Quote"যেতিয়া ন্যায় প্ৰদান কৰা দেখা যায়, তেতিয়া সাংবিধানিক প্ৰতিষ্ঠানসমূহৰ ওপৰত দেশবাসীৰ বিশ্বাস দৃঢ় হয়"
Quote"দেশৰ জনসাধাৰণে চৰকাৰৰ অনুপস্থিতি বা চাপ অনুভৱ কৰা উচিত নহয়"
Quote"যোৱা ৮ বছৰত, ভাৰতে ডেৰ হাজাৰৰো অধিক পুৰণি আৰু অপ্ৰাসংগিক আইন বাতিল কৰিছে আৰু ৩২ হাজাৰৰো অধিক অনুপালন হ্ৰাস কৰিছে"
Quote"আমি বুজিব লাগিব যে ৰাজ্যসমূহৰ স্থানীয় পৰ্যায়ত বৈকল্পিক বিবাদ নিষ্পত্তি প্ৰণালীক আইনী ব্যৱস্থাৰ কেনেদৰে এটা অংশ কৰি তুলিব পাৰি"
Quote"আমাৰ লক্ষ্য হ'ব লাগে দৰিদ্ৰতম লোকসকলে সহজে বুজি পোৱাকৈ আইন প্ৰস্তুত কৰা"
Quote"ন্যায়ৰ সহজতাৰ বাবে আইনী ব্যৱস্থাত স্থানীয় ভাষাই এক ডাঙৰ ভূমিকা পালন কৰে"
Quote"ৰাজ্য চৰকাৰবোৰে বিচাৰাধীন বন্দীসকলৰ সন্দৰ্ভত এক মানৱীয় দৃষ্টিভংগীৰে কাম কৰা উচিত যাতে ন্যায়িক ব্যৱস্থা মানৱীয় আদৰ্শৰ সৈতে আগবাঢ়ি যায়"
Quote"যদি আমি সংবিধানৰ আত্মালৈ লক্ষ্য কৰোঁ, বিভিন্ন কাৰ্য স্বত্বেও ন্যায়পালিকা, আইনসভা আৰু আদালতৰ মাজত তৰ্ক বা প্ৰতিযোগিতাৰ কোনো সুযোগৰ সৃষ্টি নহয় "
Quote"এক সক্ষম ৰাষ্ট্ৰ আৰু এক সুসংগত সমাজৰ বাবে

প্ৰধানমন্ত্ৰী শ্ৰী নৰেন্দ্ৰ মোদীয়ে আজি ভিডিঅ' বাৰ্তাৰ জৰিয়তে আইন মন্ত্ৰী আৰু আইন সচিবসকলৰ সৰ্বভাৰতীয় সন্মিলনৰ উদ্বোধনী অধিৱেশনত ভাষণ প্ৰদান কৰে।

সমবেত লোকসকলক সম্বোধন কৰি প্ৰধানমন্ত্ৰীয়ে উল্লেখ কৰে যে দেশৰ সকলো ৰাজ্যৰ আইন মন্ত্ৰী আৰু সচিবসকলৰ গুৰুত্বপূৰ্ণ বৈঠক ষ্টেচু অব্ ইউনিটিৰ গৌৰৱময় স্থানত অনুষ্ঠিত হৈছে আৰু চৰ্দাৰ পেটেলৰ অনুপ্ৰেৰণাই আমাক আজাদী কা অমৃত মহোৎসৱৰ এই পৰ্যায়ত সঠিক দিশত আঙুলিয়াই আমাৰ লক্ষ্যত উপনীত হোৱাত সহায় কৰিব।

