উত্তৰাখণ্ডৰ হৰ্ষিলত সৈন্যবাহিনীৰ সৈতে দিপাৱলী উদযাপন কৰিলে প্ৰধানমন্ত্ৰীয়ে

প্ৰধানমন্ত্ৰী শ্ৰী নৰেন্দ্ৰ মোদীয়ে আজি উত্তৰাখণ্ডৰ হৰ্ষিলত ভাৰতীয় সৈন্যবাহিনীৰ সৈতে দিপাৱলী উদযাপন কৰে৷

এই উত্সৱ উপলক্ষে সৈন্যবাহিনীক প্ৰধানমন্ত্ৰীয়ে শুভেচ্ছা প্ৰদান কৰি কয় যে সুউচ্চ বৰফৰ মাজত সৈন্যবাহিনীয়ে যি নিষ্ঠাৰে নিজৰ কৰ্তব্য কৰি আছে সেয়াই ৰাষ্ট্ৰৰ শক্তি বৃদ্ধি কৰিব, ভৱিষ্যতক সুৰক্ষা প্ৰদান কৰিব আৰু ১২৫ কোটি ভাৰতীয়ৰ সপোন পূৰণ কৰিব৷ তেওঁ কয় যে দিপাৱলী পোহৰৰ উত্সৱ; ই ঈশ্বৰৰ প্ৰকাশ বিয়পায় আৰু ভয় দূৰ কৰে৷ তেওঁ কয় যে সৈন্যসকলে নিজৰ প্ৰতিশ্ৰুতি তথা নিয়মানুৱৰ্তিতাৰ সৈতে জনসাধাৰণক সুৰক্ষা প্ৰদান কৰাৰ লগতে তেওঁলোকৰ মনৰ পৰা ভয়ো দূৰ কৰে৷

প্ৰধানমন্ত্ৰীয়ে দিপাৱলীৰ সময়ত তেওঁ গুজৰাটৰ মুখ্যমন্ত্ৰী হৈ থকা দিনৰে পৰা সৈন্যবাহিনীৰ সৈতে দিপাৱলী পালন কৰি অহাৰ কথা সোঁৱৰণ কৰে৷ তাৰোপৰি তেওঁ যোৱা বছৰ কৈলাশ মানস সৰোবৰৰ যাত্ৰাৰ সময়ত আইটিবিপিৰ সৈন্যবাহিনীসকলৰ সৈতেও বাৰ্তালাপ কৰিছিল৷

প্ৰধানমন্ত্ৰীয়ে কয় যে ভাৰতে প্ৰতিৰক্ষা ক্ষেত্ৰত এক কঠোৰ অৱস্থানত অৱতীৰ্ণ হৈছে৷ তেওঁ অৱসৰ লাভ কৰা চাকৰিয়ালৰ বাবে বিভিন্ন পদক্ষেপ যেনে অ’আৰঅ’পি (ৱান ৰেংক, ৱান পেঞ্চন) গ্ৰহণ কৰাৰ কথাও উল্লেখ কৰে৷

প্ৰধানমন্ত্ৰীয়ে কয় যে ভাৰতীয় সশস্ত্ৰ বাহিনীয়ে সমগ্ৰ বিশ্বকে ধৰি ৰাষ্ট্ৰসংঘৰ শান্তিস্থাপন কাৰ্যসূচীতো নিজৰ অৱদান আগবঢ়াইছে৷

প্ৰধানমন্ত্ৰীয়ে সৈন্যবাহিনীসকলৰ মাজত মিঠাই বিতৰণ কৰে৷ তাৰোপৰি তেওঁ পাৰ্শ্বৱতী এলেকাৰ জনসাধাৰণকো দিপাৱলীৰ শুভেচ্ছা জনায়৷

Celebrated Diwali with our valorous Army and @ITBP_official personnel at Harsil in Uttarakhand. 

India is immensely proud of all those who protect our nation, with utmost dedication and courage. 

We salute them! pic.twitter.com/siW4Yz2UUd

— Narendra Modi (@narendramodi) November 7, 2018

While interacting with Army and @ITBP_official Jawans in Harsil, spoke about the numerous steps being taken by the Government of India for the strengthening of the defence sector, welfare of ex-servicemen and highlighted how Indian forces are admired globally for the skills. pic.twitter.com/DFAuJfrQwy

— Narendra Modi (@narendramodi) November 7, 2018