“এবছৰৰ ভিতৰত ‘ভাৰতত বিনিয়োগ কিয়’ৰ পৰা ‘ভাৰতত বিনিয়োগ কিয় নহয়’লৈ প্ৰশ্নটো সলনি হৈছে”
“ভাৰতৰ সামৰ্থ্যৰ সৈতে নিজৰ সপোন মিলাই দিয়াসকলক ভাৰতে নিৰাশ নকৰে”“গণতন্ত্ৰ, জনগাঁথনি আৰু লভ্যাংশই ভাৰতৰ ব্যৱসায় দুগুণ আৰু তিনিগুণ বৃদ্ধি কৰিব”“স্বাস্থ্য হওক, কৃষি হওক বা লজিষ্টিক হওক, ভাৰতে স্মাৰ্ট প্ৰযুক্তি ব্যৱহাৰৰ দৃষ্টিভংগীৰ দিশত কাম কৰি আছে”“বিশ্বক এক নিৰ্ভৰযোগ্য যোগান শৃংখলৰ প্ৰয়োজন। বিশ্বৰ সৰ্ববৃহৎ গণতন্ত্ৰতকৈ অধিক বিশ্বাসযোগ্য অংশীদাৰ কোন হ’ব পাৰে”তেওঁ কয় যে অৰ্ধপৰিবাহী পৰিৱেশ তন্ত্ৰক বুজি পোৱা নেতৃত্ব থকাটোৱেই বৰ্তমানৰ ব্যৱস্থাটোক পৃথক কৰি তোলে। তেওঁ কয় যে এছিয়াত অৰ্ধপৰিবাহীৰ ক্ষেত্ৰত ভাৰত পৰৱৰ্তী শক্তিশালী দেশ হ’ব।তেওঁ কয় যে এএমডিয়ে নিজৰ আৰ এণ্ড ডি ক্ষমতা বৃদ্ধি কৰিব। “আমি বেংগালুৰুত আমাৰ সৰ্ববৃহৎ ডিজাইন চেণ্টাৰ নিৰ্মাণ কৰিম”, তেওঁ কয়।আজি গুজৰাটৰ গান্ধীনগৰৰ মহাত্মা মন্দিৰত প্ৰধানমন্ত্ৰী শ্ৰী নৰেন্দ্ৰ মোদীয়ে ছেমিকন ইণ্ডিয়া ২০২৩ উদ্বোধন কৰে। সন্মিলনৰ বিষয়বস্তু হৈছে ‘ভাৰতৰ অৰ্ধপৰিবাহী পৰিৱেশ তন্ত্ৰক অনুঘটক কৰা’। ইয়াত ভাৰতৰ অৰ্ধপৰিবাহী কৌশল আৰু নীতি প্ৰদৰ্শন কৰা হৈছে যিয়ে ভাৰতক অৰ্ধপৰিবাহী ডিজাইন, উৎপাদন আৰু প্ৰযুক্তি বিকাশৰ বাবে এক বিশ্বব্যাপী কেন্দ্ৰ হিচাপে গঢ়ি তোলাৰ কল্পনা কৰিছে।
এই উপলক্ষে উদ্যোগৰ নেতাসকলে নিজৰ মতামত ব্যক্ত কৰে। সভাপতি তথা মুখ্য কাৰ্যবাহী বিষয়া ছেমি শ্ৰী অজিত মিনোচাই কয় যে ভাৰতৰ ইতিহাসত প্ৰথমবাৰৰ বাবে ভূ-ৰাজনীতি, ঘৰুৱা ৰাজনীতি আৰু ব্যক্তিগত গোপন ক্ষমতা ভাৰতৰ পক্ষত একাকাৰ কৰি অৰ্ধপৰিবাহী উৎপাদনৰ খেলুৱৈ হ’বলৈ সক্ষম হৈছে। তেওঁ কয় যে মাইক্ৰনৰ বিনিয়োগে ভাৰতত ইতিহাস ৰচনা কৰি আছে আৰু ই আনসকলেও অনুসৰণ কৰাৰ মঞ্চ তৈয়াৰ কৰিব। তেওঁ কয় যে অৰ্ধপৰিবাহী পৰিৱেশ তন্ত্ৰক বুজি পোৱা নেতৃত্ব থকাটোৱেই বৰ্তমানৰ ব্যৱস্থাটোক পৃথক কৰি তোলে। তেওঁ কয় যে এছিয়াত অৰ্ধপৰিবাহীৰ ক্ষেত্ৰত ভাৰত পৰৱৰ্তী শক্তিশালী দেশ হ’ব।