প্ৰধানমন্ত্ৰীয়ে আমাৰ দৰে উন্নয়নশীল দেশত এখন স্বাস্থ্যৱান আৰু আত্মবিশ্বাসী সমাজৰ বাবে এক নিৰ্ভৰযোগ্য আৰু দ্ৰুত ন্যায় ব্যৱস্থাৰ প্ৰয়োজনীয়তাৰ কথা উল্লেখ কৰে। তেওঁ লগতে কয় যে ন্যায়িক ব্যৱস্থা আৰু প্ৰতিখন সমাজৰ বিভিন্ন প্ৰক্ৰিয়া আৰু পৰম্পৰা সময়কালৰ প্ৰয়োজনীয়তা অনুসৰি বিকশিত হৈ আহিছে। শ্ৰী মোদীয়ে কয়, "যেতিয়া ন্যায় প্ৰদান হোৱা দেখা যায়, তেতিয়া সাংবিধানিক প্ৰতিষ্ঠানসমূহৰ ওপৰত দেশবাসীৰ বিশ্বাস দৃঢ় হয়। আৰু যেতিয়া ন্যায় প্ৰদান কৰা হয়, তেতিয়া সাধাৰণ মানুহৰ আস্থা বৃদ্ধি হয়।" তেওঁ লগতে কয় যে দেশৰ আইন-শৃংখলাৰ নিৰন্তৰ উন্নতিৰ বাবে এনে ধৰণৰ অনুষ্ঠান অতি গুৰুত্বপূৰ্ণ।

প্ৰধানমন্ত্ৰীয়ে কয় যে ভাৰতীয় সমাজৰ উন্নয়নমূলক যাত্ৰা হাজাৰ হাজাৰ বছৰ পুৰণি আৰু গুৰুত্বপূৰ্ণ প্ৰত্যাহ্বানৰ সন্মুখীন হোৱা স্বত্বেও আমি স্থিৰ অগ্ৰগতি লাভ কৰিছো। "আমাৰ সমাজৰ আটাইতকৈ ডাঙৰ দিশটো হ'ল প্ৰগতিৰ পথত আগবাঢ়ি যাওঁতে আভ্যন্তৰীণভাৱে নিজকে উন্নত কৰাৰ প্ৰৱণতা", শ্ৰী মোদীয়ে লগতে কয়। নিৰন্তৰ উন্নতিৰ প্ৰয়োজনীয়তাৰ ওপৰত গুৰুত্ব আৰোপ কৰি প্ৰধানমন্ত্ৰীয়ে উল্লেখ কৰে যে প্ৰতিটো ব্যৱস্থাৰ মসৃণ কাৰ্যকৰীকৰণৰ বাবে ই এক অপৰিহাৰ্য প্ৰয়োজনীয়তা। "আমাৰ সমাজে অপ্ৰাসংগিক আইন আৰু ভুল ৰীতি-নীতিৰ পৰা আঁতৰি থাকে। অন্যথা, যেতিয়া যিকোনো পৰম্পৰা গোঁড়ামিলৈ ৰূপান্তৰিত হয়, ই সমাজৰ ওপৰত বোজা হৈ পৰে", তেওঁ লগতে কয়, "দেশৰ মানুহে চৰকাৰৰ অনুপস্থিতি বা চৰকাৰৰ চাপ অনুভৱ কৰা উচিত নহয়।"

