প্ৰধানমন্ত্ৰী শ্ৰী নৰেন্দ্ৰ মোদীয়ে আজি ছিডনীত অষ্ট্ৰেলিয়াৰ শীৰ্ষ কোম্পানীসমূহৰ মুখ্য কাৰ্যবাহী বিষয়াসকলৰ সৈতে বিজনেছ ৰাউণ্ডটেবোল সন্মিলন সম্বোধন কৰে। সন্মিলনত ইস্পাত, বেংকিং, ইন্ধন, খনন আৰু তথ্য প্ৰযুক্তি সহ বিভিন্ন ক্ষেত্ৰত কাম কৰি থকা অগ্ৰণী কোম্পানীসমূহৰ মুখ্য কাৰ্যবাহী বিষয়াসকলে ভাগ লয়। অষ্ট্ৰেলিয়াৰ কেইখনমান প্ৰধান বিশ্ববিদ্যালয়ৰ কুলপতিসকলেও বৈঠকত ভাগ লয়। প্ৰধানমন্ত্ৰীয়ে বেপাৰ কৰাত সহজতা আৰু অৰ্থনৈতিক বিকাশত উদগনি যোগাবলৈ চৰকাৰে আৰম্ভ কৰা কেইবাটাও অৰ্থনৈতিক সংস্কাৰ আৰু নতুন সুযোগৰ বিষয়ে অৱগত কৰে। ইয়াত বুনিয়াদী আন্তঃগাথঁনিৰ কানেক্টিভিটি পৰিকল্পনাৰ প্ৰতি একীকৃত দৃষ্টিভংগীৰ প্ৰতি মিছন গতিশক্তি, জন ধন-আধাৰ-মোবাইল ট্ৰিনিটি, ৰাষ্ট্ৰীয় শিক্ষা নীতি, হাইড্ৰোজেন মিছন ২০৫০, ডাক জীৱন বীমা (পিএলআই) যোজনা, অন্তৰিক্ষ আৰু ভূ-স্থানিক ক্ষেত্ৰত বেচৰকাৰী বিনিয়োগ, চিকিৎসা উপকৰণ নিৰ্মাণৰ নতুন নীতি আৰু আয়ুষ্মান ভাৰত স্বাস্থ্য বীমা যোজনা আদি অন্তৰ্ভুক্ত আছে।
প্ৰধানমন্ত্ৰীয়ে অষ্ট্ৰেলিয়াৰ শীৰ্ষ কোম্পানীসমূহৰ মুখ্য কাৰ্যবাহী বিষয়াসকলক আমন্ত্ৰণ কৰি কয় যে তেওঁলোকে ভাৰতত ডিজিটেল বুনিয়াদী আন্তঃগাথঁনি, তথ্য প্ৰযুক্তি, ফিনটেক, দূৰসঞ্চাৰ, ছেমিকণ্ডাক্টৰ, অন্তৰিক্ষ, সেউজ হাইড্ৰোজেন সহ নবীকৰণ যোগ্য ইন্ধন, শিক্ষা, ফাৰ্মা, চিকিৎসা উপকৰণৰ নিৰ্মাণ সহ স্বাস্থ্য সেৱা, গুৰুত্বপূৰ্ণ খনিজসহ খনন, বস্ত্ৰ, কৃষি আৰু খাদ্য প্ৰক্ৰিয়াকৰণৰ বুনিয়াদী আন্তঃগাথঁনিত বিনিয়োগৰ সুযোগ গ্ৰহণ কৰক।
প্ৰধানমন্ত্ৰী শ্ৰী নৰেন্দ্ৰ মোদীয়ে অষ্ট্ৰেলিয়াৰ মুখ্য কাৰ্যবাহী বিষয়াসকলক ভাৰতৰ প্ৰধান কোম্পানীসমূহৰ মুখ্য কাৰ্যবাহী বিষয়াসকলৰ সৈতে লাভজনক ভাগবতৰা কৰিবলৈ উৎসাহিত কৰে।
Interacted with top CEOs during the business roundtable in Sydney. Elaborated on the business opportunities in India and the reform trajectory of our Government. Invited Australian businesses to invest in India. pic.twitter.com/vxxCY3P5ez
— Narendra Modi (@narendramodi) May 24, 2023
