প্ৰধানমন্ত্ৰী শ্ৰী নৰেন্দ্ৰ মোদীয়ে আজি লোককল্যাণ মাৰ্গত ৰাষ্ট্ৰীয় শিক্ষক বঁটা বিজয়ীসকলৰ সৈতে মতবিনিময় কৰে৷
প্ৰধানমন্ত্ৰীয়ে বঁটা বিজয়ীসকলক তেওঁলোকৰ অনবদ্য সেৱাৰ বাবে অভিনন্দন জ্ঞাপন কৰে৷ প্ৰতিগৰাকী শিক্ষাৰ্থীৰ জীৱন সলনি কৰিবলৈ প্ৰচেষ্টা অব্যাহত ৰাখিবলৈ তেওঁ শিক্ষকসকলক আহ্বান জনায়৷
মতবিনিময়ত প্ৰধানমন্ত্ৰীয়ে তথ্য-প্ৰযুক্তিক শিক্ষণ প্ৰক্ৰিয়াৰ এক আহিলা হিচাপে ব্যৱহাৰৰ প্ৰয়োজনীয়তা সন্দৰ্ভত আলোচনা কৰে৷ সাধাৰণ নাগৰিকে দৈনন্দিন জীৱনত সন্মুখীন হৈ অহা সমস্যাসমূহ সমাধানৰ বাবে শিক্ষাৰ্থীক উৎসাহিত কৰিবলৈ প্ৰধানমন্ত্ৰীয়ে শিক্ষক সমাজক আহ্বান জনায়৷
প্ৰধানমন্ত্ৰীয়ে জোৰ দি কয় যে শিক্ষাৰ্থীৰ মাজত সৃষ্টিশীলতা বৃদ্ধি কৰাতো অত্যন্ত জৰুৰী হৈ পৰিছে৷ সৃষ্টিশীলতাৰ বাবে তেওঁলোকক উৎসাহিত কৰিলে শিশুৰ আত্ম-বিশ্বাস বৃদ্ধি পাব আৰু আনৰ সৈতে তেওঁলোকে নিজকে তুলনা কৰিব পাৰিব৷ প্ৰধানমন্ত্ৰীয়ে শিক্ষকসকলক কয় যে শিক্ষাৰ্থীক সদায় সতেজ, প্ৰাণৱন্ত কৰি ৰাখিব লাগে আৰু তেওঁলোকক শিকাৰ পূৰ্ণ সুযোগ দিব লাগে৷
প্ৰধানমন্ত্ৰীৰে বাৰ্তালাপত বঁটাবিজয়ী শিক্ষকসকলে তেওঁলোকৰ পৰিৱৰ্তনকাৰী কামৰ কথা বৰ্ণনা কৰে, যি কামে পঢ়াশালিলৈ ইতিবাচক পৰিৱৰ্তন কঢ়িয়াই আনিবলৈ সক্ষম হৈছে৷ অটল টিংকাৰিং লেবৰ সহায়ত কিদৰে ছাত্ৰ-ছাত্ৰীসকলে নতুন উদ্ভাৱন আৰু প্ৰযুক্তিৰ সৈতে পৰিচয় হ’ব পাৰিছে, সেই বিষয়েও শিক্ষকসকলে প্ৰধানমন্ত্ৰীৰ সন্মুখত উল্লেখ কৰে৷
কেন্দ্ৰীয় মানৱ সম্পদ উন্নয়ন মন্ত্ৰী শ্ৰী ৰমেশ পখৰিয়াল আৰু ৰাজ্যিক মানৱ সম্পদ উন্নয়ন মন্ত্ৰী শ্ৰী সঞ্জয় শ্বামৰাও ধোট্ৰেও অনুষ্ঠানত উপস্থিত থাকে৷