ভাৰতৰ নাগৰিকৰ পৰা চৰকাৰৰ চাপ আঁতৰ কৰাৰ ওপৰত বিশেষ গুৰুত্ব আৰোপ কৰি প্ৰধানমন্ত্ৰীয়ে কয় যে যোৱা ৮ বছৰত ভাৰতে ডেৰ হাজাৰৰো অধিক পুৰণি আইন বাতিল কৰিছে আৰু উদ্ভাৱন আৰু জীৱনধাৰণৰ সহজতাৰ পথত বাধা সৃষ্টি কৰা আইনী বাধাৰ অৱসান ঘটাবলৈ ৩২ হাজাৰৰো অধিক অনুপালন হ্ৰাস কৰিছে। "ইয়াৰে বহুতো আইন দাসত্বৰ সময়ৰ পৰাই অব্যাহত আছিল", তেওঁ কয়। প্ৰধানমন্ত্ৰীয়ে লগতে কয় যে দাসত্বৰ সময়ৰ পৰা বহুতো পুৰণি আইন এতিয়াও ৰাজ্যসমূহত চলি আছে আৰু এই সন্মিলনত এনে আইন বিলুপ্ত কৰাৰ বাবে পথ প্ৰস্তুত কৰিবলৈ অনুষ্ঠানত উপস্থিত থকা বিশিষ্ট ব্যক্তিসকলক আহ্বান জনায়। "এই আজাদী কা অমৃত কালত দাসত্বৰ সময়ৰ পৰা চলি অহা আইনসমূহ বাতিল কৰি নতুন আইন প্ৰস্তুত কৰা উচিত", শ্ৰী মোদীয়ে লগতে কয়। প্ৰধানমন্ত্ৰীয়ে জনসাধাৰণৰ জীৱন ধাৰণৰ সহজতা আৰু সহজ ন্যায়ৰ ওপৰত গুৰুত্ব আৰোপ কৰি ৰাজ্যসমূহৰ বিদ্যমান আইনসমূহৰ পৰ্যালোচনা কৰাৰ দিশটোও আঙুলিয়াই দিয়ে।

প্ৰধানমন্ত্ৰীয়ে উল্লেখ কৰে যে ন্যায় সেৱাত পলম হোৱাটো আটাইতকৈ ডাঙৰ প্ৰত্যাহ্বান হিচাপে পৰিণত হৈছে আৰু ন্যায়পালিকাই এই দিশত অতি গুৰুত্বসহকাৰে কাম কৰি আছে। বৈকল্পিক বিবাদ নিষ্পত্তিৰ প্ৰণালীৰ ওপৰত আলোকপাত কৰি প্ৰধানমন্ত্ৰীয়ে কয় যে দীৰ্ঘদিন ধৰি ভাৰতৰ গাওঁসমূহত ইয়াক ভালদৰে ব্যৱহাৰ কৰা হৈছে আৰু এতিয়া ইয়াক ৰাজ্যিক পৰ্যায়লৈ উন্নীত কৰিব পাৰি। "আমি বুজিব লাগিব যে ইয়াক ৰাজ্যসমূহৰ স্থানীয় পৰ্যায়ত কেনেদৰে ইয়াক আইনী ব্যৱস্থাৰ অংশ কৰিব পাৰি", শ্ৰী মোদীয়ে লগতে কয়।

গুজৰাটৰ মুখ্যমন্ত্ৰী হৈ থকা সময়ৰ কথা স্মৰণ কৰি প্ৰধানমন্ত্ৰীয়ে কয় যে তেতিয়াৰ চৰকাৰে সান্ধ্য আদালতৰ ধাৰণাটো প্ৰৱৰ্তন কৰিছিল। তেওঁ কয় যে ধাৰাৰ ক্ষেত্ৰত কম গুৰুতৰ গোচৰবোৰ সন্ধিয়াৰ আদালতৰ দ্বাৰা গ্ৰহণ কৰা হৈছিল যাৰ ফলত শেহতীয়া বছৰবোৰত গুজৰাটত ৯ লাখতকৈও অধিক গোচৰৰ নিষ্পত্তি হৈছিল। প্ৰধানমন্ত্ৰীয়ে লোক আদালতৰ উত্থানৰ কথাও উল্লেখ কৰে যাৰ ফলত বিভিন্ন ৰাজ্যত লাখ লাখ গোচৰ নিষ্পত্তি হৈছে আৰু আদালতৰ বোজা হ্ৰাস পাইছে। "গ্ৰাম্য অঞ্চলত বাস কৰা লোকসকল ইয়াৰ পৰা যথেষ্ট উপকৃত হৈছে", তেওঁ লগতে কয়।