ইভিপি আৰু চিটিঅ’ এএমডি মিষ্টাৰ মাৰ্ক পেপাৰমাষ্টাৰে শেহতীয়াকৈ হোৱাইট হাউছত প্ৰধানমন্ত্ৰীৰ সৈতে চিইঅ’ এএমডিৰ বৈঠকৰ কথা স্মৰণ কৰে। তেওঁ ঘোষণা কৰে যে অহা ৫ বছৰত এ এম ডিয়ে প্ৰায় ৪০ কোটি ডলাৰ বিনিয়োগ কৰিব। তেওঁ কয় যে এএমডিয়ে নিজৰ আৰ এণ্ড ডি ক্ষমতা বৃদ্ধি কৰিব। “আমি বেংগালুৰুত আমাৰ সৰ্ববৃহৎ ডিজাইন চেণ্টাৰ নিৰ্মাণ কৰিম”, তেওঁ কয়।
অৰ্ধপৰিবাহী প্ৰডাক্ট গ্ৰুপ এপ্লাইড মেটেৰিয়েলছৰ সভাপতি ড০ প্ৰভু ৰাজাই কয় যে প্ৰধানমন্ত্ৰী মোদীৰ শক্তিশালী দৃষ্টিভংগীৰে ভাৰত বিশ্বৰ অৰ্ধপৰিবাহী উদ্যোগত কেন্দ্ৰীয় ভূমিকা পালন কৰিবলৈ সাজু হৈছে। "আমি দৃঢ়ভাৱে বিশ্বাস কৰোঁ যে এয়া ভাৰতৰ জিলিকি থকাৰ সময়", তেওঁ কয়। কোনো কোম্পানী বা দেশেই এই খণ্ডৰ প্ৰত্যাহ্বান অতিক্ৰম কৰিব নোৱাৰে। এই খণ্ডত সহযোগিতামূলক অংশীদাৰিত্বৰ সময় আহি পৰিছে৷ এই নতুন সহযোগিতামূলক আৰ্হিটোৱে আমাক এই খণ্ডত অনুঘটক হ’বলৈ অনুপ্ৰাণিত কৰিব পাৰে বুলি তেওঁ জোৰ দিয়ে। তেওঁ লগতে কয়, "ভাৰতৰ অৰ্ধপৰিবাহী দৃষ্টিভংগীত আমাক এক মূল্যৱান অংশীদাৰ বুলি গণ্য কৰাৰ বাবে মই আপোনালোকক ধন্যবাদ জনাইছোঁ।"
শ্ৰী অনিৰুদ্ধ দেৱগন, সভাপতি তথা মুখ্য কাৰ্যবাহী বিষয়া কেডেন্সে কয় যে ভাৰতে অৱশেষত অৰ্ধপৰিবাহীত বিনিয়োগ কৰাটো সঁচাকৈয়ে ভাল হৈছে। চৰকাৰে সমগ্ৰ পৰিৱেশ তন্ত্ৰত বিনিয়োগ কৰি থকাত তেওঁ সুখ প্ৰকাশ কৰে।
বেদান্ত গ্ৰুপৰ অধ্যক্ষ শ্ৰী অনিল আগৰৱালাই কয় যে বিশেষজ্ঞসকলে অনুভৱ কৰে যে ভাৰতৰ চিলিকন উপত্যকাৰ বাবে গুজৰাট উপযুক্ত স্থান। তেওঁ ভাৰতৰ যুৱক-যুৱতীসকলৰ বাবে নতুন সুযোগ সৃষ্টিৰ প্ৰধানমন্ত্ৰীৰ দৃষ্টিভংগীৰ ওপৰত আলোকপাত কৰে। তেওঁ কয়, "যোৱা দশকত ভাৰত কেনেদৰে ৰূপান্তৰিত হৈছে আমি দেখিছোঁ আৰু ভাৰতীয় যুৱক-যুৱতীসকলৰ আকাংক্ষা সঁচাকৈয়ে উচ্চ।"
মাইক্ৰন টেকন’লজিৰ সভাপতি তথা মুখ্য কাৰ্যবাহী বিষয়া শ্ৰী সঞ্জয় মেহৰোত্ৰাই ভাৰতক বিশ্বব্যাপী অৰ্ধপৰিবাহী হাবলৈ ৰূপান্তৰিত কৰাৰ বিশ্বব্যাপী দৃষ্টিভংগীৰ বাবে প্ৰধানমন্ত্ৰীক ধন্যবাদ জ্ঞাপন কৰে। গুজৰাট ৰাজ্যত স্মৃতিশক্তিৰ বাবে অৰ্ধপৰিবাহী সমাবেশ আৰু পৰীক্ষাৰ সুবিধা স্থাপন কৰাত গৌৰৱ প্ৰকাশ কৰি মিষ্টাৰ মেহৰোত্ৰাই কয় যে এই প্ৰকল্পই অনাগত বছৰবোৰত সমুদায়টোৰ ভিতৰত ১৫ হাজাৰ অতিৰিক্ত চাকৰিৰ লগতে প্ৰায় ৫ হাজাৰ চাকৰিৰ সৃষ্টি কৰিব। ৰাজ্যত অৰ্ধপৰিবাহী উদ্যোগ স্থাপনৰ ক্ষেত্ৰত কেন্দ্ৰ আৰু ৰাজ্য