Mera Saansad
Search Search
Assamese language

প্ৰধানমন্ত্ৰীয়ে ভিডিঅ' কনফাৰেঞ্চৰ জৰিয়তে ছেকেন্দ্ৰাবাদক বিশাখাপট্টনমৰ সৈতে সংযোগ কৰা বন্দে ভাৰত এক্সপ্ৰেছ ৰে'লৰ ফ্লেগ অফ কৰে

Published By : Admin | January 15, 2023 | 10:11 IST
"বন্দে ভাৰতে তেলেংগানা আৰু অন্ধ্ৰ প্ৰদেশৰ অংশীদাৰী ঐতিহ্যক সংযোগ কৰিব"
"বন্দে ভাৰত এক্সপ্ৰেছে সূচায় যে ভাৰতে প্ৰত্যেকৰ সৰ্বশ্ৰেষ্ঠটো বিচাৰে"
"বন্দে ভাৰত হৈছে নতুন ভাৰতৰ সামৰ্থ্য আৰু সংকল্পৰ প্ৰতীক"
"সংযোগ সম্পৰ্কীয় আন্তঃগাঁথনিয়ে কেৱল দুটা স্থানক সংযোগ কৰাই নহয়, সপোনবোৰক বাস্তৱৰ সৈতে সংযোগ কৰে আৰু সকলোৰে বিকাশ নিশ্চিত কৰে"
"য'তেই গতি আছে, ত’তেই প্ৰগতি আছে, যেতিয়াই প্ৰগতি হয় সমৃদ্ধি নিশ্চিত হয়"
"যোৱা ৭-৮ বছৰত কৰা কামে অহা ৭-৮ বছৰত ভাৰতীয় ৰে'লৱেক পৰিৱৰ্তন কৰিব"

প্ৰধানমন্ত্ৰী শ্ৰী নৰেন্দ্ৰ মোদীয়ে আজি ভিডিঅ' কনফাৰেঞ্চৰ জৰিয়তে ছেকেন্দ্ৰাবাদক বিশাখাপত্তনমৰ সৈতে সংযোগ কৰা বন্দে ভাৰত এক্সপ্ৰেছ ৰে'লৰ শুভাৰম্ভ কৰে। এই ৰে'লখন ভাৰতীয় ৰে'লৱেৰ দ্বাৰা প্ৰৱৰ্তন কৰা অষ্টমখন বন্দে ভাৰত এক্সপ্ৰেছ হ'ব আৰু প্ৰায় ৭০০ কিলোমিটাৰ দূৰত্ব অতিক্ৰম কৰি তেলেংগানা আৰু অন্ধ্ৰ প্ৰদেশ দুখন তেলেগু ভাষী ৰাজ্যক সংযোগ কৰা প্ৰথমখন ৰে'ল হ'ব। ইয়াৰ বিশাখাপট্টনম, ৰাজমুন্দ্ৰী আৰু অন্ধ্ৰ প্ৰদেশৰ বিজয়ৱাড়া ষ্টেচন আৰু তেলেংগানাৰ খাম্মাম, ৱাৰাংগল আৰু ছেকেন্দ্ৰাবাদ ষ্টেচনত ষ্টপেজ থাকিব।

সমবেত লোকসকলক সম্বোধন কৰি প্ৰধানমন্ত্ৰীয়ে উৎসৱৰ কথা উল্লেখ কৰি কয় যে এই পৱিত্ৰ পৰিৱেশত তেলেংগানা আৰু অন্ধ্ৰপ্ৰদেশে এক বৃহৎ উপহাৰ লাভ কৰিছে যি অন্ধ্ৰ প্ৰদেশ আৰু তেলেংগানাৰ অংশীদাৰী ঐতিহ্যক সংযোগ কৰিব। তেওঁ দুয়োখন ৰাজ্যৰ লোকসকলক অনুষ্ঠানত অভিনন্দন জনায়। তেওঁ সেনা দিৱসত সশস্ত্ৰ বাহিনীক শ্ৰদ্ধাঞ্জলি জ্ঞাপন কৰে আৰু কয় যে ভাৰতীয় সেনা ইয়াৰ সাহসিকতা আৰু পেছাদাৰীতাৰ বাবে জনাজাত।