সংসদত আইন প্ৰস্তুত কৰাৰ ক্ষেত্ৰত মন্ত্ৰীসকলৰ দায়িত্বৰ কথা উল্লেখ কৰি প্ৰধানমন্ত্ৰীয়ে মন্তব্য কৰে যে যদি আইন নিজেই বিভ্ৰান্ত হয়, তেন্তে উদ্দেশ্য যিয়েই নহওঁক, ভৱিষ্যতে সাধাৰণ নাগৰিকে ইয়াৰ ফল ভুগিব লাগিব।

আন দেশৰ উদাহৰণ দি প্ৰধানমন্ত্ৰীয়ে উল্লেখ কৰে যে যেতিয়া সংসদ বা বিধান সভাত কোনো আইন প্ৰস্তুত কৰা হয়, তেতিয়া ইয়াক আইনৰ সংজ্ঞাৰ ভিতৰত বিতংভাৱে ব্যাখ্যা কৰিবলৈ আৰু দ্বিতীয়তে আইনখন এনে ভাষাত খচৰা প্ৰস্তুত কৰা হয় যাক সাধাৰণ মানুহে সহজে বুজিব পাৰে। আইনৰ কাৰ্যকৰীকৰণৰ সময়সীমাও নিৰ্ধাৰণ কৰা হয় আৰু নতুন পৰিস্থিতিত আইনখন পুনৰ পৰ্যালোচনা কৰা হয়। "ন্যায়ৰ সহজতাৰ বাবে আইনী ব্যৱস্থাত স্থানীয় ভাষাই এক বৃহৎ ভূমিকা পালন কৰে। মাতৃভাষাত যুৱসকলৰ বাবে শৈক্ষিক পৰিস্থিতিতন্ত্ৰও সৃষ্টি কৰিব লাগিব। আইনৰ পাঠ্যক্ৰম মাতৃভাষাত হ'ব লাগে, আমাৰ আইনবোৰ সৰল ভাষাত লিখিব লাগে, উচ্চ ন্যায়ালয় আৰু উচ্চতম ন্যায়ালয়ৰ গুৰুত্বপূৰ্ণ গোচৰৰ ডিজিটেল পুথিভঁৰাল স্থানীয় ভাষাত হ'ব লাগে", তেওঁ লগতে কয়।

"যেতিয়া সমাজৰ সৈতে ন্যায়িক ব্যৱস্থা বিকশিত হয়, তেতিয়া আধুনিকতা গ্ৰহণ কৰাৰ স্বাভাৱিক প্ৰৱণতা থাকে। ইয়াৰ ফলস্বৰূপে, সমাজত হোৱা পৰিৱৰ্তনসমূহ ন্যায় ব্যৱস্থাৰ জৰিয়তেও দৃশ্যমান হয়", শ্ৰী মোদীয়ে কয়। ন্যায়িক ব্যৱস্থাত প্ৰযুক্তিৰ একত্ৰীকৰণৰ ওপৰত আলোকপাত কৰি প্ৰধানমন্ত্ৰীয়ে ই-আদালত আৰু ভাৰ্চুৱেল শুনানিৰ উদ্ভৱ আৰু ই-ফাইলিঙৰ প্ৰচাৰৰ কথা উল্লেখ কৰে। শ্ৰী মোদীয়ে লগতে কয় যে দেশলৈ ৫জি ৰ আগমনৰ লগে লগে এই প্ৰণালীবোৰ উৎসাহিত হ’ব। "প্ৰতিখন ৰাজ্যই ইয়াৰ প্ৰণালীবোৰ আপডেট আৰু আপগ্ৰেড কৰিব লাগিব। প্ৰযুক্তি অনুসৰি ইয়াক প্ৰস্তুত কৰাটো আমাৰ আইনী শিক্ষাৰ এক গুৰুত্বপূৰ্ণ লক্ষ্য হ'ব লাগে", তেওঁ লগতে কয়।