চৰকাৰ উভয়কে সহায় আগবঢ়োৱাৰ বাবে তেওঁ ধন্যবাদ জ্ঞাপন কৰে। লগতে সুদৃঢ় ফলাফল সৃষ্টি কৰা উদ্ভাৱন, ব্যৱসায়িক বিকাশ আৰু সামাজিক প্ৰগতিৰ পৰিৱেশ গঢ়ি তোলাৰ বাবে প্ৰধানমন্ত্ৰীক ধন্যবাদ জনায়। তেওঁ আৰু কয়, “ডিজিটেল ইণ্ডিয়া আৰু মেক ইন ইণ্ডিয়াই প্ৰকৃততে এক পৰিৱৰ্তনশীল শক্তিৰ সৃষ্টি কৰিছে যিয়ে ইতিবাচক অগ্ৰগতি অব্যাহত ৰাখিব।”
ফক্সকনৰ অধ্যক্ষ মিষ্টাৰ ইয়ং লিউৱে টাইৱান অৰ্ধপৰিবাহী উদ্যোগৰ মনোভাৱৰ ওপৰত আলোকপাত কৰে, যিটো হৈছে অভিযোগ নকৰাকৈ কঠোৰ পৰিশ্ৰম কৰাৰ ক্ষমতা আৰু ভাৰততো একে মনোভাৱ প্ৰয়োগ কৰিব পাৰি। ভাৰত চৰকাৰৰ উচ্চ ‘কোৱা-ক’ অনুপাতৰ কথা উল্লেখ কৰি মিষ্টাৰ লিউৱে বহু বছৰৰ আগতে টাইৱানে কৰাৰ দৰে প্ৰত্যাহ্বানসমূহ অতিক্ৰম কৰিবলৈ বিশ্বাস আৰু একেলগে কাম কৰাৰ গুৰুত্বৰ ওপৰত আলোকপাত কৰে। মিষ্টাৰ লিউৱে অৰ্ধপৰিবাহী উদ্যোগৰ নেতৃত্ব দিয়াৰ বাবে ভাৰত চৰকাৰৰ ইচ্ছা আৰু দৃঢ়তাৰ ওপৰত আস্থা আৰু আশাবাদ প্ৰকাশ কৰে। “আই টিৰ অৰ্থ হ’ল ভাৰত আৰু টাইৱান”, প্ৰধানমন্ত্ৰীৰ উদ্ধৃতি দি মিষ্টাৰ লিউৱে কয় যে টাইৱান অৰ্ধপৰিবাহী উদ্যোগত ভাৰতৰ আটাইতকৈ বিশ্বাসযোগ্য আৰু নিৰ্ভৰযোগ্য অংশীদাৰ হ’ব।
সভাত ভাষণ দি প্ৰধানমন্ত্ৰীয়ে জোৰ দি কয় যে ছেমিকনৰ দৰে অনুষ্ঠানবোৰ ছফটৱেৰ আপডেটৰ দৰে য’ত বিশেষজ্ঞ আৰু উদ্যোগৰ নেতাসকল লগ হয় আৰু ইজনে সিজনৰ সৈতে ভাগ-বতৰা কৰে। প্ৰধানমন্ত্ৰীয়ে কয় যে আমাৰ সম্পৰ্কৰ সমন্বয়ৰ বাবে ই গুৰুত্বপূৰ্ণ। সভাস্থলীত স্থাপন কৰা প্ৰদৰ্শনীখন প্ৰত্যক্ষ কৰি শ্ৰী মোদীয়ে খণ্ডটোৰ উদ্ভাৱন আৰু শক্তিক লৈ আনন্দ প্ৰকাশ কৰে। প্ৰধানমন্ত্ৰীয়ে সকলোকে, বিশেষকৈ নৱপ্ৰজন্মক চলি থকা প্ৰদৰ্শনীখন পৰিদৰ্শন কৰি নতুন প্ৰযুক্তিৰ শক্তি বুজিবলৈ আহ্বান জনায়।
যোৱা বছৰ ছেমিকনৰ প্ৰথম সংস্কৰণত অংশগ্ৰহণৰ কথা সোঁৱৰাই প্ৰধানমন্ত্ৰীয়ে সেই সময়ত ভাৰতত অৰ্ধপৰিবাহী উদ্যোগত বিনিয়োগ সন্দৰ্ভত উত্থাপিত প্ৰশ্নসমূহৰ ওপৰত আলোকপাত কৰে। তেওঁ ৰেখাংকিত কৰি কয় যে এবছৰৰ ভিতৰত প্ৰশ্নসমূহ ‘ভাৰতত বিনিয়োগ কিয়’ৰ পৰা ‘ভাৰতত বিনিয়োগ কিয় নহয়’লৈ ৰূপান্তৰিত হৈছে। “উদ্যোগৰ নেতাসকলৰ প্ৰচেষ্টাৰ বাবে দিশগত পৰিৱৰ্তন হৈছে”, ভাৰতৰ প্ৰতি তেওঁলোকৰ বিশ্বাস