৰত উদীয়মান সুযোগৰ কথা দোহাৰে আৰু এই বিপ্লৱৰ বাবে যুৱপ্ৰজন্মৰ শক্তিক কৃতিত্ব দিয়ে। ৰাষ্ট্ৰৰ ইতিহাসত বৰ্তমানৰ মুহূৰ্তৰ গুৰুত্বৰ ওপৰত গুৰুত্ব আৰোপ কৰি প্ৰধানমন্ত্ৰীয়ে উল্লেখ কৰে যে অৰ্থনীতি, শিক্ষা, ক্ৰীড়া আৰু ষ্টাৰ্টআপৰ ক্ষেত্ৰত শক্তিশালী ভেটি স্থাপন কৰা হৈছে।
"ৰানৱে আপোনাৰ উৰণৰ বাবে সাজু! আজি ভাৰত আৰু ইয়াৰ যুৱপ্ৰজন্মৰ প্ৰতি বিশ্বত যথেষ্ট আশাবাদ আছে। এই আশাবাদ আপোনালোকৰ বিষয়ে। আৰু এই আশাবাদ আপোনালোকৰ বাবেই সম্ভৱ হৈছে। আজি বিশ্বব্যাপী কণ্ঠস্বৰে কয় যে এই শতিকা হৈছে ভাৰতৰ শতিকা। এয়া আপোনাৰ শতিকা, ভাৰতৰ যুৱপ্ৰজন্মৰ শতিকা! এইটো এক ঐতিহাসিক সময়–যেতিয়া আশাবাদ আৰু সুযোগ একেলগে আহি আছে", তেওঁ কয়। প্ৰধানমন্ত্ৰীয়ে দেশৰ শক্তি কঢ়িয়াবলৈ নাৰী শক্তিৰ ভূমিকাৰ ওপৰত গুৰুত্ব আৰোপ কৰে আৰু সশস্ত্ৰ বাহিনী, মহাকাশ প্ৰযুক্তি, মহাকাশ আৰু ক্ৰীড়াত মহিলাৰ উজ্জ্বলতাৰ উদাহৰণক স্পৰ্শ কৰে।
শ্ৰী মোদীয়ে একবিংশ শতিকাৰ ভাৰতৰ শতিকা তৈয়াৰ কৰাৰ বাবে ভৱিষ্যতবাদী চিন্তা আৰু দৃষ্টিভংগীৰ গুৰুত্বৰ ওপৰতো গুৰুত্ব আৰোপ কৰে। তেওঁ কয়, "যুৱপ্ৰজন্মৰ আশা-আকাংক্ষা পূৰণৰ বাবে আমি ইতিবাচক পৰিৱৰ্তন আনি উন্নত ৰাষ্ট্ৰসমূহতকৈও আগবাঢ়ি যোৱাটো অতি প্ৰয়োজনীয়"। অত্যাধুনিক খণ্ডসমূহৰ কথা উল্লেখ কৰি প্ৰধানমন্ত্ৰীয়ে কয় যে ভৱিষ্যতে আমাৰ যুৱপ্ৰজন্মৰ বাবে যিবোৰ চাকৰি নাই সেয়া মূলসুঁতিৰ বৃত্তি হ'ব, সেয়েহে আমাৰ যুৱপ্ৰজন্মই ভৱিষ্যতৰ দক্ষতাসমূহ আয়ত্ত্ব কৰিবলৈ প্ৰস্তুতি চলোৱাটো গুৰুত্বপূৰ্ণ। প্ৰধানমন্ত্ৰীয়ে নতুন শিক্ষা নীতিৰ জৰিয়তে উদ্ভৱ হোৱা ব্যৱহাৰিক আৰু ভৱিষ্যতৰ শিক্ষা ব্যৱস্থাৰ কথা উল্লেখ কৰে।
প্ৰধানমন্ত্ৰীয়ে স্বামী বিবেকানন্দৰ দুটা বাৰ্তাৰ ওপৰত গুৰুত্ব আৰোপ কৰে, যিটো আজিৰ এই দ্ৰুত পৰিৱৰ্তনশীল পৃথিৱীত প্ৰতিজন যুৱক-যুৱতীৰ জীৱনৰ অংশ হ'ব লাগে। তেওঁ কয়, "এই দুটা বাৰ্তা হৈছে-প্ৰতিষ্ঠান আৰু উদ্ভাৱন!" প্ৰধানমন্ত্ৰীয়ে লগতে কয় যে যেতিয়া আমি আমাৰ ধাৰণা সম্প্ৰসাৰিত কৰোঁ আৰু দলগত মনোভাৱৰ সৈতে কাম কৰোঁ তেতিয়া এটা প্ৰতিষ্ঠান গঠন হয় আৰু আজিৰ প্ৰতিজন যুৱক-যুৱতীক দলৰ সফলতাৰ ৰূপত তেওঁলোকৰ ব্যক্তিগত সফলতা বৃদ্ধি কৰিবলৈ আহ্বান জনায়। প্ৰধানমন্ত্ৰীয়ে কয়, "এই দলীয় মনোভাৱে উন্নত ভাৰতক 'টীম ইণ্ডিয়া' হিচাপে আগুৱাই নিব।"