প্ৰধানমন্ত্ৰীয়ে বিচাৰাধীন বন্দীসকলৰ বিষয়টো উত্থাপন কৰা উচ্চ ন্যায়ালয়ৰ মুখ্য ন্যায়াধীশসকলৰ যুটীয়া বৈঠকৰ কথা স্মৰণ কৰি তেওঁ বিশিষ্ট ব্যক্তিসকলক এনে ধৰণৰ গোচৰৰ নিষ্পত্তিৰ বাবে দ্ৰুত বিচাৰৰ দিশত কাম কৰিবলৈ আহ্বান জনায়। প্ৰধানমন্ত্ৰীয়ে লগতে কয় যে ৰাজ্য চৰকাৰসমূহে বিচাৰাধীন বন্দীসকলৰ সন্দৰ্ভত মানৱীয় দৃষ্টিভংগীৰে কাম কৰা উচিত যাতে ন্যায়িক ব্যৱস্থা মানৱীয় আদৰ্শৰ সৈতে আগবাঢ়ি যায়। "এখন সক্ষম ৰাষ্ট্ৰ আৰু এক সুসংগত সমাজৰ বাবে এক সংবেদনশীল ন্যায় ব্যৱস্থা অপৰিহাৰ্য", শ্ৰী মোদীয়ে লগতে কয়।

সংবিধানৰ সৰ্বোচ্চতাৰ কথা উল্লেখ কৰি প্ৰধানমন্ত্ৰীয়ে কয় যে সংবিধান হৈছে ন্যায়পালিকা, আইনসভা আৰু কাৰ্যবাহীৰ মূল। "চৰকাৰেই হওক, সংসদেই হওক, আমাৰ আদালতেই হওক, তিনিওটা এক প্ৰকাৰে একেগৰাকী মাতৃৰ সন্তান। গতিকে যদিও কামবোৰ বেলেগ, যদি আমি সংবিধানৰ আত্মালৈ লক্ষ্য কৰোঁ, তৰ্ক বা প্ৰতিযোগিতাৰ কোনো অৱকাশৰ সৃষ্টি নহয়। এগৰাকী মাতৃৰ সন্তানৰ দৰে তিনিওজনে মা ভাৰতীৰ সেৱা কৰিব লাগিব, তেওঁলোকে একেলগে একবিংশ শতিকাত ভাৰতক নতুন উচ্চতালৈ লৈ যাব লাগিব", প্ৰধানমন্ত্ৰীয়ে এইদৰে ভাষণৰ সামৰণি মাৰে।

কেন্দ্ৰীয় আইন আৰু ন্যায় মন্ত্ৰী শ্ৰী কিৰেন ৰিজিজু আৰু ৰাজ্যিক কেন্দ্ৰীয় আইন আৰু ন্যায় মন্ত্ৰী শ্ৰী এছ পি সিং বাঘেলো অন্যান্য বিশিষ্ট লোকসকলৰ সৈতে অনুষ্ঠানত উপস্থিত আছিল।

পৃষ্ঠভূমি

দুদিনীয়া সন্মিলনখন গুজৰাটৰ একতা নগৰত আইন আৰু ন্যায় মন্ত্ৰালয়ে আয়োজন কৰিছে। সন্মিলনৰ উদ্দেশ্য হৈছে নীতি নিৰ্মাতাসকলক ভাৰতীয় আইনী আৰু ন্যায়িক ব্যৱস্থাস ম্পৰ্কীয় বিষয়বোৰ আলোচনা কৰাৰ বাবে এক উমৈহতীয়া মঞ্চ প্ৰদান কৰা। ৰাজ্য আৰু কেন্দ্ৰীয়শাসিত অঞ্চলসমূহে এই সন্মিলনৰ জৰিয়তে তেওঁলোকৰ সৰ্বশ্ৰেষ্ঠ পদ্ধতিসমূহ ভাগ-বতৰা কৰিবলৈ, নতুন ধাৰণা বিনিময় কৰিবলৈ তথা তেওঁলোকৰ পাৰস্পৰিক সহযোগিতা উন্নত কৰিবলৈ সক্ষম হ'ব।

 