প্ৰদৰ্শনৰ বাবে তেওঁলোকক সম্বৰ্ধনা জনাই শ্ৰী মোদীয়ে কয়। তেওঁ কয় যে উদ্যোগৰ নেতাসকলে ভাৰতৰ আকাংক্ষা আৰু সামৰ্থ্যক নিজৰ ভৱিষ্যত আৰু সপোনৰ সৈতে সংযুক্ত কৰিছে। “ভাৰতে নিৰাশ নকৰে”, তেওঁ উল্লেখ কৰে। শ্ৰী মোদীয়ে একবিংশ শতিকাৰ ভাৰতত সুযোগৰ প্ৰাচুৰ্য্যৰ ওপৰত আলোকপাত কৰি কয় যে দেশৰ গণতন্ত্ৰ, জনগাঁথনি আৰু লভ্যাংশই ভাৰতৰ ব্যৱসায় দুগুণ আৰু তিনিগুণ বৃদ্ধি কৰিব।
তাৰ মূলতে ঘাতীয় বৃদ্ধিৰ সৈতে মূৰৰ নিয়মৰ কথা উল্লেখ কৰি, তেওঁ কয় যে ভাৰতৰ ডিজিটেল আৰু ইলেক্ট্ৰনিক উৎপাদন খণ্ডতো আমি একেধৰণৰ ঘাতীয় বৃদ্ধিৰ সাক্ষী হৈ আছোঁ। তেওঁ অৱগত কৰে যে বিশ্বব্যাপী ইলেক্ট্ৰনিক উৎপাদনত ভাৰতৰ অংশীদাৰিত্ব বহুগুণ বৃদ্ধি পাইছে। ২০১৪ চনত ভাৰতৰ ইলেক্ট্ৰনিক উৎপাদন ৩০ বিলিয়ন ডলাৰৰ কম আছিল, যিটোৱে আজি ১০০ বিলিয়ন ডলাৰ অতিক্ৰম কৰিছে। যোৱা ২ বছৰত ইলেক্ট্ৰনিকছ আৰু মোবাইল ডিভাইচৰ ৰপ্তানি দুগুণ বৃদ্ধি পাইছে। ২০১৪ চনৰ পিছৰ ভাৰতৰ প্ৰযুক্তিগত বিকাশৰ ওপৰত আলোকপাত কৰি প্ৰধানমন্ত্ৰীয়ে জনায় যে ২০১৪ চনৰ আগতে ভাৰতত মাত্ৰ দুটা মোবাইল উৎপাদন ইউনিট আছিল যদিও আজি এই সংখ্যা ২০০ৰ ওপৰলৈ গৈছে। তেওঁ লগতে জনাইছে যে দেশত ব্ৰডবেণ্ড ব্যৱহাৰকাৰীৰ সংখ্যা ৬ কোটিৰ পৰা ৮০ কোটিলৈ বৃদ্ধি পোৱাৰ বিপৰীতে ইণ্টাৰনেট সংযোগৰ সংখ্যা ২৫ কোটিৰ পৰা আজি ৮৫ কোটিতকৈও অধিক হৈছে। এই পৰিসংখ্যাৰ উল্লেখ কৰি প্ৰধানমন্ত্ৰীয়ে জোৰ দি কয় যে ই কেৱল ভাৰতৰ অগ্ৰগতিৰ সূচনা কৰাই নহয়, দেশৰ ব্যৱসায় বৃদ্ধিৰ বাবেও এক সূচক। শ্ৰী মোদীয়ে ছেমিকন উদ্যোগৰ ঘাতীয় বৃদ্ধিৰ লক্ষ্যত ভাৰতৰ গুৰুত্বপূৰ্ণ ভূমিকাক আলোকপাত কৰে।
“আজি বিশ্ব উদ্যোগ ৪.০ বিপ্লৱৰ সাক্ষী হৈ আছে”, বিশ্বৰ যিকোনো ঔদ্যোগিক বিপ্লৱৰ ভিত্তি সেই বিশেষ খণ্ডৰ জনসাধাৰণৰ আকাংক্ষা বুলি উল্লেখ কৰি শ্ৰী মোদীয়ে মন্তব্য কৰে, “অতীতৰ ঔদ্যোগিক বিপ্লৱ আৰু আমেৰিকান সপোনৰ মাজত একে সম্পৰ্ক আছিল”, উদ্যোগ ৪.