৪ মাৰ্চ ২০১৯ তাৰিখে প্ৰধানমন্ত্ৰী মোদীয়ে বিশ্ব উমিয়াম ধাম কমপ্লেক্সৰ আধাৰশিলা স্থাপনত উপস্থিত জনতাৰ সন্মুখত ভাষণ প্ৰদান কৰি কৈছিল- ‘‘আপোনালোকলৈ মোৰ এটা অনুৰোধ আছে, আপোনালোকে মোক সহায় কৰিবনে?’’
যেতিয়া ৰাজনৈতিক ব্যক্তি এজনে তেনে মন্তব্য কৰে তেতিয়া সকলোৰে মনত এটা কথাই খেলায় যে তেওঁ বোধহয় ভোট খোজাৰ কথা কৈছে৷ এয়া কোনো নতুন কথা নহয়, কিয়নো দশকজুৰি ভাৰতীয় সকলে এনে ৰাজনৈতিক ছবিয়েই নিজৰ মনত আঁকি আহিছে৷
কিন্তু প্ৰধানমন্ত্ৰী মোদীয়ে উপস্থিত লোকসকলক কয় যে তেওঁ লিংগ সমতা নিশ্চিতিৰ বাবে তথা ভ্ৰুণ হত্যাৰ দৰে লজ্বাজনক কাৰ্যৰ অংশীদাৰ নহ’বলৈ প্ৰতিশ্ৰুতি বিচাৰিছে৷
কাৰ্যালয়ৰ দায়িত্বভাৰ গ্ৰহণৰ পিছৰে পৰা প্ৰধানমন্ত্ৰী মোদীয়ে লিংগ সমতাৰ নিশ্চিতি তথা মহিলাৰ সৱলীকৰণৰ বাবে কাম কৰি আহিছে৷ তেওঁ কথা প্ৰসংগত মাজে-সময়ে কৈয়েই থাকে যে মহিলাৰ উন্নয়নতকৈ মহিলা নেতৃত্বাধীন বিকাশত অধিক মনোযোগ দিয়া আৱশ্যক৷
প্ৰধানমন্ত্ৰী মোদীয়ে ‘বেটি বচাও, বেটি পঢ়াও’ আন্দোলনৰ সূচনা কৰাৰ পৰা পূৰ্বে লিংগ অসমতাৰ বাবে জনাজাত হাৰিয়ানাত এতিয়া যোৱা পাঁচ বছৰত অভূতপুৰ্ব ফলাফল পৰিলক্ষিত হৈছে৷
মুদ্ৰা যোজনাই লক্ষাধিক লোকৰ প্ৰত্যাশাত ডেউকা প্ৰদান কৰিছে আৰু ইয়াৰে অধিকাংশই হ’ল মহিলা হিতাধিকাৰী৷
যুগান্তকাৰী পদক্ষেপ হিচাপে ধ্বজ্বাবাহী আঁচনি প্ৰধানমন্ত্ৰী আৱাস যোজনাৰ অধীনত গৃহসমূহ মহিলা সদস্যৰ নামত আৱণ্টন দিয়া হৈছে৷ ইয়াৰ দ্বাৰা মহিলাসকল সুৰক্ষিত হোৱাৰ লগতে সমাজত তেওঁলোকৰ সন্মানো বৃদ্ধি হৈছে৷
প্ৰধানমন্ত্ৰী মোদীৰ ভাৰত নিৰ্মাণৰ সপোন য’ত ৰাষ্ট্ৰীয় উন্নতিত নাৰী শক্তিয়ে অগ্ৰণী ভূমিকা পালন কৰিব তথা বিনা কোনো বাধা তথা বিনা ভয়ে নিজৰ হাবিয়াস পূৰণ কৰিব পাৰিব সেয়া তেওঁৰ প্ৰয়াসত প্ৰকাশ পাইছে৷