দেশৰ সকলো প্ৰান্তক সংযোগ কৰা উৎসৱৰ প্ৰসংগ অব্যাহত ৰাখি প্ৰধানমন্ত্ৰীয়ে কয় যে ভাৰতীয় ৰে'লৱেও এক ভাৰত শ্ৰেষ্ঠ ভাৰতৰ আত্মাৰে দেশৰ বিভিন্ন প্ৰান্তক বুজিবলৈ, জানিবলৈ আৰু সংযোগ কৰাৰ সুযোগ প্ৰদান কৰি দেশৰ দৈৰ্ঘ্য আৰু প্ৰস্থ অতিক্ৰম কৰি সংযোগ স্থাপন কৰে।

প্ৰধানমন্ত্ৰীয়ে বন্দে ভাৰত এক্সপ্ৰেছে তীৰ্থযাত্ৰী আৰু পৰ্যটক দুয়োকে যথেষ্ট লাভান্বিত কৰিব বুলি উল্লেখ কৰে আৰু কয় যে ছেকেন্দ্ৰাবাদ আৰু বিশাখাপট্টনমৰ মাজত ভ্ৰমণৰ সময় অধিক হ্ৰাস পাব।

"বন্দে ভাৰত হৈছে নতুন ভাৰতৰ সামৰ্থ্য আৰু সংকল্পৰ প্ৰতীক", প্ৰধানমন্ত্ৰীয়ে কয়, "ই সেই ভাৰতৰ প্ৰতীক যিয়ে দ্ৰুত বিকাশৰ পথ বাছি লৈছে।" প্ৰধানমন্ত্ৰীয়ে উল্লেখ কৰে যে এই ৰে'লখনে এনে এখন ভাৰতক প্ৰতিফলিত কৰে যি ইয়াৰ সপোন আৰু আকাংক্ষাৰ প্ৰতি আগ্ৰহী, এনে এখন ভাৰত যি নিজৰ লক্ষ্য প্ৰাপ্ত কৰিব বিচাৰে, উৎকৃষ্টতাৰ বাবে চেষ্টা কৰা ভাৰত, ইয়াৰ নাগৰিকসকলক সৰ্বশ্ৰেষ্ঠ প্ৰদান কৰিব বিচৰা ভাৰত আৰু দাসত্বৰ মানসিকতাৰ শৃংখলা ভংগ কৰা আৰু আত্মনিৰভৰ্তাৰ দিশে আগবাঢ়ি যোৱা ভাৰত।

প্ৰধানমন্ত্ৰীয়ে বন্দে ভাৰত ৰে'লৰ ক্ষেত্ৰত চলি থকা কামৰ গতিৰ কথাও উল্লেখ কৰে। তেওঁ উল্লেখ কৰে যে ১৫ দিনৰ ভিতৰত দ্বিতীয়খন বন্দে ভাৰত এই বছৰত কাৰ্যকৰী হৈছে আৰু ই পৰিৱৰ্তনৰ গতি সূচায়। তেওঁ বন্দে ভাৰত ৰেলৰ থলুৱা চৰিত্ৰ আৰু জনসাধাৰণৰ মনত ইয়াৰ প্ৰভাৱ আৰু গৌৰৱৰ কথাও আলোকপাত কৰে। তেওঁ জনায় যে ৭ খন বন্দে ভাৰত ৰে'লে ২৩ লাখ কিলোমিটাৰ দূৰত্ব অতিক্ৰম কৰিছে, যি পৃথিৱীৰ ৫৮টা আৱৰ্তনৰ সমান। তেওঁ কয় যে এতিয়ালৈকে বন্দে ভাৰত ৰে'লত ৪০ লাখৰো অধিক যাত্ৰীয়ে ভ্ৰমণ কৰিছে।

প্ৰধানমন্ত্ৰীয়ে সংযোগ আৰু গতি আৰু 'সবকা বিকাশ'ৰ সৈতে ইয়াৰ সম্পৰ্কৰ মাজত পোনপটীয়া সম্পৰ্কৰ কথা উল্লেখ কৰে। "সংযোগ সম্পৰ্কীয় আন্তঃগাঁথনিয়ে কেৱল দুটা স্থানক সংযোগ কৰাই নহয়, সপোনবোৰক বাস্তৱ, উৎপাদনক বজাৰৰ সৈতে, প্ৰতিভাক সঠিক মঞ্চৰ সৈতে সংযোগ কৰে। সংযোগে উন্নয়নৰ সম্ভাৱনা বৃদ্ধি কৰিছে", তেওঁ কয়। "য'তেই গতি আছে, প্ৰগতি আছে। যেতিয়াই প্ৰগতি হয় সমৃদ্ধি নিশ্চিত হয়", তেওঁ লগতে কয়।