০ বিপ্লৱ আৰু ভাৰতীয় আকাংক্ষাৰ মাজত উপমা দি প্ৰধানমন্ত্ৰীয়ে কয়। তেওঁ কয় যে ভাৰতৰ আকাংক্ষা ভাৰতৰ উন্নয়নৰ চালিকা শক্তি। তেওঁ শেহতীয়াকৈ প্ৰকাশিত প্ৰতিবেদনখনক স্পৰ্শ কৰে য’ত কোৱা হৈছে যে দৰিদ্ৰতা অতি দ্ৰুত হাৰত হ্ৰাস পাইছে যাৰ ফলত দেশত নব্য মধ্যবিত্ত শ্ৰেণীৰ উত্থান ঘটিছে। প্ৰযুক্তি-বন্ধুত্বপূৰ্ণ প্ৰকৃতি আৰু প্ৰযুক্তি গ্ৰহণৰ প্ৰতি ভাৰতীয় জনসাধাৰণৰ আগ্ৰহক লক্ষ্য কৰি প্ৰধানমন্ত্ৰীয়ে কয় যে গাঁওসমূহত কম মূল্যৰ তথ্যৰ হাৰ, মানসম্পন্ন ডিজিটেল আন্তঃগাঁথনি আৰু নিৰৱচ্ছিন্ন বিদ্যুৎ যোগানে ডিজিটেল সামগ্ৰীৰ ব্যৱহাৰ বৃদ্ধি কৰিছে। “স্বাস্থ্য হওক, কৃষি হওক বা লজিষ্টিক হওক, ভাৰতে স্মাৰ্ট প্ৰযুক্তি ব্যৱহাৰৰ দৃষ্টিভংগীৰ দিশত কাম কৰি আছে”, শ্ৰী মোদীয়ে কয়। তেওঁ উল্লেখ কৰে যে ভাৰতত এনে কিছুমান লোক আছে যিয়ে হয়তো কোনো মৌলিক ঘৰুৱা সঁজুলি ব্যৱহাৰ কৰা নাই কিন্তু আন্তঃসংযোগী স্মাৰ্ট ডিভাইচৰ ব্যৱহাৰ কৰিবলৈ ওলাইছে। একেদৰে প্ৰধানমন্ত্ৰীয়ে কয় যে, এটা বিশেষ ছাত্ৰ জনসংখ্যাই হয়তো আগতে চাইকেল ব্যৱহাৰ কৰা নাছিল, কিন্তু আজি তেওঁলোকক স্মাৰ্ট ইলেক্ট্ৰিক বাইক ব্যৱহাৰ কৰিবলৈ উদ্বুদ্ধ কৰা হৈছে। “ভাৰতৰ ক্ৰমবৰ্ধমান নব্য মধ্যবিত্ত শ্ৰেণী ভাৰতীয় আকাংক্ষাৰ শক্তিকেন্দ্ৰ হৈ পৰিছে”, প্ৰধানমন্ত্ৰীয়ে কয়। তেওঁ চিপ নিৰ্মাণ উদ্যোগটো সুযোগেৰে ভৰা বজাৰ বুলি আঙুলিয়াই দি আত্মবিশ্বাস প্ৰকাশ কৰে যে যিসকলে আগতীয়াকৈ আৰম্ভ কৰে তেওঁলোকে আনতকৈ প্ৰথম গতিৰ সুবিধা লাভ কৰাটো নিশ্চিত।
মহামাৰী আৰু ৰাছিয়া-ইউক্ৰেইন যুদ্ধৰ পাৰ্শ্বক্ৰিয়াৰ কথা উল্লেখ কৰি প্ৰধানমন্ত্ৰীয়ে কয় যে বিশ্বক এক নিৰ্ভৰযোগ্য যোগান শৃংখলৰ প্ৰয়োজন। “বিশ্বৰ সৰ্ববৃহৎ গণতন্ত্ৰতকৈ অধিক বিশ্বাসযোগ্য অংশীদাৰ কোন হ’ব পাৰে”, তেওঁ কয়। ভাৰতৰ ওপৰত ক্ৰমাৎ বৃদ্ধি পোৱা বিশ্বব্যাপী আস্থাক লৈ তেওঁ সুখ প্ৰকাশ কৰে। ‘ভাৰতত সুস্থিৰ, দায়িত্বশীল আৰু সংস্কাৰমুখী চৰকাৰ আছে বাবে বিনিয়োগকাৰীয়ে বিশ্বাস কৰে। প্ৰতিটো খণ্ডতে আন্তঃগাঁথনিৰ বিকাশ ঘটিছে বাবে এই উদ্যোগটোৰ ভাৰতৰ ওপৰত বিশ্বাস আছে। টেক খণ্ডই ভাৰতত বিশ্বাস কৰে কাৰণ ইয়াত প্ৰযুক্তিৰ বৃদ্ধি হৈছে। আমাৰ এক বৃহৎ প্ৰতিভাৰ পুল থকাৰ বাবে অৰ্ধপৰিবাহী উদ্যোগে ভাৰতক বিশ্বাস কৰে”, তেওঁ কয়। “দক্ষ অভিযন্তা আৰু ডিজাইনাৰ আমাৰ শক্তি। বিশ্বৰ আটাইতকৈ সজীৱ আৰু ঐক্যবদ্ধ বজাৰৰ অংশ হ’ব বিচৰা যিকোনো ব্যক্তিৰ ভাৰতৰ প্ৰতি বিশ্বাস আছে। আমি যেতিয়া আপোনালোকক ভাৰতত নিৰ্মাণ কৰিবলৈ কওঁ, তেতিয়া ইয়াত এইটোও অন্তৰ্ভুক্ত কৰা হৈছে যে ভাৰতৰ বাবে নিৰ্মাণ কৰক, পৃথিৱীৰ বাবে নিৰ্মাণ কৰক”, তেওঁ লগতে কয়।