স্বামী বিবেকানন্দৰ উদ্ভাৱনৰ ধাৰণাটোৰ ওপৰত আলোকপাত কৰি প্ৰধানমন্ত্ৰীয়ে মন্তব্য কৰে যে প্ৰতিটো কামে তিনিটা পৰ্যায়ৰ মাজেৰে পাৰ হ’ব লাগিব, সেয়া হৈছে–উপহাস, প্ৰতিবাদ আৰু গ্ৰহণযোগ্যতা। ডিজিটেল পেমেণ্ট, স্বচ্ছ ভাৰত অভিযান, জন ধন আঁচনি আৰু থলুৱাভাৱে নিৰ্মিত কভিড ভেকচিনৰ উদাহৰণ দি প্ৰধানমন্ত্ৰীয়ে প্ৰথমবাৰৰ বাবে প্ৰৱৰ্তন কৰাৰ সময়ত ইয়াক উপহাস কৰা হৈছিল বুলি মন্তব্য কৰে। তেওঁ আৰু কয় যে আজি ভাৰত ডিজিটেল পেমেণ্টৰ ক্ষেত্ৰত বিশ্বৰ আগশাৰীৰ দেশ, জন ধন একাউণ্ট আমাৰ অৰ্থনীতিৰ এক বৃহৎ শক্তিত পৰিণত হৈছে আৰু ভেকচিনৰ ক্ষেত্ৰত ভাৰতৰ কৃতিত্বৰ বিষয়ে সমগ্ৰ বিশ্বতে চৰ্চা চলি আছে। প্ৰধানমন্ত্ৰীয়ে মন্তব্য কৰে যে, “যদি আপোনাৰ কিবা নতুন ধাৰণা আছে, তেন্তে মনত ৰাখিব যে আপোনাক উপহাস কৰা হ’ব পাৰে, বা বিৰোধিতা কৰা হ’ব পাৰে। কিন্তু যদি আপুনি আপোনাৰ ধাৰণাত বিশ্বাস কৰে তেন্তে, তাক লাগি থাকক। তাৰ ওপৰত বিশ্বাস ৰাখি থাকক।”
প্ৰধানমন্ত্ৰীয়ে জনাইছে যে যুৱক-যুৱতীসকলক লৈ দেশত বহু নতুন প্ৰচেষ্টা আৰু পৰীক্ষা-নিৰীক্ষা চলি আছে। প্ৰতিযোগিতামূলক আৰু সমবায় ফেডাৰেলিজমৰ উপমা দাঙি ধৰি প্ৰধানমন্ত্ৰীয়ে কয় যে দেশৰ বিভিন্ন ৰাজ্যৰ যুৱক-যুৱতীসকলে ৰাষ্ট্ৰীয় যুৱ মহোৎসৱত বিভিন্ন প্ৰতিযোগিতাত অংশগ্ৰহণ কৰিছে। ভাৰতবৰ্ষই বিজয়ী হৈ ওলাই আহিব বুলি উল্লেখ কৰি প্ৰধানমন্ত্ৰীয়ে মন্তব্য কৰে যে ইয়াৰ যুৱক-যুৱতীসকলে কেৱল ইজনে সিজনৰ লগত প্ৰতিযোগিতা কৰাই নহয়, সহযোগিতাও কৰিব। প্ৰতিযোগিতা আৰু সহযোগিতাৰ এই মনোভাৱক আগবঢ়াই প্ৰধানমন্ত্ৰীয়ে আমাৰ সফলতা ৰাষ্ট্ৰৰ সফলতাৰ দ্বাৰা পৰিমাপ কৰা বুলি চিন্তা-ধাৰা জাগ্ৰত কৰাৰ প্ৰয়োজনীয়তাৰ ওপৰত গুৰুত্ব আৰোপ কৰে।
ভাষণ সমাপ্ত কৰি প্ৰধানমন্ত্ৰীয়ে কয়, "আজি দেশৰ লক্ষ্য হৈছে-বিকশিত ভাৰত, সশক্ত ভাৰত! (বিকশিত ভাৰত, শক্তিশালী ভাৰত) উন্নত ভাৰতৰ এই সপোন পূৰণ নোহোৱালৈকে আমি ৰ'ব নোৱাৰো”। দেশৰ প্ৰতিজন যুৱকে এই সপোনক নিজৰ কৰি দেশৰ দায়িত্ব নিজৰ কান্ধত তুলি ল’ব বুলি বিশ্বাস প্ৰকাশ কৰে প্ৰধানমন্ত্ৰীয়ে।
