জাপানৰ বৈদেশিক মন্ত্ৰী শ্ৰীমান টাৰো ক’নোই আজি প্ৰধানমন্ত্ৰী নৰেন্দ্ৰ মোদীক সাক্ষাৎ কৰে৷ শ্ৰীমান ক’নোৱে প্ৰধানমন্ত্ৰী মোদীৰ অক্টোবৰ,২০১৮ৰ জাপান ভ্ৰমণৰ পিছত তেওঁলোকৰ চৰকাৰে হাতত লোৱা ব্যৱস্থা সন্দৰ্ভত ভাৰতৰ প্ৰধানমন্ত্ৰীগৰাকীক বিশদভাৱে উল্লেখ কৰে৷
প্ৰধানমন্ত্ৰী মোদীয়ে তেওঁৰ সফল জাপান ভ্ৰমণৰ স্মৃতি ৰোমন্থন কৰি কয় যে ভাৰত আৰু জাপানৰ মাজত কৌশলগত আৰু গোলকীয় অংশীদাৰিত্ব গভীৰ কৰিবলৈ তেওঁলোক সংকল্পবদ্ধ৷
প্ৰধানমন্ত্ৰীয়ে কয় যে চলিত বৰ্ষৰ শেষৰফালে জাপানৰ সৈতে হ’বলগীয়া বাৰ্ষিক সন্মিলনৰ পৰৱৰ্তী পৰ্যায়লৈ ভাৰতে আগ্ৰহেৰে অপেক্ষা কৰিছে৷