প্ৰধানমন্ত্ৰীয়ে সেই সময়ৰ কথা স্মৰণ কৰে যেতিয়া আধুনিক সংযোগৰ সুবিধা নিৰ্বাচিত কেইজনমানৰ মাজতহে সীমাবদ্ধ আছিল আৰু জনসংখ্যাৰ বেছিভাগে ব্যয়বহুল পৰিবহণত যথেষ্ট সময় অপচয় কৰি আছিল। বন্দে ভাৰত ৰেলখনে সেই চিন্তাধাৰাক ত্যাগ কৰাৰ পৰিৱৰ্তন আৰু সকলোকে গতি আৰু প্ৰগতিৰ সৈতে সংযোগ কৰাৰ এক দৃষ্টিভংগীৰ উদাহৰণ দিয়ে। প্ৰধানমন্ত্ৰীয়ে উল্লেখ কৰে যে ৰে'লৱেৰ অজুহাত আৰু দুৰ্বল প্ৰতিচ্ছবি আৰু হতাশাজনক পৰিস্থিতিৰ প্ৰতি এক নিয়তিবাদী দৃষ্টিভংগীৰ সময় সলনি হৈছিল যেতিয়া ভাল আৰু সৎ উদ্দেশ্যৰে এই সমস্যাবোৰ সমাধান কৰা হৈছিল আৰু বিগত আঠ বছৰত এই মন্ত্ৰটোৱেই ভাৰতীয় ৰে'লক পৰিৱৰ্তন কৰিছিল।

প্ৰধানমন্ত্ৰীয়ে কয় যে আজি ভাৰতীয় ৰে'লৱেৰ দ্বাৰা ভ্ৰমণ কৰাটো এক আনন্দদায়ক অভিজ্ঞতা হৈ পৰিছে। বহুতো ৰেল ষ্টেচনে আধুনিক ভাৰতৰ প্ৰতিচ্ছবি প্ৰতিফলিত কৰে। "যোৱা ৭-৮ বছৰত কৰা কামে অহা ৭-৮ বছৰত ভাৰতীয় ৰে'লৰ পৰিৱৰ্তন ঘটাব", তেওঁ কয়। শ্ৰী মোদীয়ে কয় যে পৰ্যটনৰ প্ৰসাৰৰ বাবে ভিষ্টাডোম ডবা আৰু ঐতিহ্যবাহী ৰে'ল, দূৰৱৰ্তী বজাৰলৈ কৃষিজাত সামগ্ৰী কঢ়িয়াই নিয়াৰ বাবে কিষাণ ৰে'ল, ২ ডজনতকৈও অধিক চহৰে মেট্ৰ' নেটৱৰ্ক লাভ কৰিছে আৰু এক ভৱিষ্যতৰ দ্ৰুত ৰে'ল পৰিবহণ ব্যৱস্থা দ্ৰুতগতিত উদ্ভৱ হৈছে।

প্ৰধানমন্ত্ৰীয়ে বিগত ৮ বছৰত তেলেংগানাত ৰে'লপথ সন্দৰ্ভত কৰা ব্যতিক্ৰমী কামৰ কথা উল্লেখ কৰে। তেওঁ জনায় যে ২০১৪ চনৰ ৮ বছৰ আগতে তেলেংগানাৰ ৰে'লৱেৰ বাবে ২৫০ কোটি টকাৰ কম বাজেট আছিল কিন্তু আজি ই ৩০০০ কোটি টকালৈ বৃদ্ধি পাইছে। তেওঁ জনায় যে মেদকৰ দৰে তেলেংগানাৰ বহুতো অঞ্চল এতিয়া প্ৰথমবাৰৰ বাবে ৰেল সেৱাৰ দ্বাৰা সংযুক্ত হৈ আছে। তেওঁ লগতে উল্লেখ কৰে যে ২০১৪ চনৰ আগৰ ৮ বছৰত তেলেংগানাত ১২৫ কিলোমিটাৰতকৈও কম নতুন ৰে'ল লাইন নিৰ্মাণ কৰা হৈছিল, আনহাতে যোৱা বছৰবোৰত তেলেংগানাত প্ৰায় ৩২৫ কিলোমিটাৰ নতুন ৰে'ল লাইন নিৰ্মাণ কৰা হৈছিল। তেওঁ লগতে কয় যে তেলেংগানাত ২৫০ কিলোমিটাৰৰো অধিক 'ট্ৰেক মাল্টি-ট্ৰেকিং'ৰ কামো কৰা হৈছে আৰু লগতে কয় যে এই বৈদ্যুতিকীকৰণৰ সময়ছোৱাত ৰাজ্যখনত ৰে'লপথৰ বৈদ্যুতিকীকৰণ ৩ গুণ বৃদ্ধি পাইছে। "অতি শীঘ্ৰেই আমি তেলেংগানাৰ সকলো ব্ৰডগজ পথত বৈদ্যুতিকীকৰণৰ কাম সম্পূৰ্ণ কৰিবলৈ গৈ আছো", প্ৰধানমন্ত্ৰীয়ে জানিবলৈ দিয়ে।