প্ৰধানমন্ত্ৰীয়ে কয় যে ভাৰতে নিজৰ বিশ্বব্যাপী দায়িত্ব বুজি পাইছে আৰু বন্ধুত্বপূৰ্ণ দেশৰ সৈতে এক বিস্তৃত ৰোডমেপৰ কাম কৰি আছে। সেইবাবেই ভাৰতে গঢ়ি তুলিছে এক সজীৱ অৰ্ধপৰিবাহী পৰিৱেশ তন্ত্ৰ। শেহতীয়াকৈ ৰাষ্ট্ৰীয় কোৱাণ্টাম অভিযানত অনুমোদন লাভ কৰা হৈছে। তদুপৰি ৰাষ্ট্ৰীয় গৱেষণা ভেটি বিধেয়কখনো সংসদত উত্থাপন কৰিবলৈ ওলাইছে। অৰ্ধপৰিবাহী পৰিৱেশ তন্ত্ৰ সৃষ্টিৰ বাবে অভিযান্ত্ৰিক পাঠ্যক্ৰমৰ নতুন ৰূপ দিয়া হৈছে। তেওঁ অৱগত কৰে যে ভাৰতত ৩০০ৰো অধিক এনে বিশিষ্ট মহাবিদ্যালয় চিনাক্ত কৰা হৈছে য’ত অৰ্ধপৰিবাহীৰ পাঠ্যক্ৰম উপলব্ধ হ’ব। চিপছ টু ষ্টাৰ্টআপছ প্ৰগ্ৰেমে অভিযন্তাসকলক সহায় কৰিব। "অহা ৫ বছৰত আমাৰ দেশত এক লাখতকৈ অধিক ডিজাইন ইঞ্জিনিয়াৰ উৎপাদন হ’ব বুলি অনুমান কৰা হৈছে। ভাৰতৰ ক্ৰমবৰ্ধমান ষ্টাৰ্ট-আপ ইক’ছিষ্টেমে অৰ্ধপৰিবাহী খণ্ডকো শক্তিশালী কৰিবলৈ গৈ আছে”, তেওঁ লগতে কয়।
কণ্ডাক্টৰ আৰু ইনচুলেটৰৰ উপমা দি প্ৰধানমন্ত্ৰীয়ে কয় যে ভাৰতে অৰ্ধপৰিবাহী উদ্যোগৰ বাবে ভাল শক্তি পৰিবাহী হ’বলৈ প্ৰতিটো চেকবক্সত টিক মাৰি আছে। এই খণ্ডৰ বাবে বিদ্যুতৰ গুৰুত্বপূৰ্ণ প্ৰয়োজনীয়তাক লক্ষ্য কৰি প্ৰধানমন্ত্ৰীয়ে অৱগত কৰে যে ভাৰতৰ সৌৰশক্তিৰ সংস্থাপিত ক্ষমতা বিগত দশকত ২০ গুণতকৈও অধিক বৃদ্ধি পাইছে আৰু শেষৰ ফালে ৫০০ গিগাৱাট নবীকৰণযোগ্য শক্তিৰ ক্ষমতাৰ নতুন লক্ষ্যত উপনীত হ’ব পৰাকৈ নিৰ্ধাৰণ কৰা হৈছে এই দশকত। তেওঁ সৌৰ পিভি মডিউল, সেউজ হাইড্ৰজেন আৰু ইলেক্ট্ৰ’লাইজাৰ উৎপাদনৰ বাবে গ্ৰহণ কৰা ডাঙৰ পদক্ষেপসমূহৰ বিষয়েও স্পৰ্শ কৰে। ভাৰতত চলি থকা নীতি সংস্কাৰে অৰ্ধপৰিবাহী পৰিৱেশ তন্ত্ৰৰ নিৰ্মাণত ইতিবাচক প্ৰভাৱ পেলাব বুলি তেওঁ আলোকপাত কৰে। তেওঁ নতুন উৎপাদন উদ্যোগৰ বাবে কাৰ্যকৰী হোৱা কেইবাটাও কৰ ৰেহাইৰ বিষয়েও অৱগত কৰে আৰু ভাৰতৰ ভিতৰতে সৰ্বনিম্ন কৰ্পৰেট কৰ হাৰ, মুখহীন আৰু নিৰৱচ্ছিন্ন কৰ প্ৰক্ৰিয়া, প্ৰাচীন আইন বিলুপ্ত, ব্যৱসায় কৰাত সহজতা বৃদ্ধিৰ বাবে মানি চলা আৰু বিশেষ প্ৰৰোচনাৰ ওপৰত আলোকপাত কৰে। শ্ৰী মোদীয়ে কয় যে এই সিদ্ধান্ত আৰু নীতিসমূহ ভাৰতে অৰ্ধপৰিবাহী উদ্যোগৰ বাবে ৰেড কাৰ্পেট ৰূপায়ণৰ প্ৰতিফলন। "ভাৰত সংস্কাৰৰ পথত আগবাঢ়ি যোৱাৰ লগে লগে নতুন সুযোগৰ সৃষ্টি হ’ব। ভাৰত অৰ্ধপৰিবাহী বিনিয়োগৰ বাবে এক উৎকৃষ্ট পৰিবাহী হৈ পৰিছে”, তেওঁ লগতে কয়।
