ভূটানৰ ৰজা মহামহিম জিগমে খেছাৰ নামগ্যায়াল ৱাংচুকে আজি প্ৰধানমন্ত্ৰী শ্ৰী নৰেন্দ্ৰ মোদীক ফোন কৰি অষ্টাদশ লোকসভা নিৰ্বাচনত এনডিএৰ বিজয়ৰ বাবে অভিনন্দন জনায়। মহামহিম ৰজা ৱাংচুকে প্ৰধানমন্ত্ৰী মোদীৰ নেতৃত্বত ভাৰতবাসীৰ ধাৰাবাহিক প্ৰগতি আৰু সমৃদ্ধিৰ বাবে উষ্ম শুভেচ্ছা আৰু অভিনন্দন জনায়।
প্ৰধানমন্ত্ৰীয়ে ৰজা ৱাংচুকৰ শুভেচ্ছাৰ বাবে ধন্যবাদ জ্ঞাপন কৰে। ভূটান আৰু ভাৰতৰ মাজত বন্ধুত্বৰ আদৰ্শগত সম্পৰ্ক পুনৰবাৰ উল্লেখ কৰি প্ৰধানমন্ত্ৰীয়ে ভূটান ৰয়েল চৰকাৰৰ সৈতে কাম কৰাৰ লগতে অনন্য দ্বিপাক্ষিক অংশীদাৰিত্বক অধিক উচ্চতালৈ লৈ যোৱাৰ বাবে ভাৰত চৰকাৰৰ প্ৰতিশ্ৰুতি দোঁহাৰে৷
ভাৰত-ভূটান অংশীদাৰিত্বৰ বৈশিষ্ট্য হৈছে সকলো স্তৰতে পৰম আস্থা, সদিচ্ছা আৰু পাৰস্পৰিক বুজাবুজি আৰু ইয়াক দুয়োখন দেশৰ জনসাধাৰণৰ মাজত শক্তিশালী সংযোগ আৰু ঘনিষ্ঠ অৰ্থনৈতিক আৰু উন্নয়নমূলক অংশীদাৰিত্বৰ দ্বাৰা শক্তিশালী কৰা হয়।
I thank His Majesty the King of Bhutan for his call and warm wishes. Bhutan-Bharat partnership is unique and exemplary. I look forward to continue working together and taking this extraordinary partnership to higher levels.
— Narendra Modi (@narendramodi) June 5, 2024