কৰ্ণাটকৰ ৰাজ্যপাল শ্ৰী থাৱাৰ চন্দ গেহলট, কৰ্ণাটকৰ মুখ্যমন্ত্ৰী শ্ৰী বাসৰাজ বম্মাই, কেন্দ্ৰীয় মন্ত্ৰী শ্ৰী অনুৰাগ সিং ঠাকুৰ, শ্ৰী নিসিথ প্ৰমানিক আৰু কৰ্ণাটক চৰকাৰৰ মন্ত্ৰীসকল অনুষ্ঠানত উপস্থিত থাকে।
পটভূমি
আমাৰ প্ৰতিভাৱান যুৱক-যুৱতীসকলক ৰাষ্ট্ৰীয় পৰ্যায়ত পৰিচয় দিয়াৰ লগতে তেওঁলোকক ৰাষ্ট্ৰ-নিৰ্মাণৰ দিশত প্ৰেৰণা যোগোৱাৰ বাবে প্ৰতি বছৰে ৰাষ্ট্ৰীয় যুৱ মহোৎসৱ আয়োজন কৰা হয়। ই দেশৰ সকলো প্ৰান্তৰ পৰা বৈচিত্ৰময় সংস্কৃতিক এক উমৈহতীয়া মঞ্চত আনি এক ভাৰত, শ্ৰেষ্ঠ ভাৰতৰ মনোভাৱেৰে অংশগ্ৰহণকাৰীসকলক একত্ৰিত কৰে। কৰ্ণাটকৰ হুব্বল্লী-ধাৰৱাদত ১২ জানুৱাৰীৰ পৰা ১৬ জানুৱাৰীলৈ ‘বিকশিত যুৱ-বিকশিত ভাৰত’ শীৰ্ষক মহোৎসৱৰ আয়োজন কৰা হৈছে।
The National Youth Festival in 2023 is very special. pic.twitter.com/reQ7T1LWHB
— PMO India (@PMOIndia) January 12, 2023
India's talented Yuva Shakti amazes the entire world. pic.twitter.com/c8CDvIMPbW
— PMO India (@PMOIndia) January 12, 2023
Yuva Shakti is the driving force of India’s journey!
— PMO India (@PMOIndia) January 12, 2023
The next 25 years are important for building the nation. pic.twitter.com/SlOUVe5dRa
India's youth is the growth engine of the country. pic.twitter.com/ZjA13meoU5
— PMO India (@PMOIndia) January 12, 2023
You are a special generation: PM @narendramodi to India's Yuva Shakti pic.twitter.com/WAuXvQbkAK
— PMO India (@PMOIndia) January 12, 2023
It is the century of India’s youth! pic.twitter.com/9GkqePm7ev
— PMO India (@PMOIndia) January 12, 2023
This is a historic time – when optimism and opportunity are coming together. pic.twitter.com/PoMU8B6lKL
— PMO India (@PMOIndia) January 12, 2023
India's Nari Shakti has strengthened the nation. pic.twitter.com/ViwUBNtD0u
— PMO India (@PMOIndia) January 12, 2023
We have to make 21st century India's century. pic.twitter.com/Rv0Cm2NQB6
— PMO India (@PMOIndia) January 12, 2023