প্ৰধানমন্ত্ৰীয়ে কয় যে ভাৰতে বিশ্বৰ যোগান শৃংখল, কেঁচামাল, প্ৰশিক্ষিত জনশক্তি আৰু যন্ত্ৰপাতিৰ প্ৰয়োজনীয়তা বুজি পায়। তেওঁ কয়, "ব্যক্তিগত খেলুৱৈৰ সৈতে আমি যি খণ্ডত ঘনিষ্ঠভাৱে কাম কৰিছোঁ, সেই খণ্ডই নতুন উচ্চতা স্পৰ্শ কৰিছে। মহাকাশ খণ্ডই হওক বা ভূ-স্থানীয় খণ্ডই হওক, আমি সকলোতে উৎকৃষ্ট ফলাফল পাইছোঁ”, প্ৰধানমন্ত্ৰীয়ে জোৰ দি কয়। লাভ কৰা প্ৰতিক্ৰিয়াৰ ভিত্তিত গ্ৰহণ কৰা জটিল সিদ্ধান্তসমূহৰ বিষয়েও তেওঁ অৱগত কৰে। তেওঁ ছেমিকন ইণ্ডিয়া প্ৰগ্ৰেমৰ অধীনত বৰ্ধিত প্ৰৰোচনাৰ কথা কয়। তেওঁ বিশদভাৱে কয় যে এতিয়া ভাৰতত অৰ্ধপৰিবাহী নিৰ্মাণৰ সুবিধা স্থাপনৰ বাবে প্ৰযুক্তি প্ৰতিষ্ঠানসমূহক ৫০ শতাংশ আৰ্থিক সাহায্য দিয়া হ’ব। “দেশৰ অৰ্ধপৰিবাহী খণ্ডৰ বৃদ্ধি ত্বৰান্বিত কৰাৰ বাবে আমি নীতি সংস্কাৰ অবিৰতভাৱে চলাই আছোঁ”, শ্ৰী মোদীয়ে কয়।
ভাৰতৰ জি-২০ থিম ‘এখন পৃথিৱী, এক পৰিয়াল, এক ভৱিষ্যত'ৰ ওপৰত চিন্তা কৰি প্ৰধানমন্ত্ৰীয়ে এই কথাত গুৰুত্ব আৰোপ কৰে যে ভাৰতক অৰ্ধপৰিবাহী উৎপাদন কেন্দ্ৰ হিচাপে গঢ়ি তোলাৰ আঁৰত একে মনোভাৱ প্ৰয়োগ কৰা হৈছে। তেওঁ এই কথাত গুৰুত্ব আৰোপ কৰে যে ভাৰতে ইয়াৰ দক্ষতা আৰু সামৰ্থ্যৰ দ্বাৰা সমগ্ৰ বিশ্বই উপকৃত হোৱাটো বিচাৰে। তেওঁ গ্ল’বেল গুড আৰু এখন উন্নত বিশ্বৰ বাবে ভাৰতৰ সম্ভাৱনা বৃদ্ধি কৰাত গুৰুত্ব আৰোপ কৰে। প্ৰধানমন্ত্ৰীয়ে এই উদ্যোগত অংশগ্ৰহণ, পৰামৰ্শ আৰু চিন্তাধাৰাক আদৰণি জনাই উদ্যোগৰ নেতাসকলক আশ্বাস দিয়ে যে ভাৰত চৰকাৰে প্ৰতিটো পদক্ষেপতে তেওঁলোকৰ সৈতে থিয় দিছে। ভাষণৰ সামৰণিত প্ৰধানমন্ত্ৰীয়ে লালকিল্লাৰ পৰা দিয়া ভাষণ স্মৰণ কৰি কয়, "এই সময়। এয়া সঠিক সময়। কেৱল ভাৰতৰ বাবেই নহয় সমগ্ৰ বিশ্বৰ বাবে।”
