PM to launch Gangajal Project to Provide Better and More Assured Water Supply
PM to Address a Public Gathering in Agraপ্ৰধানমন্ত্ৰী শ্ৰী নৰেন্দ্ৰ মোদীয়ে কাইলৈ অৰ্থাৎ ৯ জানুৱাৰী ২০১৯ তাৰিখে উত্তৰ প্ৰদেশৰ আগ্ৰা ভ্ৰমণ কৰিব৷ তাত তেওঁ গংগাজল প্ৰকল্প আৰু বিভিন্ন উন্নয়নমূলক প্ৰকল্প মুকলি কৰিব৷ তাৰোপৰি তেওঁ আগ্ৰা স্মাৰ্ট চিটীৰ বাবে ইণ্টিগ্ৰেটেড কমাণ্ড এণ্ড কণ্ট্ৰ’ল চেণ্টাৰ, এছ এন চিকিত্সা মহাবিদ্যালয়ৰ উন্নীতকৰণ ইত্যাদিৰ আধাৰশিলাও স্থাপন কৰিব৷
গংগাজল কাৰ্যসূচীত ২৮৮০ কোটি টকা ধাৰ্য কৰা হৈছে৷ ই আগ্ৰাত উন্নত আৰু নিশ্চিত পানী যোগানৰ সুবিধা প্ৰদান কৰিব৷ ইয়াৰ দ্বাৰা চহৰবাসীৰ লগতে পৰ্যটকসমূহো উপকৃত হ’ব৷ এছ এন চিকিত্সা মহাবিদ্যালয়ৰ উন্নীতৰণত ২০০ কোটি টকা ধাৰ্য কৰা হৈছে য’ত মহিলাৰ বাবে ১০০খন প্ৰসূতি বিচনাৰ সুবিধা থাকিব৷ ইয়াৰ দ্বাৰা সমাজৰ দুৰ্বল অংশৰ স্বাস্থ্য আৰু প্ৰসূতিজনিত সেৱা নিশ্চিত হ’ব৷ আগ্ৰা স্মাৰ্ট চিটীৰ বাবে ইণ্টিগ্ৰেটেড কমাণ্ড এণ্ড কণ্ট্ৰ’ল চেণ্টাৰ প্ৰকল্পত ২৮৫ কোটি টকা ধাৰ্য কৰা হৈছে৷ ইয়াৰ দ্বাৰা আগ্ৰা এক আধুনিক চহৰলৈ পৰ্যবসিত হোৱাৰ লগতে পৰ্যটকৰ বাবেও আকৰ্ষণৰ কেন্দ্ৰ হৈ পৰিব৷
প্ৰধানমন্ত্ৰীয়ে আগ্ৰাৰ কোঠি মীনা বাজাৰত উপস্থিত জনতাক সম্বোধি ভাষণ প্ৰদান কৰিব৷ প্ৰধানমন্ত্ৰী এয়া চহৰখনলৈ দ্বিতীয় ভ্ৰমণ৷ ২০১৬ চনৰ ২০ নৱেম্বৰৰ পূৰ্বৰ ভ্ৰমণত তেওঁ প্ৰধানমন্ত্ৰী আৱাস যোজনা (গ্ৰামীণ) আঁচনি মুকলি কৰিছিল৷ এই আঁচনিৰ অধীনত উত্তৰ প্ৰদেশত ৯.২ লাখৰ লগতে চহৰখনত ৬৫ লাখ গৃহ নিৰ্মাণ কৰা হৈছে৷ তেওঁ অঞ্চলটোৰ বাবে ৰে’ল আন্তঃগাঁথনি আৰু সেৱাসমূহো মুকলি কৰিছিল৷