প্ৰধানমন্ত্ৰীয়ে বন্দে ভাৰতক এমূৰৰ পৰা অন্ধ্ৰপ্ৰদেশৰ সৈতেও সংযুক্ত বুলি মন্তব্য কৰি কয় যে কেন্দ্ৰীয় চৰকাৰে অন্ধ্ৰপ্ৰদেশত ৰে'ল নেটৱৰ্ক শক্তিশালী কৰাৰ বাবে নিৰন্তৰ কাম কৰি আছে। জীৱন ধাৰণৰ সহজতা আৰু লগতে ব্যৱসায় কৰাৰ সহজতাৰ বাবে কেন্দ্ৰীয় চৰকাৰৰ প্ৰচেষ্টাৰ কথা উল্লেখ কৰি প্ৰধানমন্ত্ৰীয়ে উল্লেখ কৰে যে বিগত বছৰসমূহত অন্ধ্ৰপ্ৰদেশত ৩৫০ কিলোমিটাৰ নতুন ৰে'লপথ আৰু প্ৰায় ৮০০ কিলোমিটাৰ মাল্টি-ট্ৰেকিং নিৰ্মাণ সম্পূৰ্ণ হৈছে। তেওঁ কয় যে ২০১৪ চনৰ পূৰ্বৰ তুলনাত পূৰ্বৰ চৰকাৰৰ সময়ত অন্ধ্ৰ প্ৰদেশত বছৰি মাত্ৰ ৬০ কিলোমিটাৰ ৰে'লপথত বিদ্যুত সংযোগ কৰা হৈছিল আৰু এতিয়া এই গতি এতিয়া বছৰি ২২০ কিলোমিটাৰতকৈও অধিক লৈ বৃদ্ধি পাইছে।

ভাষণ সমাপ্ত কৰি প্ৰধানমন্ত্ৰীয়ে কয়, "গতি আৰু প্ৰগতিৰ এই প্ৰক্ৰিয়া এনেদৰেই অব্যাহত থাকিব'' আৰু তেলেংগানা আৰু অন্ধ্ৰপ্ৰদেশলৈ বন্দে ভাৰত এক্সপ্ৰেছ ৰে'লৰ বাবে সকলোকে অভিনন্দন জনায়।

ৰাজ্যপাল শ্ৰীমতী তামিলিচাই সৌন্দৰৰাজন, কেন্দ্ৰীয় মন্ত্ৰী শ্ৰী অশ্বিনী বৈষ্ণৱ, ৰাজ্যিক মন্ত্ৰী শ্ৰী জি কিষাণ ৰেড্ডী আৰু সংসদৰ সদস্যসকল এই অনুষ্ঠানত উপস্থিত আছিল।

সম্পূৰ্ণ ভাষণ পঢ়িবলৈ ইয়াত ক্লিক কৰক

Login or Register to add your comment
Explore More
140 crore Indians have taken a collective resolve to build a Viksit Bharat: PM Modi on Independence Day

Popular Speeches

140 crore Indians have taken a collective resolve to build a Viksit Bharat: PM Modi on Independence Day
View All
Cabinet approves minimum support price for Copra for the 2025 season

Media Coverage

Cabinet approves minimum support price for Copra for the 2025 season
View All
NM on the go

Nm on the go

Always be the first to hear from the PM. Get the App Now!
Download App
...
চ'ছিয়েল মিডিয়া কৰ্ণাৰ 21 ডিচেম্বৰ 2024
December 21, 2024

Inclusive Progress: Bridging Development, Infrastructure, and Opportunity under the leadership of PM Modi