মহামহিম,
আপোনাৰ বন্ধুত্বৰ মনোভাৱ, উষ্ম আদৰণি আৰু আতিথ্যৰ বাবে মই আন্তৰিকতাৰে কৃতজ্ঞতা জ্ঞাপন কৰিছোঁ। ব্ৰিকছ সন্মিলনৰ বাবে কাজানৰ দৰে এখনি সুন্দৰ চহৰ ভ্ৰমণৰ সুযোগ পাই মই আনন্দিত হৈছোঁ। চহৰখনৰ ভাৰতৰ সৈতে গভীৰ আৰু ঐতিহাসিক সম্পৰ্ক আছে। কাজানত নতুন ভাৰতীয় কনছুলেট মুকলিয়ে এই সম্পৰ্কক অধিক সুদৃঢ় কৰিব।
মহামহিম,
যোৱা তিনিমাহত ৰাছিয়ালৈ মোৰ দুবাৰ ভ্ৰমণে আমাৰ ঘনিষ্ঠ সহযোগিতা আৰু গভীৰ বন্ধুত্বকে প্ৰতিফলিত কৰে। জুলাইত মস্কোত অনুষ্ঠিত আমাৰ বাৰ্ষিক সন্মিলনে প্ৰতিটো ক্ষেত্ৰতে আমাৰ সহযোগিতাক সুদৃঢ় কৰিছে।
মহামহিম,
বিগত এটা বছৰত ব্ৰিকছৰ সফল অধ্যক্ষতাৰ বাবে আপোনাক অভিনন্দন জনাইছোঁ। যোৱা পোন্ধৰ বছৰে ব্ৰিকছে স্বকীয় অনন্য পৰিচয় গঢ়ি তুলিছে আৰু এতিয়া বিশ্বৰ কেইবাখনো দেশে ইয়াত যোগদান কৰিব বিচাৰিছেঁ। মই ব্ৰিকছ সন্মিলনত অংশগ্ৰহণ কৰিবলৈ আগ্ৰহী হৈ উঠিছোঁ।
মহামহিম,
ৰাছিয়া আৰু ইউক্ৰেইনৰ মাজত অব্যাহত সংঘাত সন্দৰ্ভত আমি নিয়মীয়াকৈ যোগাযোগ অব্যাহত ৰাখিছোঁ। মই পূৰ্বেও কৈছোঁ, সমস্যাৰ সমাধান কেৱল শান্তিপূৰ্ণ উপায়েৰেহে হ’ব লাগে বুলি আমি বিশ্বাস কৰোঁ। আমি যিমান সম্ভৱ, সিমান সোনকালে শান্তি আৰু সুস্থিৰতা পুনৰ ঘূৰাই অনা কাৰ্য্যক সম্পূৰ্ণৰূপে সমৰ্থন কৰোঁ। আমাৰ সকলো প্ৰচেষ্টাই মানৱতাক অগ্ৰাধিকাৰ প্ৰদান কৰিছে। ভৱিষ্যতেও সম্ভৱপৰ সকলো সহায় আগবঢ়াবলৈ ভাৰত সাজু হৈ আছে।
মহামহিম,
এই সকলোবোৰ বিষয়ত আমাৰ চিন্তাধাৰাৰ আদান-প্ৰদানৰ অৰ্থে আজি পুনৰ এক গুৰুত্বপূৰ্ণ সুযোগ লাভ কৰিছোঁ। আকৌ এবাৰ বহু-বহু ধন্যবাদ জনালোঁ।