গুজৰাটৰ মুখ্যমন্ত্ৰী শ্ৰী ভূপেন্দ্ৰ পেটেল, কেন্দ্ৰীয় বৈদ্যুতিক আৰু তথ্য প্ৰযুক্তি মন্ত্ৰী শ্ৰীযুত অশ্বিনী বৈষ্ণৱ, কেন্দ্ৰীয় বৈদ্যুতিক আৰু তথ্য প্ৰযুক্তি ৰাজ্য মন্ত্ৰী, শ্ৰী ৰাজীৱ চন্দ্ৰশেখৰ, কেডেন্সৰ চিইঅ’, শ্ৰী অনিৰুদ্ধ দেৱগন, ফক্সকনৰ অধ্যক্ষ, শ্ৰী ইয়ং লিউ, বেদান্তৰ অধ্যক্ষ, মাইক্ৰনৰ চিইঅ’ শ্ৰী অনিল আগৰৱাল, এএমডিৰ চিটিঅ’ শ্ৰী সঞ্জয় মেহৰোত্ৰা, শ্ৰী মাৰ্ক পাপাৰমাষ্টাৰ আৰু ছেমিকণ্ডাক্টৰ প্ৰডাক্টছ গ্ৰুপ আমেটৰ সভাপতি শ্ৰী প্ৰভু ৰাজা এই অনুষ্ঠানত উপস্থিত থাকে।
পৃষ্ঠভূমি
সন্মিলনৰ বিষয়বস্তু হৈছে ‘ভাৰতৰ অৰ্ধপৰিবাহী পৰিৱেশ তন্ত্ৰক অনুঘটক কৰা’। ইয়াৰ লক্ষ্য হৈছে উদ্যোগ, শিক্ষা আৰু গৱেষণা প্ৰতিষ্ঠানৰ বিশ্বব্যাপী নেতাসকলক একত্ৰিত কৰা। ইয়াত ভাৰতৰ অৰ্ধপৰিবাহী কৌশল আৰু নীতি প্ৰদৰ্শন কৰা হৈছে যিয়ে ভাৰতক অৰ্ধপৰিবাহী ডিজাইন, উৎপাদন আৰু প্ৰযুক্তি বিকাশৰ বাবে এক বিশ্বব্যাপী কেন্দ্ৰ হিচাপে গঢ়ি তোলাৰ কল্পনা কৰিছে। ছেমিকনইণ্ডিয়া ২০২৩ত মাইক্ৰন টেকন’লজি, এপ্লাইড মেটেৰিয়েলছ, ফক্সকন, ছেমি, কেডেন্স, আৰু এএমডি আদি প্ৰধান কোম্পানীসমূহৰ প্ৰতিনিধিয়ে অংশগ্ৰহণ কৰে।
Come, invest in India. pic.twitter.com/HWWAaRiNct
— PMO India (@PMOIndia) July 28, 2023
21वीं सदी के भारत में अवसर ही अवसर हैं। pic.twitter.com/Pou3NaR3Ts
— PMO India (@PMOIndia) July 28, 2023
India is witnessing exponential growth in digital sector, electronics manufacturing. pic.twitter.com/Nrfcx0Mrcp
— PMO India (@PMOIndia) July 28, 2023
Today Indian aspirations are driving the country's development. pic.twitter.com/appzE6Us7h
— PMO India (@PMOIndia) July 28, 2023
The country's growing neo-middle class has become the powerhouse of Indian aspirations. pic.twitter.com/fUwsSKjl6Q
— PMO India (@PMOIndia) July 28, 2023
India is emerging as a trusted partner in the global chip supply chain. pic.twitter.com/fOtqJsPACS
— PMO India (@PMOIndia) July 28, 2023
The world's confidence in India is rising. pic.twitter.com/lF6uiR18Ec
— PMO India (@PMOIndia) July 28, 2023
Make in India, Make for India, Make for the World. pic.twitter.com/fHbgosS0yi
— PMO India (@PMOIndia) July 28, 2023