 

 

 

 

 

সম্পূৰ্ণ ভাষণ পঢ়িবলৈ ইয়াত ক্লিক কৰক

  • Mudhiraj Vijay October 21, 2022

    pranaam sir🙏
  • Mudhiraj Vijay October 21, 2022

    jai shree ram🙏🙏🙏🙏🙏 sir
  • Mahesh Atmaram Vinerkar October 20, 2022

    ghar ghar modi..har har modi...
  • pramod bhardwaj दक्षिणी दिल्ली जिला मंत्री October 18, 2022

    jaihind
  • pramod bhardwaj दक्षिणी दिल्ली जिला मंत्री October 17, 2022

    namonamo
  • Jaiswal Satrudhan October 17, 2022

    जय जय श्री राम
  • linden dhari October 17, 2022

    Sar iske sath Apne court kachhariyon ke kam bhi thode speed pakad le unmen thodi Pragati a jaaye to jyada achcha hoga Mera jaisa ek accident sadharan Insan jisko 7:30 sal Ho Gaye accident hone ke bad abhi tak use case ka koi nikal nahin aata Sar Mera case number hai 1501 aur sath mein meri wife ka bhi case number hai 152 ab use case ka koi nikal a nahin Raha hai Sar iska kya Karen court kachoriyon ko thoda aadhunikaran karne ki avashyakta hai Sar बहुत-बहुत dhanyvad
  • linden dhari October 17, 2022

    Modi ji aapane kisanon ki kist unke khate mein dalkar bahut achcha kam Kiya बहुत-बहुत dhanyvad aap baten hi Krishna Bhagwan ke avtari hai mera kahana aage itna hi hai Sar ki kisanon Ko jab yah kist dalne kisanon ki Khushi ka thikana nahin Raha Sar ji kyunki aage dipawali a rahi hai aur dipawali ki vajah se vah apni kharidhari aasani se kar sake har koi Chhota Kisan Apne Parivar mein khushiyon ke din abhi dekhta hai pahle Aisa koi system nahin tha thank u pm Sahab बहुत-बहुत dhanyvad aapko Sar ji
  • Chandra Parmar October 17, 2022

    जय श्री राम जय श्री हनुमंते नंमो 🙏🙏 ॐ नंमों शिवाय हर हर महादेव हर हर श्री मोदी जी ॐ नंमों शिवाय 🙏🙏 नमो नमो विजय हो हर हर महादेव 🙏🙏 वन्दे मातरम जय भारत वंदेमातरम 🇮🇳
  • Rachana Singh October 17, 2022

    Bahar Ke Dusmano She To Nipta Ja Sakta Hai. Lekin Ghar Ke Dusmano She Kaishe? ye Bahut Gambhir Mamla Hai. Mai PM. Shiri Adarniye Narendra Modi Ji She Apil Karti Hun. ki Is Mamla Me Gambhir She Shoche dhanyebad Sir 🙏
Explore More
140 crore Indians have taken a collective resolve to build a Viksit Bharat: PM Modi on Independence Day

Popular Speeches

140 crore Indians have taken a collective resolve to build a Viksit Bharat: PM Modi on Independence Day
Indian toy industry on a strong growthtrajectory; exports rise 40%, imports drop 79% in 5 years: Report

Media Coverage

Indian toy industry on a strong growthtrajectory; exports rise 40%, imports drop 79% in 5 years: Report
NM on the go

Nm on the go

Always be the first to hear from the PM. Get the App Now!
...
PM Modi greets everyone on occasion of National Science Day
February 28, 2025

The Prime Minister Shri Narendra Modi greeted everyone today on the occasion of National Science Day. He wrote in a post on X:

“Greetings on National Science Day to those passionate about science, particularly our young innovators. Let’s keep popularising science and innovation and leveraging science to build a Viksit Bharat.

During this month’s #MannKiBaat, had talked about ‘One Day as a Scientist’…where the youth take part in some or the other scientific activity.”