প্ৰধানমন্ত্ৰী শ্ৰী নৰেন্দ্ৰ মোদীয়ে আজি ২০১৮ৰ কমনৱেলথ গেমছত পদক জয় কৰা দেশৰ টেবুল টেনিছ খেলুৱৈসকলৰ সৈতে মত-বিনিময় কৰে৷ নতুন দিল্লীস্থিত সংসদ ভৱনত খেলুৱৈসকলে প্ৰধানমন্ত্ৰীক সাক্ষাৎ কৰে৷
আন্তঃৰাষ্ট্ৰীয় প্ৰেক্ষাপটত দাঙি ধৰা চমকপ্ৰদ প্ৰদৰ্শনৰ বাবে পদকজয়ী খেলুৱৈসকলক প্ৰধানমন্ত্ৰীয়ে অভিনন্দন জ্ঞাপন কৰে৷ শ্ৰী মোদীয়ে কয় যে তেওঁলোকৰ প্ৰদৰ্শনে সমদ্ৰ দেশক গৌৰৱান্বিত কৰিছে৷
ভাৰতৰ সৰু সৰু চহৰ-নগৰৰ পৰা ক্ৰীড়া প্ৰতিভাৰ উত্থান ঘটাত প্ৰধানমন্ত্ৰীয়ে সন্তোষ প্ৰকাশ কৰে আৰু কয় যে এই প্ৰতিভাৱান ক্ৰীড়াবিদসকলক পৰ্যাপ্ত সা-সুবিধাৰে আগুৱাই নিয়া উচিত৷
পেট্ৰ’লিয়াম আৰু প্ৰাকৃতিক গেছ মন্ত্ৰী শ্ৰী ধৰ্মেন্দ্ৰ প্ৰধান আৰু যুৱ পৰিক্ৰমা আৰু ক্ৰীড়া ৰাজ্যিক স্বতন্ত্ৰ মন্ত্ৰী কৰ্ণেল ৰাজ্যৱৰ্ধন সিং ৰাথোড়ো অনুষ্ঠানত উপস্থিত থাকে৷
